မၤတၢ် 23:16 - Sgaw Karen Common Bible

¹⁶ ဘၣ်ဆၣ်ဒီးစီၤပီလူးအဒီပုၢ်ဝဲၢ်မုၣ်အဖိခွါနၢ်ဟူတၢ်ကူၣ်ထီ ဒါစီၤပီလူးတမံၤအံၤအဂ့ၢ်လီၤ. လၢတၢ်န့ၣ်အဃိအဝဲလဲၤနုာ်ဆူသုးဖိအိၣ်တၢ်အလီၢ် တိာ်ပူၤဒီးတဲဘၣ်စီၤပီလူးလၢတၢ်ဂ့ၢ်အံၤလီၤ.

မၤတၢ် 23:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:17

စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

တၢ်ကတိၤဒိ. 24:15

လီၤဂာ်ဒီးပှၤတတီတလိၤလၢအကူၣ်ထီၣ်တၢ်လၢကဂုာ်န့ၢ်ပှၤတီ ပှၤလိၤအတၢ်, မ့တမ့ၢ်, ကဟံးန့ၢ်ကွံာ်အဟံၣ်န့ၣ်တဂ့ၤ.

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

မၤတၢ် 21:34

ပှၤတနီၤလၢပှၤကမျၢၢ်အကျါကိးပသူထီၣ်တၢ်တမံၤ, ဒီးအဂၤတဖၣ်ကိးထီၣ်ဝဲတမံၤဒၣ်လီၤ. တၢ်သဘံၣ်ဘုၣ်အိၣ်ဝဲတုၤဒၣ်လဲာ်တၢ်မၤအသးနီၢ်နီၢ်မ့ၢ်တၢ်မနုၤ လဲၣ်န့ၣ်, ပှၤသုးဖိတကထိအခိၣ်ဃုသ့ၣ်ညါဝဲတဘၣ်ဘၣ်. လၢတၢ်န့ၣ်အဃိအဝဲဟ့ၣ်လီၤအကလုၢ်လၢအပှၤတဖၣ်ကက့ၤ ကိးစီၤပီလူးဆူသုးဖိအိၣ်တၢ်အလီၢ်, တိာ်ပူၤန့ၣ်လီၤ.

မၤတၢ် 21:37

ဖဲပှၤသုးဖိတဖၣ်သါကဒုးနုာ်လီၤစီၤပီလူးဆူတိာ်အပူၤန့ၣ်, အဝဲဒၣ်ကတိၤတၢ်ဒီးပှၤသုးဖိတကထိအခိၣ်တဂၤဒီးစံး, “ယကတိၤတၢ်ဒီးနၤသ့ကစီဒီဧါ.” ပှၤသုးဖိတကထိအခိၣ် သံကွၢ်အီၤ, “နကတိၤကြံးခ်အကျိာ်ဘၣ်ဧါ.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

မၤတၢ် 23:17

ဖဲန့ၣ်စီၤပီလူးကိးပှၤသုးဖိတကယၤအခိၣ်အကျါ တဂၤဒီးစံးဘၣ်အီၤ, “ဆှၢပိာ်ခွါသးစၢ်တဂၤအံၤဆူပှၤသုးဖိတကထိအခိၣ်အအိၣ် တက့ၢ်. အဝဲအိၣ်ဒီးတၢ်ဂ့ၢ်တမံၤလၢအကစံးဘၣ်တဲဘၣ်အီၤလီၤ.”

မၤတၢ် 23:32

မုၢ်ဆ့ၣ်ထီၣ်တနံၤန့ၣ်, ပှၤသုးဖိဟးလၢအခီၣ်တဖၣ်က့ၤက့ၤဆူသုးဖိအိၣ်တၢ်အလီၢ် တိာ်ပူၤဒီးပာ်တ့ၢ်ပှၤဒိးကသ့ၣ်တဖၣ်ဒ်သိးအကလဲၤဆူညါ ဒီးအီၤလီၤ.

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”