မၤတၢ် 23:14 - Sgaw Karen Common Bible

¹⁴ တုၤနုၤတစုအဝဲသ့ၣ်လဲၤဆူပှၤလုၢ်တၢ်အခိၣ်အဒိၣ် တဖၣ်ဒီးပှၤယူဒၤဖိကရၢအခိၣ်အနၢ်တဖၣ်အအိၣ်ဒီးစံးဝဲ, “ပဆိၣ်လီၤလံပသးသပှၢ်ပှၢ်လၢပမ့ၢ်တမၤသံဘၣ်စီၤပီလူး ဘၣ်ဒီးပတအီၣ်တၢ်နီတမံၤဘၣ်လီၤ.

မၤတၢ် 23:14 Iomraidhean Croise

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 4:9

သုကတူၢ်ဘၣ်တၢ်စံၣ်ညီၣ်တမံၤဃီဒ်ပှၤဂီၢ်မုၢ်အသိး, ယကစံၣ်ညီၣ်သုဒီးယကမၢသုဟ့ၣ်တၢ်အပှ့ၤလၢတၢ်အၢတၢ် သီလၢသုမၤအဂီၢ်န့ၣ်လီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

မၤတၢ် 23:13

ပှၤလၢအကူၣ်ထီၣ်ဖးလီၤသကိးတၢ်တဖုအံၤ, အနီၣ်ဂံၢ်အိၣ်ဝဲအါန့ၢ်အဂၤလွံၢ်ဆံလီၤ.

မၤတၢ် 23:20

အဝဲဒၣ်စံးဆၢဝဲ, “ပှၤယူဒၤဖိအခိၣ်အနၢ်တဖၣ်အၢၣ်လီၤအီလီၤသကိးလိာ်အသး လၢခဲမုၢ်ဆ့ၣ်န့ၣ်, ကပာ်မၤအသးလၢကီၣ်ကးသးအိၣ်သ့ၣ်ညါလီၤတံၢ်တၢ်ဂ့ၢ် ဘၣ်ဃးဒီးစီၤပီလူးဒီးကမၢနလဲၤဆှၢအီၤဆူကီၣ်ကးအအိၣ်လီၤ.

မၤတၢ် 23:21

ဘၣ်ဆၣ်ဒီးတဘၣ်ဒိကနၣ်အဝဲသ့ၣ်အကလုၢ်တဂ့ၤ. အဂ့ၢ်ဒ်အံၤ, ပှၤအိၣ်ဝဲဒၣ်အါန့ၢ်အဂၤလွံၢ်ဆံလၢအကအိၣ်ခိးခူသူၣ်အခိၣ်န့ၣ် လီၤ. အဝဲသ့ၣ်ဆိၣ်လီၤတ့ၢ်အသးလၢမ့ၢ်တမၤသံဘၣ်စီၤပီလူးန့ၣ် တအီၣ်တၢ်အီတၢ်နီတမံၤဘၣ်လီၤ. ခဲအံၤအဝဲသ့ၣ်အိၣ်ကတဲာ်ကတီၤအသးလၢအကမၤတၢ်တမံၤ အံၤဒီးအိၣ်ခိးဝဲဒ်သိးကနၢ်ဟူဘၣ်နကဟ့ၣ်တၢ်စံးဆၢဒ်လဲၣ် န့ၣ်လီၤ.”