မၤတၢ် 23:11 - Sgaw Karen Common Bible

¹¹ နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 23:11 Iomraidhean Croise

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

လံာ်ယိၤဟၣ် 14:18

ယတပာ်လီၤတဲာ်သုထဲသုကစၢ်ဒၣ်သုဝဲဘၣ်. ယကဟဲက့ၤကဒါက့ၤဆူသုအိၣ်န့ၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 18:9

ဘၣ်မုၢ်တနၤန့ၣ်, စီၤပီလူးဒိးန့ၢ်ဘၣ်တၢ်ထံၣ်လၢညါခီဖဲ ကစၢ်စံးဘၣ်အီၤ, “တဘၣ်ပျံၤတၢ်တဂ့ၤ. မ့မ့ၢ်ကတိၤတၢ်ဒီးတဘၣ်ဆိကတီၢ်တဂ့ၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 2:25

အဂ့ၢ်ဒ်အံၤ, စီၤဒၤဝံးစံးတ့ၢ်ဝဲဘၣ်ဃးဒီးအီၤ, ‘ယထံၣ်ကစၢ်လၢယမဲာ်ညါထီဘိ, အဝဲဒၣ်အိၣ်လၢယစုထွဲတခီသတးဒီး တၢ်မၤဟူးမၤဝးယၤတသ့နီတမံၤဘၣ်.

မၤတၢ် 20:22

ဒီးခဲကနံၣ်အံၤ, လၢတၢ်စူၢ်ဒီးတၢ်ဒိကနၣ်သးစီဆှံအကလုၢ် အပူၤန့ၣ်, ယကလဲၤယဲဆူဝ့ၢ်ယရူၤၡလ့ၣ်, ဒီးတၢ်ကမၤအသးဒီးယၤဖဲန့ၣ်ဒ်လဲၣ်ဒ်လဲၣ်န့ၣ်, ယတသ့ၣ်ညါဘၣ်.

မၤတၢ် 22:15

အဂ့ၢ်ဒ်အံၤ, နကမ့ၢ်ပှၤအုၣ်အသးလၢတဂၤအဂီၢ်လၢအကတဲ ဘၣ်ပှၤကိးဂၤဒဲးတၢ်လၢနထံၣ်ဒီးနၢ်ဟူဘၣ်တ့ၢ်ဝဲန့ၣ်လီၤ.

မၤတၢ် 22:18

လၢတၢ်ထံၣ်လၢညါခီဝဲအံၤအပူၤန့ၣ်ယထံၣ်ဘၣ်ကစၢ်ဒီး အဝဲဒၣ်စံးဘၣ်ယၤ, ‘မၤချ့ချ့ဒီးဟးထီၣ်ကွံာ်တဘျီဃီလၢယရူၤၡလ့ၣ်အပူၤ တက့ၢ်. အဂ့ၢ်ဒ်အံၤ, ပှၤဂီၢ်မုၢ်ဖဲအံၤတဖၣ်တတူၢ်လိာ်နတၢ်အုၣ်နသးလၢယဂ့ၢ်ဘၣ်.’

1 ကရံၣ်သူး 9:1

ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

ဖံလံးပံၤ 1:13

လၢတၢ်အံၤအဃိ, သုးဖိလၢအခိးစီၤပၤအနူၢ်အစီၤကိးဂၤဒဲး, ဒီးပှၤဂၤတဖၣ်လၢအအိၣ်ဝဲဖဲအံၤခဲလၢာ်သ့ၣ်ညါဝဲလၢ ယအိၣ်ဘၣ်လၢဃိာ်ပူၤန့ၣ်မ့ၢ်လၢယမ့ၢ်ခရံာ်အခ့အပှၤတဂၤ အဃိလီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.