မၤတၢ် 22:7 - Sgaw Karen Common Bible

⁷ ယလီၤတဲာ်လၢဆၣ်ဖိကီၢ်ဖိလၢယဒိးအီၤတဒုအလိၤဆူဟီၣ် ခိၣ်လိၤဒီးနၢ်ဟူတၢ်ကလုၢ်သီၣ်ထီၣ်ဒီးစံးဘၣ်ယၤ, “စီၤစီလူးဧၢ, စီၤစီလူးဧၢ, ဘၣ်မနုၤအဃိနမၤအၢမၤနးယၤ လဲၣ်.”

မၤတၢ် 22:7 Iomraidhean Croise

လံာ်တၢ်ကဲထီၣ်အခီၣ်ထံး 16:8

ဒီးစံးဘၣ်အီၤ, “နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်ဒီးနကလဲၤဆူလဲၣ်.” ဒီးနီၢ်ဟၤကၢ်စံးဆၢအီၤ, “ယဟးထီၣ်ဃ့ၢ်လၢယကစၢ်မုၣ်နီၢ်စၤ ရဲအအိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:11

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 3:9

ဘၣ်ဆၣ်ယွၤ, ကစၢ်ယွၤကိးထီၣ်ပိာ်ခွါ, “နအိၣ်ဖဲလဲၣ်.”

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ယံးရမံယၤ 2:9

သတးဒီးယၤ, ယွၤအံၤယကပာ်ဖျါထီၣ်ကဒီး ယကွီၢ်ထီဒါယပှၤဂီၢ်မုၢ်လီၤ. ယကပာ်တၢ်ကမၣ်ထီဒါအဝဲသ့ၣ်အစၢၤအသွဲၣ်တဖၣ်လီၤ.

လံာ်မးသဲ 25:45

စီၤပၤကစံးဆၢတၢ်ဒီးစံး, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုတမၤစၢၤဘၣ်ပှၤအဆံးကတၢၢ်လၢယဒီပုၢ်ဝဲၢ် အကျါတဂၤဂၤန့ၣ်, မ့ၢ်သုတမၤစၢၤဘၣ်ယၤန့ၣ်လီၤ.’

လံာ်မးသဲ 27:23

ဘၣ်ဆၣ်, စီၤပံၤလးသံကွၢ်တၢ်ဒီးစံး, “အဝဲမၤကမၣ်တ့ၢ်တၢ်မနုၤလဲၣ်.” တုၤနုၤတစုအဝဲသ့ၣ်ကိးပသူထီၣ်ဒိၣ်န့ၢ်အလီၢ်ဒီးစံး, “ပျၤထီအီၤလၢထူၣ်စုညါအလိၤတက့ၢ်.”

မၤတၢ် 22:6

ဖဲယလဲၤတၢ်ဘူးထီၣ်ဒီးဝ့ၢ်ဒၤမ့ၤစ့းကဘၣ်ဖဲမုၢ်ထူၣ် အဆၢကတီၢ်န့ၣ်, တၢ်ကပီၤကပြုၢ်ကပြီၤလၢမူခိၣ်ဟဲကပီၤထီၣ်သတူၢ် ကလာ်ဝးတရံးယၤလီၤ.

မၤတၢ် 22:8

“နမ့ၢ်မတၤလဲၣ်ကစၢ်ဧၢ,” ယသံကွၢ်ယဲ, “ယမ့ၢ်ပှၤနစၤရ့းဖိယ့ၣ်ၡူးလၢနမၤအၢမၤနးအီၤတဂၤန့ၣ် လီၤ.” အဝဲဒၣ်စံးဆၢယၤ.

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:10

ယွၤဟဲဒီးဆၢထၢၣ်ဖဲန့ၣ်ဒီးကိးထီၣ်ဒ်အကိးတ့ၢ်ဝဲလၢညါအသိး, “စီၤၡမူၤအ့လး, စီၤၡမူၤအ့လးဧၢ,” န့ၣ်လီၤ. စီၤၡမူၤအ့လးစံးဆၢဝဲ, “ကတိၤတၢ်တက့ၢ်. နခ့နပှၤဒိကနၣ်တၢ်လီၤ.”