မၤတၢ် 22:3 - Sgaw Karen Common Bible

³ “ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 22:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:2

(ပှၤကံးဘိၣ်ဖိတဖၣ်န့ၣ်တမ့ၢ်ပှၤအံၣ်စရ့လးဖိတဖၣ်ဘၣ်. အဝဲသ့ၣ်မ့ၢ်ပှၤအဆံးဖိတဖုလၢအမိၢ်ဖိအကျါလၢပှၤအံၣ်စရ့လးဖိတဖၣ် အၢၣ်လီၤဝဲလၢကအိၣ်ပှိၤဒီဒၣ်အီၤဘၣ်ဆၣ်, စီၤစီလူးကျဲးစၢးဒ်သိးကမၤဟးဂီၤကွံာ်အဝဲသ့ၣ် မ့ၢ်လၢအဝဲဒၣ်အတၢ်သးဆူၣ်သးဂဲၤလၢ ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်အဂီၢ်အဃိန့ၣ်လီၤ.)

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်လူၤကၣ် 10:39

အဝဲဒၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤရံ, လၢအဆ့ၣ်နီၤဖဲကစၢ်အခီၣ်ထံးဒီးဒိကနၣ်အဝဲအတၢ်သိၣ် လီၤသီလီၤတၢ်န့ၣ်လီၤ.

လံာ်လူၤကၣ် 2:46

ဖဲသၢသီတသီန့ၣ်အဝဲသ့ၣ်ထံၣ်အီၤလၢတၢ်လုၢ်ဟံၣ်အပူၤ, ဆ့ၣ်နီၤလၢယူဒၤအသရၣ်သမါတဖၣ်အသိးအကျါ, ဒိကနၣ်အဝဲသ့ၣ်အတၢ်စံးတၢ်ကတိၤ, ဒီးသံကွၢ်တၢ်သံကွၢ်တဖၣ်လီၤ.

လံာ်လူၤကၣ် 8:35

ပှၤဂီၢ်မုၢ်တဖၣ်ဟးထီၣ်ဒ်သိးအကထံၣ်ဘၣ်တၢ်လၢအမၤတ့ၢ်အသး တဖၣ်လီၤ. အဝဲသ့ၣ်ဟဲဆူယ့ၣ်ၡူးအအိၣ်ဒီးထံၣ်ဘၣ်ပှၤတဂၤလၢ တၢ်နါတဖၣ်ဟးထီၣ်ကွံာ်လၢအလိၤ, ဆ့ၣ်နီၤဖဲယ့ၣ်ၡူးအခီၣ်ထံး, အိၣ်ဒီးတၢ်ကူတၢ်သိးလၢအလိၤ, အိၣ်ဒီးအသးလၢအဘၣ်လီၢ်ဘၣ်စး, ဒီးအဝဲသ့ၣ်ပျံၤတၢ်ကိးဂၤဒဲးလီၤ.

မၤတၢ် 11:25

တၢ်မၤအသးတမံၤအံၤဝံၤအလီၢ်ခံ, စီၤဘၢ်နါဘၤလဲၤဆူဝ့ၢ်တၢ်စူးဒ်သိးအကဃုထံၣ်န့ၢ်စီၤစီလူး အဂီၢ်လီၤ.

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 21:39

စီၤပီလူးစံးဆၢဝဲ, “ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃးဒီးကီၢ်ကံၤလံၤကံ, ဝ့ၢ်လၢအမံၤဟူသၣ်ဖျါတဖျၢၣ်အပှၤဝ့ၢ်ဖိတဂၤန့ၣ်လီၤ. ဝံသးစူၤဟ့ၣ်ယၤအခွဲးလၢယကကတိၤတၢ်ဒီးပှၤဂီၢ်မုၢ်တဖၣ် တက့ၢ်.”

မၤတၢ် 23:34

ပဒိၣ်ဖးဒိၣ်ဖးကွၢ်တၢ်ပရၢ, ဒီးသံကွၢ်စီၤပီလူးလၢအဟဲလၢကီၢ်မတၤလဲၣ်န့ၣ်လီၤ. ဖဲအဝဲသ့ၣ်ညါဘၣ်ဝဲလၢအဟဲလၢကီၢ်ကံၤလံၤကံန့ၣ်,

မၤတၢ် 23:6

ဖဲစီၤပီလူးထံၣ်လၢပှၤအိၣ်ဖဲန့ၣ်တနီၤမ့ၢ်ပှၤစးဒူၤကဲဒီး အဂၤတနီၤမ့ၢ်ပှၤဖၤရံၤၡဲန့ၣ်, အဝဲဒၣ်ကိးထီၣ်လၢကီၣ်ကး တၢ်အိၣ်ဖှိၣ်အပူၤ, “ယဒီပုၢ်ဝဲၢ်သ့ၣ်ဧၢ, ယမ့ၢ်ပှၤဖၤရံၤၡဲတဂၤ, ပှၤဖၤရံၤၡဲတဖၣ်အဖိခွါလီၤ. ယဘၣ်တၢ်သမံသမိးယၤဖဲအံၤမ့ၢ်လၢယမုၢ်လၢ်ပှၤသံကဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤအဃိလီၤ.”

မၤတၢ် 26:5

အဝဲသ့ၣ်မ့ၢ်သးဆူၣ်လၢအကအုၣ်အသးလၢယဂ့ၢ်န့ၣ်, အဝဲသ့ၣ် သ့ၣ်ညါတ့ၢ်ဝဲယံာ်တ့ၢ်မးလၢယဘၣ်ဃးဒီးပှၤဖၤရံၤၡဲတဖၣ်, ပှၤလၢအဟံးဃာ်တၢ်ဘူၣ်တၢ်ဘါအတၢ်သိၣ်တၢ်သီအဃံး ကတၢၢ်တဖုန့ၣ်လီၤ.

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

မၤတၢ် 5:34

ဘၣ်ဆၣ်ဒီးလၢကီၣ်ကးတဖုန့ၣ်အကျါပှၤဖၤရံၤၡဲတဂၤလၢ အမံၤမ့ၢ်စီၤကမၤလ့လး, ပှၤသိၣ်လိလံာ်တၢ်သိၣ်တၢ်သီဒီးမ့ၢ်ပှၤတဂၤလၢပှၤခဲလၢာ် ယူးယီၣ်ပာ်ကဲအီၤဒိၣ်ဒိၣ်ကလဲာ်န့ၣ်, ဂဲၤဆၢထၢၣ်ဒီးဟ့ၣ်လီၤအကလုၢ်လၢပှၤပၢၤတၢ်ဖိတဖၣ်ကမိၤထီၣ် ကွံာ်တၢ်မၢဖိတဖၣ်န့ၣ်ဆူတၢ်ချၢတစိၢ်တလီၢ်လီၤ.

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

မၤတၢ် 9:1

အကတီၢ်ဖဲန့ၣ်, စီၤစီလူးကတိၤပျံၤကတိၤဖုးဒံးကစၢ်အပျဲၢ်အဘီၣ် တဖၣ်လၢအကမၤသံအဝဲသ့ၣ်န့ၣ်လီၤ. အဝဲဒၣ်လဲၤဝဲဆူပှၤလုၢ်တၢ်အခိၣ်အဒိၣ်ကတၢၢ်အအိၣ်,

မၤတၢ် 9:11

ဒီးကစၢ်န့ၣ်စံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူကျဲလၢတၢ်ကိးအမံၤလၢ ကျဲဘျၢတဘိန့ၣ်တက့ၢ်. ဖဲစီၤယူဒၤအဟံၣ်န့ၣ်သံကွၢ်ဘၣ်ဃးပှၤဝ့ၢ်တၢ်စူးဖိလၢပှၤ ကိးအမံၤလၢစီၤစီလူးန့ၣ်တက့ၢ်.

မၤတၢ် 9:30

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူသ့ၣ်ညါဘၣ်တၢ်ဂ့ၢ် တမံၤအံၤဒီး, အဝဲသ့ၣ်လဲၤကိးစီၤစီလူးဆူဝ့ၢ်ကဲၤစါရံၤဒီးဆှၢက့ၤအီၤ ဆူဝ့ၢ်တၢ်စူးန့ၣ်လီၤ.

ရိမ့ၤ 11:1

မ့မ့ၢ်ဒ်န့ၣ်ဒီး, ယစံး, မ့ၢ်ကစၢ်ယွၤညိကွံာ်လံအပှၤကလုာ်ဒၣ်ဝဲ န့ၣ်ဧါ. တညိကွံာ်လ့ၤတက့ၤဘၣ်. ယကစၢ်ဒၣ်ယဲယမ့ၢ်ပှၤအံၣ်စရ့လးဖိတဂၤလၢအဟဲလီၤစၢၤလီၤ သွဲၣ်လၢစီၤအၤဘြၤဟၣ်လၢအဘၣ်ဃးဒီးစီၤဘံၣ်ယၤမံၣ်အဒူၣ် န့ၣ်လီၤ.

၂ ကရံၣ်သူး 11:22

အဝဲသ့ၣ်မ့ၢ်ပှၤဧ့ၤဘြံၤဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်ပှၤအံၣ်စရ့လးဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်စီၤအၤဘြၤဟၣ်အစၢၤအသွဲၣ်ဧါ. ယဲစ့ၢ်ကီးယမ့ၢ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

ကလၤတံ 1:21

တၢ်န့ၣ်ဝံၤအလီၢ်ခံယလဲၤဆူတၢ်လီၢ်တဖၣ်လၢကီၢ်စူၤရံဒီးကီၢ် ကံၤလံၤကံအပူၤန့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.