မၤတၢ် 22:26 - Sgaw Karen Common Bible

²⁶ ဖဲသုးဖိတကယၤအခိၣ်နၢ်ဟူတၢ်အံၤန့ၣ်, အဝဲဒၣ်လဲၤဆူသုးဖိတကထိအခိၣ်အအိၣ်ဒီးသံကွၢ်အီၤ, “နမၤတၢ်မနုၤလဲၣ်န့ၣ် မ့ၢ်နသ့ၣ်ညါကစီဒီဧါ. ပှၤတဂၤန့ၣ်, မ့ၢ်ရိမ့ၤအထံဖိကီၢ်ဖိတဂၤလီၤ.”

မၤတၢ် 22:26 Iomraidhean Croise

လံာ်ယိၤဟၣ် 18:12

မၤသးဒ်န့ၣ်ဒီး, ပှၤရိမ့ၤသုးဖိတဖၣ်ဃုာ်ဒီးအသုးခိၣ်ဒီး ယူဒၤအပှၤပၢၤတၢ်လုၢ်ဟံၣ်တဖၣ်, ဖီၣ်ယ့ၣ်ၡူးဒီးစၢဃာ်အီၤ,

မၤတၢ် 22:25

ဘၣ်ဆၣ်ဖဲအဝဲသ့ၣ်စၢဃာ်အီၤ ဒ်သိးအကဖျ့အီၤန့ၣ်, စီၤပီလူးစံးဘၣ်သုးဖိတကယၤအခိၣ်လၢအဆၢထၢၣ်ဖဲန့ၣ်တဂၤ, “သုကဖျ့ရိမ့ၤအပှၤထံဖိကီၢ်ဖိတဂၤလၢအတဘၣ်တၢ်သမံ သမိးဒံးဒၣ်လဲာ်အီၤလၢအတၢ်ကမၣ်အိၣ်တအိၣ်အဂ့ၢ်န့ၣ်, ဘၣ်လိာ်ဒီးထံကီၢ်အတၢ်သိၣ်တၢ်သီအကျဲကစီဒီဧါ.”

မၤတၢ် 22:27

လၢတၢ်န့ၣ်အဃိသုးဖိတကထိအခိၣ်လဲၤဆူစီၤပီလူး အအိၣ်ဒီးသံကွၢ်အီၤ, “တဲဘၣ်ယၤတက့ၢ်. နမ့ၢ်ရိမ့ၤအပှၤထံဖိကီၢ်ဖိတဂၤဧါ.” ဒီးစီၤပီလူးစံးဆၢအီၤ, “မ့ၢ်လီၤ.”

မၤတၢ် 22:29

တဘျီဃီဖဲန့ၣ်, ပှၤလၢအကသမံသမိးစီၤပီလူးတဖၣ်သုးကွံာ်အသးလၢ အအိၣ်လီၤ. ဒီးသုးဖိတကထိအခိၣ်ပျံၤတၢ်ဖဲအသ့ၣ်ညါ လၢစီၤပီလူးမ့ၢ်ရိမ့ၤအပှၤထံဖိကီၢ်ဖိတဂၤ, ဒီးအဝဲစၢဃာ်ဘၣ်အီၤလၢပျံၤထးတဖၣ်အဃိန့ၣ်လီၤ.

မၤတၢ် 23:27

ပှၤယူဒၤဖိတဖၣ်ဖီၣ်ဃာ်ပှၤတဂၤအံၤ, ဒီးဘူးတ့ၢ်မးလၢအကမၤ သံဘၣ်အီၤလီၤ. ယသ့ၣ်ညါဘၣ်လၢအဝဲမ့ၢ်ရိမ့ၤအပှၤထံဖိ ကီၢ်ဖိတဂၤအဃိ, ယလဲၤဒီးယပှၤသုးဖိတဖၣ်, ဒီးမၤပူၤမၤဖျဲးအီၤလီၤ.