မၤတၢ် 22:20 - Sgaw Karen Common Bible

²⁰ ဒီးဖဲပှၤအုၣ်အသးလၢနဂ့ၢ် စီၤစတ့းဖၣ်ဘၣ်တၢ်မၤသံ အီၤန့ၣ်, ယနီၢ်ကစၢ်ဒၣ်ယဲယအိၣ်ဖဲန့ၣ်, ယအၢၣ်လီၤထွဲပှၤ အတၢ်မၤသံအီၤ, ဒီးကွၢ်ထွဲပှၤမၤသံအီၤတဖၣ်အဆ့ကၤ ဖီခိၣ်န့ၣ်လီၤ.’

မၤတၢ် 22:20 Iomraidhean Croise

လံာ်လူၤကၣ် 11:48

မ့မ့ၢ်ဒ်န့ၣ်ဒီးသုအၢၣ်လီၤသုဝဲလၢသုဘၣ်သူၣ်ဘၣ်သးတၢ်လၢ သုပၢ်လၢပျၢၤတဖၣ်မၤတ့ၢ်ဝဲန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသံဝံတဖၣ်န့ၣ်, ဒီးသုဝဲသုမၤထီၣ်အဝဲသ့ၣ်အတၢ်သွၣ်ခိၣ်အပူၤတဖၣ်လီၤ.

မၤတၢ် 26:10

အဝဲအံၤမ့ၢ်တၢ်လၢယမၤတ့ၢ်ယဲဖဲဝ့ၢ်ယရူၤၡလ့ၣ်န့ၣ်လီၤ. ယဒိးန့ၢ်ဘၣ်တၢ်စိတၢ်ကမီၤလၢပှၤလုၢ်တၢ်အခိၣ်အဒိၣ်တဖၣ် အအိၣ်, ဒီးဒၢနုာ်ကစၢ်ယွၤအပှၤစီဆှံအါဂၤဆူဃိာ်ပူၤလီၤ. ဒီးဖဲအဝဲသ့ၣ်ဘၣ်တၢ်စံၣ်ညီၣ်သံအီၤန့ၣ်, ယပာ်ဖျါယတၢ်ဘၣ် ယသးစ့ၢ်ကီးန့ၣ်လီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.