မၤတၢ် 22:14 - Sgaw Karen Common Bible

¹⁴ စီၤအနၤနံစံးဘၣ်ယၤ, ‘ကစၢ်ယွၤလၢပပၢ်လၢပျၢၤတဖၣ်ဘူၣ်ထီၣ်ဘါထီၣ်အီၤ တဂၤန့ၣ်, ဃုထၢတ့ၢ်နၤဒ်သိးနကသ့ၣ်ညါအတၢ်ဘၣ် အသး, နကထံၣ်ဘၣ်အခ့တီပှၤလိၤတဂၤ, ဒီးနၢ်ဟူဘၣ်အကတိၤတၢ်လၢအကလုၢ်ဒၣ်ဝဲန့ၣ်လီၤ.

မၤတၢ် 22:14 Iomraidhean Croise

လံာ်စီၤပၤခံဘ့ၣ်တဘ့ၣ် 21:22

အဝဲညိကွံာ်ယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဒီးတစူၢ်ဘၣ်ယွၤအတၢ်မၤလိာ်တဖၣ်န့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 12:17

စီၤဒၤဝံးလဲၤထီၣ်သဂၢၢ်အဝဲသ့ၣ်ဒီးစံးဝဲ, “သုမ့ၢ်ဟဲဒ်တံၤသကိးတဖၣ်လၢကမၤစၢၤယၤအဂီၢ်န့ၣ်ဒီးယတူၢ် လိာ်မုာ်သုဖဲအံၤလီၤ. အိၣ်သကိးဒီးပှၤတက့ၢ်. ဘၣ်ဆၣ်သုမ့ၢ်ဟဲဒ်သုကဟ့ၣ်လီၤယၤဆူယဒုၣ်ယဒါတဖၣ်အစုပူၤန့ၣ် ဒီးယမ့ၢ်တကျဲးစၢးမၤဆါသုဒၣ်လဲာ်န့ၣ်, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤကသ့ၣ်ညါဝဲဒီးကစံၣ်ညီၣ် သုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:18

ယွၤ, ပပၢ်ဖးဒိၣ်လၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤဧၢ, တၢ်ဘူၣ်ထီၣ်ဘါထီၣ်ဒ် သိးအံၤန့ၣ်ပၢၤဃာ်အီၤကျၢၤကျၢၤလၢနပှၤဂီၢ်မုၢ်တဖၣ်အသးကံၢ် ပူၤလီၤစိၤလီၤထီ, ဒီးဟံးဃာ်အဝဲသ့ၣ်ဒ်သိးကသးတီ ဒီးနၤထီဘိန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:25

လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:19

“အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, လၢနတၢ်ဂ့ၤတၢ်ဝါဒၣ်နဲအပူၤန့ၣ်, ပျၢ်လၢ်ပှၤတဖၣ်လၢအဘူၣ်ထီၣ် ဘါထီၣ်နၤလၢအသူၣ်ဒီဖျၢၣ်သးဒီဖျၢၣ်အတၢ်ကမၣ်, ဖဲအဝဲသ့ၣ်တကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအခါဒၣ်လဲာ်န့ၣ် တက့ၢ်.”

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ဒၤနံးယ့လး 2:23

ယစံးထီၣ်ပတြၢၤနၤဒီးမၤလၤကပီၤနၤ, ပှၤလၢယဟဲလီၤစၢၤလီၤသွဲၣ်လၢအီၤတဖၣ်အကစၢ်ယွၤဧၢ, နဟ့ၣ်လီၤတ့ၢ်ယၤတၢ်ကူၣ်သ့ဒီးတၢ်ဂံၢ်တၢ်ဘါလီၤ. နစံးဆၢတ့ၢ်ယတၢ်ထုကဖၣ် ဒီးနဒုးနဲၣ်တ့ၢ်ပှၤတၢ်လၢပကဘၣ်တဲဘၣ် စီၤပၤန့ၣ်လီၤ.”

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

မၤတၢ် 13:17

ပှၤအံၣ်စရ့လးဖိအကစၢ်ယွၤဃုထၢထီၣ်ပမိၢ်ပၢ်ဖံဖုလၢပျၢၤတဖၣ်, ဒီးဒုးကဲထီၣ်အီၤလၢပှၤကလုာ်ဖးဒိၣ်တကလုာ်ဖဲအဝဲသ့ၣ်အိၣ် သမှံၤလၢကီၢ်အဲၤကူပတူးအပူၤန့ၣ်လီၤ. ကစၢ်ယွၤထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, ခီဖျိအစိအကမီၤလၢအဒိၣ်ဝဲမုၢ်ဝဲန့ၣ်လီၤ.

မၤတၢ် 22:15

အဂ့ၢ်ဒ်အံၤ, နကမ့ၢ်ပှၤအုၣ်အသးလၢတဂၤအဂီၢ်လၢအကတဲ ဘၣ်ပှၤကိးဂၤဒဲးတၢ်လၢနထံၣ်ဒီးနၢ်ဟူဘၣ်တ့ၢ်ဝဲန့ၣ်လီၤ.

မၤတၢ် 22:18

လၢတၢ်ထံၣ်လၢညါခီဝဲအံၤအပူၤန့ၣ်ယထံၣ်ဘၣ်ကစၢ်ဒီး အဝဲဒၣ်စံးဘၣ်ယၤ, ‘မၤချ့ချ့ဒီးဟးထီၣ်ကွံာ်တဘျီဃီလၢယရူၤၡလ့ၣ်အပူၤ တက့ၢ်. အဂ့ၢ်ဒ်အံၤ, ပှၤဂီၢ်မုၢ်ဖဲအံၤတဖၣ်တတူၢ်လိာ်နတၢ်အုၣ်နသးလၢယဂ့ၢ်ဘၣ်.’

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 26:16

ဘၣ်ဆၣ်ဒီးဂဲၤဆၢထၢၣ်တက့ၢ်. ယလီၣ်ဖျါထီၣ်ယသးလၢနမဲာ်ညါဒ်သိးယကဃုထၢထီၣ်နၤဒ်ယခ့ ယပှၤအသိးန့ၣ်လီၤ. နကဘၣ်စံးဘၣ်တဲဘၣ်ပှၤအဂၤတဖၣ်တၢ်လၢနထံၣ် ဘၣ်လၢယၤတနံၤအံၤဒ်လဲၣ်အဂ့ၢ်ဒီးတၢ်လၢယကဒုးနဲၣ်နၤလၢခံ န့ၣ်လီၤ.

မၤတၢ် 5:30

ပမိၢ်ပၢ်ဖံဖုလၢပျၢၤအကစၢ်ယွၤန့ၣ်ဒုးဂဲၤဆၢထၢၣ်က့ၤယ့ၣ်ၡူးလၢတၢ်သံ, ဖဲသုမၤသံကွံာ်အီၤခီဖျိသုပျၤထီအီၤလၢထူၣ်စုညါအလိၤဝံၤ အလီၢ်ခံန့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,

1 ကရံၣ်သူး 15:3

တၢ်လၢယဒိးန့ၢ်ဘၣ်တ့ၢ်ယဲန့ၣ်, ယဟ့ၣ်လီၤကဒီးယဲဆူသုအိၣ် တဆီလၢအမ့ၢ်တၢ်အကါဒိၣ်ကတၢၢ်တမံၤ, လၢခရံာ်သံလၢ ပတၢ်ဒဲးဘးအဃိဒ်အအိၣ်ကွဲးအသးလၢတၢ်ကွဲးအသးစီဆှံ အပူၤအသိး,

1 ကရံၣ်သူး 15:8

လၢခံကတၢၢ်န့ၣ်, အဝဲလီၣ်ဖျါထီၣ်စ့ၢ်ကီးအသးလၢယၤ, လၢယမ့ၢ်လီၤဂာ်သနာ်က့ဒီးပှၤတဂၤလၢအတအိၣ်ဖျဲၣ် ထီၣ်ဘၣ်ဆၢဘၣ်ကတီၢ်ဘၣ်န့ၣ်လီၤ.

1 ကရံၣ်သူး 9:1

ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 1:12

ယတဒိးန့ၢ်ဘၣ်အီၤလၢပှၤကညီနီတဂၤအအိၣ်ဘၣ်. ဒီးပှၤတသိၣ်လိယၤနီတဂၤစ့ၢ်ကီးဘၣ်. ပှၤလၢအလီၣ်ဖျါထီၣ်န့ၢ်ယၤမ့ၢ်ဝဲယ့ၣ်ၡူးခရံာ်အကစၢ်ဒၣ်ဝဲလီၤ.

ကလၤတံ 1:15

ဘၣ်ဆၣ်ဒီး, လၢအဘျုးအဖှိၣ်အပူၤကစၢ်ယွၤဃုထၢပာ်လီၤ ဆီယၤတချုးလၢယအိၣ်ဖျဲၣ်ထီၣ်ဒံးဒၣ်လဲာ်, ဒီးကိးယၤဒ်သိးယကမၤအတၢ်န့ၣ်လီၤ. ဒီးဖဲအဝဲဒၣ်ပာ်လီၤအသး

၂ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဒ်ကစၢ်ယွၤအတၢ်ဘၣ် အသးအသိး, လၢတၢ်မၢလီၤအီၤလၢအကတဲဖျါတၢ်အိၣ်မူလၢအဘၣ် တၢ်စံးပာ်တ့ၢ်အီၤလၢယ့ၣ်ၡူးခရံာ်အပူၤ,

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.