မၤတၢ် 22:11 - Sgaw Karen Common Bible

¹¹ လၢတၢ်ကပီၤကပြုၢ်ကပြီၤတမံၤန့ၣ်အဃိ, ယမဲာ်ဘျီၣ်ယဲဒီးယတံၤသကိးတဖၣ်ဘၣ်ဟံးဃာ်ယစုဒီးဆှၢနုာ်ယၤ ဆူဝ့ၢ်ဒၤမ့ၤစ့းအပူၤန့ၣ်လီၤ.

မၤတၢ် 22:11 Iomraidhean Croise

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်လူၤကၣ် 11:36

မ်ဒ်န့ၣ်ဒီးနနီၢ်ခိဒီဂၤညါမ့ၢ်လၢပှဲၤဒီးတၢ်ကပီၤ, ဒီးမ့ၢ်တအိၣ်လၢတၢ်ခံးတၢ်နၤအပူၤဘၣ်န့ၣ်, ကကပီၤထီၣ်ဝဲကပြုၢ်ကပြီၤဒီဂၤညါ, ဒ်မ့ၣ်အူဒၢတဖျၢၣ်ကပီၤထီၣ်ဝဲလၢနဂီၢ်အိၣ်ဒီး အတၢ်ကပြုၢ်ကပြီၤအသိးန့ၣ်လီၤ.”

မၤတၢ် 13:11

ခဲကနံၣ်အံၤကစၢ်အတၢ်စံၣ်ညီၣ်ကလီၤဘၣ်နၤ, နမဲာ်ကဘျီၣ်ဒီးတထံၣ်ဘၣ်မုၢ်ဆါခီအတၢ်ကပီၤလၢတစိၢ်တလီၢ် အတီၢ်ပူၤလီၤ.” တဘျီဃီဖဲန့ၣ်, အဝဲအမဲာ်ကွၢ်တၢ်ဖျါကဒုကယီၢ်ဝံၤခံးလီၤ ကွံာ်, ဒီးအဝဲဒၣ်ဟးဝ့ၤဝီၤကလၢၢ်တၢ်ဒ်သိးအကထံၣ်န့ၢ်ပှၤလၢ အကဟံးဃာ်အစုဒီးဆှၢအီၤန့ၣ်လီၤ.