မၤတၢ် 22:10 - Sgaw Karen Common Bible

¹⁰ ယသံကွၢ်ယဲ, ‘ကစၢ်ဧၢ, ယကဘၣ်မၤဒ်လဲၣ်.’ ဒီးကစၢ်န့ၣ်စံးဘၣ်ယၤ, ‘ဂဲၤဆၢထၢၣ်ဒီးလဲၤနုာ်ဆူဝ့ၢ်ဒၤမ့ၤစ့း အပူၤတက့ၢ်. ဒီးဖဲန့ၣ်နကဘၣ်တၢ်စံးဘၣ်တဲဘၣ်နၤတၢ်ခဲလၢာ်လၢကစၢ်ယွၤ တိာ်ပာ်ဝဲလၢနဂီၢ်လၢနကဘၣ်မၤအီၤန့ၣ်လီၤ.’

မၤတၢ် 22:10 Iomraidhean Croise

မၤတၢ် 10:33

လၢတၢ်န့ၣ်အဃိယမၢလီၤပှၤလၢအကလဲၤကိးနၤတဘျီဃီ, ဒီးမ့ၢ်မးတၢ်အဂ့ၤလၢနဟဲအဃိလီၤ. ခဲကနံၣ်အံၤ, ပဝဲကိးဂၤဒဲးပအိၣ်လၢကစၢ်ယွၤအမဲာ်ညါ, ဒီးအိၣ်ခိးဒ်သိးပကနၢ်ဟူဘၣ်တၢ်တမံၤလၢ်လၢ်လၢကစၢ်မၤလိာ်တ့ၢ် နၤလၢနကကတိၤအီၤန့ၣ်လီၤ.

မၤတၢ် 16:30

အန့ၣ်ဝံၤ အဝဲဒၣ်ဆှၢထီၣ်အဝဲသ့ၣ်ဆူခိဒီးသံကွၢ်အီၤ, “တၢ်ဒိၣ်သ့ၣ်ဧၢ, ဒ်သိးယကဘၣ်တၢ်အုၣ်က့ၤခီၣ်က့ၤယၤ အဂီၢ်န့ၣ်, ယကဘၣ်မၤမနုၤလဲၣ်.”

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”

မၤတၢ် 22:11

လၢတၢ်ကပီၤကပြုၢ်ကပြီၤတမံၤန့ၣ်အဃိ, ယမဲာ်ဘျီၣ်ယဲဒီးယတံၤသကိးတဖၣ်ဘၣ်ဟံးဃာ်ယစုဒီးဆှၢနုာ်ယၤ ဆူဝ့ၢ်ဒၤမ့ၤစ့းအပူၤန့ၣ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”