မၤတၢ် 22:1 - Sgaw Karen Common Bible

¹ ဒီပုၢ်ဒီဝဲၢ်, ဒီးပၢ်သ့ၣ်ဧၢ, ဒိကနၣ်ယတၢ်ကတိၤဒီဒၣ်ယသးလၢသုမဲာ်ညါအံၤတက့ၢ်.

မၤတၢ် 22:1 Iomraidhean Croise

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 21:14

ပာ်သူၣ်ပာ်သးဒ်သိးသုသုတကတဲာ်ကတီၤဆိပာ်သုသးလၢ သုကကတိၤဒီဒၣ်သုသးဒ်လဲၣ်ဒ်လဲၣ်အဂ့ၢ်န့ၣ်တဂ့ၤ.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

မၤတၢ် 19:33

ပှၤတနီၤဆိကမိၣ်လၢစီၤအလ့းစၣ်ဒြူးဘၣ်ထွဲလၢတၢ်ဂ့ၢ် အံၤမ့ၢ်လၢပှၤယူဒၤဖိတဖၣ်ဆီၣ်ထီၣ်အီၤဆူတၢ်မဲာ်ညါ အဃိန့ၣ်လီၤ. တုၤနုၤတစုစီၤအလ့းစၣ်ဒြူးယူာ်ထီၣ်အစု, ဒီးဝံၢ်ဝၢ်ဝဲဆူကမျၢၢ်အအိၣ်, ဒီးဂုာ်ကျဲးစၢးတဲနၢ်ပၢၢ်အဝဲသ့ၣ်လၢတၢ်ဂ့ၢ်တၢ်ကျိၤန့ၣ်လီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 23:6

ဖဲစီၤပီလူးထံၣ်လၢပှၤအိၣ်ဖဲန့ၣ်တနီၤမ့ၢ်ပှၤစးဒူၤကဲဒီး အဂၤတနီၤမ့ၢ်ပှၤဖၤရံၤၡဲန့ၣ်, အဝဲဒၣ်ကိးထီၣ်လၢကီၣ်ကး တၢ်အိၣ်ဖှိၣ်အပူၤ, “ယဒီပုၢ်ဝဲၢ်သ့ၣ်ဧၢ, ယမ့ၢ်ပှၤဖၤရံၤၡဲတဂၤ, ပှၤဖၤရံၤၡဲတဖၣ်အဖိခွါလီၤ. ယဘၣ်တၢ်သမံသမိးယၤဖဲအံၤမ့ၢ်လၢယမုၢ်လၢ်ပှၤသံကဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤအဃိလီၤ.”

မၤတၢ် 24:10

တုၤနုၤတစု, ပဒိၣ်ဖးဒိၣ်ဟ့ၣ်တၢ်ပနီၣ်လၢစီၤပီလူးကကတိၤ တၢ်ဒီးအဝဲဒၣ်စံးဝဲ, “ယသ့ၣ်ညါလၢနကဲတ့ၢ်စံၣ်ညီၣ်ကွီၢ်အါနံၣ်အါလါလၢပှၤ တကလုာ်အံၤအဖီခိၣ်, ဒီးလၢတၢ်န့ၣ်အဃိ, ယသးခုလၢယကကတိၤဒီဒၣ်ဘၣ်ယသးလၢနမဲာ်ညါန့ၣ်လီၤ.

မၤတၢ် 25:16

ဘၣ်ဆၣ်ဒီးယစံးဘၣ်အဝဲသ့ၣ်လၢပဝဲပှၤရိမ့ၤဖိတဖၣ်အိၣ် ဒီးအလုၢ်အလၢ်လၢအကဒုးထံၣ်လိာ်ပှၤလၢအဘၣ်တၢ်လိာ် ကွီၢ်အီၤတဂၤဒီးပှၤလၢအလိာ်ကွီၢ်တၢ်တဖၣ်မဲာ်သကိးမဲာ်ဒ်သိး အကအိၣ်ဒီးအခွဲးအယာ်လၢအကကတိၤဒီဒၣ်အသးတချုး လၢတၢ်ဟ့ၣ်လီၤကွံာ်ပှၤလၢအဘၣ်တၢ်လိာ်ကွီၢ်အီၤတဂၤန့ၣ်လီၤ.

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

မၤတၢ် 7:2

စီၤစတ့းဖၣ်စံးဆၢက့ၤတၢ်ဒီးစံးဝဲ, “ယဒီပုၢ်ဝဲၢ်ခွါတဖၣ်ဒီးယပၢ်သ့ၣ်ဧၢ, ကနၣ်တက့ၢ်. ကစၢ်ယွၤလၢအလၢပှဲၤဒီးတၢ်လၤတၢ်ကပီၤတဂၤန့ၣ်, အိၣ်ဖျါထီၣ်လၢပပၢ်စီၤအၤဘြၤဟၣ်အမဲာ်ညါ, ဖဲအအိၣ်ဝဲလၢကီၢ်မ့းစပတၤမံအပူၤတချုးအလဲၤအိၣ်လဲၤဆိးဝဲ လၢဝ့ၢ်ဃၤရၣ်အပူၤဒံးဘၣ်န့ၣ်လီၤ.

ရိမ့ၤ 2:15

အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

1 ကရံၣ်သူး 9:3

ဖဲပှၤပာ်တၢ်ကမၣ်လၢယလိၤန့ၣ်ယကတိၤကဟုကယာ်လီၤယသး ဒ်အံၤလီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

၂ ကရံၣ်သူး 7:11

သုတၢ်သးအုးတမံၤအံၤကစၢ်ယွၤမၤအီၤဒ်လဲၣ်န့ၣ်ကွၢ် တက့ၢ်. ဒုးကဲထီၣ်မးသုလၢပှၤပာ်အသးသပှၢ်ပှၢ်ဒ်လဲၣ်. ဒီးအုၣ်အသးလၢသုတၢ်ကမၣ်တအိၣ်ဘၣ်ဒ်လဲၣ်န့ၣ်လီၤ. ဟ့ၣ်သုတၢ်သူၣ်ဒိၣ်သးဖျိးဒ်သိးအံၤ, တၢ်မၤပျံၤမၤဖုးတၢ်ဒ် သိးအံၤ, တၢ်ပာ်သူၣ်ပာ်သးဒ်သိးအံၤတဖၣ်, တၢ်ဘူၣ် ယွၤဘါယွၤလၢ တၢ်သူၣ်တီသးရၤအပူၤဒ်သိးအံၤ, တၢ်အိၣ် ကတဲာ်ကတီၤသးလၢ ကစံၣ်ညီၣ်တၢ်မၤကမၣ် တၢ်ဒ်သိးအံၤန့ၣ်လီၤ. လၢတၢ်ခဲလၢာ်ခဲဆ့အပူၤန့ၣ် သုပာ်ဖျါထီၣ်သုသးဒ်ပှၤလၢအတၢ်ကမၣ်တအိၣ် ဘၣ်လီၤ.

ဖံလံးပံၤ 1:17

ပှၤအဂၤတဖၣ်တစံၣ်တဲၤတဲလီၤခရံာ်အဂ့ၢ်လၢတၢ်သးတီ အပူၤဘၣ်, မ့မ့ၢ်တခီ, လၢအသးဆူၣ်မၤန့ၢ်တၢ်လၢအကစၢ်ဒၣ်ဝဲအဘျုးအဂီၢ်န့ၣ်လီၤ. အဝဲသ့ၣ်ဆိကမိၣ်ဝဲလၢအကမၤအါထီၣ်တၢ်ကီတၢ်ခဲလၢ ယဂီၢ်ဖဲယအိၣ်လၢဃိာ်ပူၤအဆၢကတီၢ်န့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.