မၤတၢ် 21:8 - Sgaw Karen Common Bible

⁸ မုၢ်ဆ့ၣ်ထီၣ်တနံၤန့ၣ်ပဟးထီၣ်ဒီးလဲၤတုၤလၢဝ့ၢ်ကဲၤစါရံၤလီၤ. ဖဲန့ၣ်ပလဲၤဆူပှၤစိာ်တၢ်သးခုကစီၣ်စီၤဖံလံးပူးအဟံၣ်, ဒီးအိၣ်ဒီးအီၤလီၤ. အဝဲဒၣ်မ့ၢ်ပှၤလၢအဘၣ်တၢ်ဃုထၢထီၣ်အီၤဖဲဝ့ၢ်ယရူၤၡလ့ၣ်နွံ ဂၤအကျါတဂၤလီၤ.

မၤတၢ် 21:8 Iomraidhean Croise

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 16:10

စီၤပီလူးဒိးန့ၢ်တၢ်ထံၣ်လၢညါခီဝံၤအလီၢ်ခံတဘျီဃီ, ပအိၣ်ကတဲာ်ကတီၤပသးလၢပကဟးထီၣ်ဒီးလဲၤဆူကီၢ်မၤက့းဒနံ, အဂ့ၢ်မ့ၢ်လၢပနာ်လၢယွၤကိးပှၤဒ်သိးပကစံၣ်တဲၤတဲလီၤတၢ်သးခု အကစီၣ်ဆူပှၤထံဖိကီၢ်ဖိဖဲန့ၣ်တဖၣ်အအိၣ်အဃိန့ၣ်လီၤ.

မၤတၢ် 16:13

ဖဲပှၤယူဒၤဖိအမုၢ်အိၣ်ဘှံးနံၤန့ၣ်, ပဟးထီၣ်ဆူဝ့ၢ်အချၢဒီးလဲၤ ဆူထံကျိနံၤ, ဖဲတၢ်လီၢ်လၢပဆိကမိၣ်ပှၤယူဒၤဖိအတၢ်ဘါထု ကဖၣ်အလီၢ်ကအိၣ်ဝဲန့ၣ်လီၤ. ပဆ့ၣ်နီၤဒီးစံၣ်တဲၤတဲလီၤန့ၢ်တၢ်လၢပိာ်မုၣ်လၢအဟဲပာ်ဖှိၣ် သကိးအသးဖဲန့ၣ်တဖၣ်အဂီၢ်လီၤ.

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

မၤတၢ် 18:22

ဖဲအဝဲဒၣ်လဲၤတုၤလၢဝ့ၢ်ကဲၤစါရံၤန့ၣ်လဲၤထီၣ်ဆူဝ့ၢ်ယရူၤၡလ့ၣ် ဒီးဆၢဂ့ၤဆၢဝါတၢ်အိၣ်ဖှိၣ်ဖိတဖၣ်, ဝံၤဒီးလဲၤထီၣ်ဆူဝ့ၢ်အၣ်တံၤအီာ်ဘၣ်ဃးဒီးကီၢ်စူၤရံန့ၣ်လီၤ.

မၤတၢ် 20:13

ပဒိးဆိပာ်ကဘီလၢစီၤပီလူးအမဲာ်ညါဒီးလဲၤဆူဝ့ၢ်အၣ်စူးဒ်သိး ပကဒုးဒိးထီၣ်အီၤလၢကဘီဖဲန့ၣ်လီၤ. အဝဲဒၣ်မၤလိာ်တ့ၢ်ပှၤလၢ ပကမၤဒ်သိးအံၤ, အဂ့ၢ်မ့ၢ်လၢအဝဲအနီၢ်ကစၢ်ကလဲၤဆူဝ့ၢ်အၣ်စူးလၢခိအကျဲ တကပၤအဃိန့ၣ်လီၤ.

မၤတၢ် 20:6

ဘူၣ်ကိၣ်တအိၣ်ဘၣ်ဒီးကိၣ်မံၣ်ဝံၤအလီၢ်ခံ, ပဒိးထီၣ်ကဘီဖဲဝ့ၢ်ဖံလံးပံၤဒီးဖဲယဲၢ်သီပူၤကွံာ်ဝံၤန့ၣ် ပထံၣ်လိာ်ပသးဒီးအဝဲသ့ၣ်ဖဲဝ့ၢ်တြိၤအါဒီးပအိၣ်ဖဲန့ၣ်တနွံလီၤ.

မၤတၢ် 21:16

အပျဲၢ်အဘီၣ်ဖဲဝ့ၢ်ကဲၤစါရံၤတနီၤလဲၤစ့ၢ်ကီးဒီးပှၤ, ဒီးဆှၢပှၤဆူပှၤတဂၤလၢပကဘၣ်လဲၤအိၣ်သမှံၤဒီးအီၤ, ပှၤကီးကူပြူးဖိစီၤမနါစိၣ်လၢအမ့ၢ်တ့ၢ်အပျဲၢ်အဘီၣ် လၢပျၢၤလံၤလံၤတဂၤအဟံၣ်န့ၣ်လီၤ.

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 27:1

ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 28:11

သၢလါဝံၤအလီၢ်ခံ, ပဒိးထီၣ်ဝ့ၢ်အလ့းစၣ်ဒြ့းအကဘီတဘ့ၣ်လၢ တၢ်ကိးအီၤလၢ, “ကစၢ်သဃံာ်” လၢအအိၣ်တ့ၢ်လံဖဲကီးန့ၣ်အပူၤ ဖဲတၢ်ဂိၢ်ခါဒီဆၢကတီၢ်န့ၣ်လီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

မၤတၢ် 9:30

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူသ့ၣ်ညါဘၣ်တၢ်ဂ့ၢ် တမံၤအံၤဒီး, အဝဲသ့ၣ်လဲၤကိးစီၤစီလူးဆူဝ့ၢ်ကဲၤစါရံၤဒီးဆှၢက့ၤအီၤ ဆူဝ့ၢ်တၢ်စူးန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.