မၤတၢ် 21:40 - Sgaw Karen Common Bible

⁴⁰ ပှၤသုးဖိတကထိအခိၣ်ဟ့ၣ်လီၤအခွဲးသတးဒီး, စီၤပီလူးဆၢထၢၣ်ဖဲဃီအခိၣ်ထိးဒီးဝံၢ်ဝၢ်အစုဆူပှၤဂီၢ် မုၢ်တဖၣ်အအိၣ်လီၤ. ဖဲအဝဲသ့ၣ်အိၣ်ဘှီၣ်လံန့ၣ်, စီၤပီလူးကတိၤတၢ်ဒီးအဝဲသ့ၣ်လၢဧ့ၤဘြံၤအကျိာ်လီၤ.

မၤတၢ် 21:40 Iomraidhean Croise

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်လူၤကၣ် 23:38

လၢအဝဲဒၣ်အခိၣ်ထးန့ၣ်, တၢ်ကတိၤ ‘အဝဲအံၤမ့ၢ်ပှၤယူဒၤဖိတဖၣ် အစီၤပၤ’ ဘၣ်တၢ်ကွဲးလီၤအီၤလီၤ.

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

လံာ်ယိၤဟၣ် 19:17

ယ့ၣ်ၡူးယိးအထူၣ်စုညါဒီးဟးထီၣ်ကွံာ်ဝဲဖဲန့ၣ် ဒီးလဲၤတုၤဝဲလၢတၢ်လီၢ်တတီၤလၢတၢ်ကိးအီၤ, “တၢ်ခိၣ်ဃံအလီၢ်,” (လၢဧ့ၤဘြံၤအကျိာ်တၢ်ကိးအီၤလၢ “ကီၤလၤကီၤသါ”) န့ၣ်လီၤ.

လံာ်ယိၤဟၣ် 19:20

ဒီးပှၤယူဒၤဖိအါဂၤဖးဘၣ်တၢ်အံၤ, မ့ၢ်လၢတၢ်လီၢ်ဖဲ ယ့ၣ်ၡူးဘၣ်တၢ်ပျၤထီအီၤလၢထူၣ်စုညါအလိၤန့ၣ်, တယံၤကဲၣ်ဆိးဒီးဝ့ၢ်ဘၣ်အဃိန့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ကွဲးဃာ်အီၤလၢဧ့ၤဘြံၤ အကျိာ်, လးတ့ၣ်အကျိာ်ဒီးကြံးခ်အကျိာ်န့ၣ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

မၤတၢ် 1:19

ပှၤအိၣ်လၢဝ့ၢ်ယရူၤၡလ့ၣ်ပူၤခဲလၢာ်နၢ်ဟူဘၣ်တၢ်မၤအသးအံၤ သတးဒီး, လၢအဝဲသ့ၣ်အကျိာ်ဒၣ်ဝဲ ကိးတၢ်လီၢ်တကဝီၤန့ၣ်လၢ, “အၤက့းလဒၤမါ”, အခီပညီမ့ၢ်ဝဲ, “တၢ်သွံၣ်အပျီန့ၣ်လီၤ.”)

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 13:16

သတးဒီးစီၤပီလူးဂဲၤဆၢထၢၣ်, ဒုးနဲၣ်အစုဒီးစးထီၣ်ကတိၤတၢ်လီၤ. “ဒီပုၢ်ဝဲၢ်ပှၤအံၣ်စရ့လးဖိဒီးပှၤကလုာ်ဂၤဖဲအံၤခဲလၢာ်လၢ အဘူၣ်ထီၣ်ဘါထီၣ်ကစၢ်ယွၤသ့ၣ်သုဧၢ, ဒိကနၣ်တက့ၢ်.

မၤတၢ် 19:33

ပှၤတနီၤဆိကမိၣ်လၢစီၤအလ့းစၣ်ဒြူးဘၣ်ထွဲလၢတၢ်ဂ့ၢ် အံၤမ့ၢ်လၢပှၤယူဒၤဖိတဖၣ်ဆီၣ်ထီၣ်အီၤဆူတၢ်မဲာ်ညါ အဃိန့ၣ်လီၤ. တုၤနုၤတစုစီၤအလ့းစၣ်ဒြူးယူာ်ထီၣ်အစု, ဒီးဝံၢ်ဝၢ်ဝဲဆူကမျၢၢ်အအိၣ်, ဒီးဂုာ်ကျဲးစၢးတဲနၢ်ပၢၢ်အဝဲသ့ၣ်လၢတၢ်ဂ့ၢ်တၢ်ကျိၤန့ၣ်လီၤ.

မၤတၢ် 21:35

ဖဲစီၤပီလူးဒီးသုးဖိတဖၣ်တုၤဃီၤဃီအခီၣ်ထံးန့ၣ်အဝဲသ့ၣ်ဘၣ် စိာ်ထီၣ်စီၤပီလူး, မ့ၢ်လၢကမျၢၢ်အၢသီတဖုအံၤအၢသီထီၣ်နးနးကလဲာ်အဃိလီၤ.

မၤတၢ် 22:2

ဖဲအဝဲသ့ၣ်နၢ်ဟူအဝဲဒၣ်ကတိၤတၢ်ဒီးအီၤလၢဧ့ၤဘြံၤ အကျိာ်န့ၣ်, အဝဲသ့ၣ်အိၣ်ဘှီၣ်ဒိၣ်န့ၢ်အလီၢ်တက့ၢ်, ဒီးစီၤပီလူးကတိၤကဒီးတၢ်ဒီးစံးဝဲ,

မၤတၢ် 26:14

ပဝဲကိးဂၤဒဲးပလီၤတဲာ်လၢဟီၣ်ခိၣ်လိၤဒီးယနၢ်ဟူတၢ် အကလုၢ်ကတိၤတၢ်ဒီးယၤလၢဧ့ၤဘြံၤအကျိာ်, ‘စီၤစီလူးဧၢ, စီၤစီလူးဧၢ, နမၤအၢမၤနးယၤဘၣ်မနုၤအဃိလဲၣ်. နမၤဘၣ်ဒိလီၤက့ၤနသးခီဖျိနမၤဆၢက့ၤတၢ်ဒ်ကျီၢ်တဒုထူဆၢကဒါက့ၤ အကစၢ်အသိးန့ၣ်လီၤ.’

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

လံာ်လီၣ်ဖျါ 16:16

တုၤနုၤတစုသးတဖၣ်ဟဲဆှၢစီၤပၤတဖၣ်တပူၤဃီဖဲတၢ်လီၢ် တတီၤလၢအဘၣ်တၢ်ကိးအီၤလၢဧ့ၤဘြံၤ အကျိာ်လၢအၢ်မက့းဒိၣ် န့ၣ်လီၤ.

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.