မၤတၢ် 21:39 - Sgaw Karen Common Bible

³⁹ စီၤပီလူးစံးဆၢဝဲ, “ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃးဒီးကီၢ်ကံၤလံၤကံ, ဝ့ၢ်လၢအမံၤဟူသၣ်ဖျါတဖျၢၣ်အပှၤဝ့ၢ်ဖိတဂၤန့ၣ်လီၤ. ဝံသးစူၤဟ့ၣ်ယၤအခွဲးလၢယကကတိၤတၢ်ဒီးပှၤဂီၢ်မုၢ်တဖၣ် တက့ၢ်.”

မၤတၢ် 21:39 Iomraidhean Croise

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 16:37

ဘၣ်ဆၣ်ဒီးစီၤပီလူးစံးဘၣ်ပၢၤကီၢ်အခိၣ်အနၢ်တဖၣ်, “တၢ်တထံၣ်န့ၢ်တၢ်ကမၣ်လၢပပူၤနီတမံၤဘၣ်. ဘၣ်ဆၣ်ဒီးအဝဲသ့ၣ်တီၢ်ပှၤဖျ့ပှၤလၢကမျၢၢ်အမဲာ်ညါ, ပဝဲလၢအမ့ၢ်ရိမ့ၤအထံဖိကီၢ်ဖိတဖၣ်လီၤ. အန့ၣ်ဝံၤအလီၢ်ခံအဝဲသ့ၣ်တ့ၢ်နုာ်ပှၤလၢဃိာ်ပူၤလီၤ. မ့မ့ၢ်အခဲအံၤ, အဝဲသ့ၣ်ကဒုးဟးထီၣ်ကွံာ်ပှၤလၢတၢ်ခူသူၣ် အပူၤန့ၣ်ဧါ. တန့ၢ်ဘၣ်. ရိမ့ၤအစံၣ်ညီၣ်ကွီၢ်တဖၣ်အနီၢ်ကစၢ်ဒၣ်ဝဲကဘၣ်ဟဲဖဲအံၤ ဒီးဒုးဟးထီၣ်ပှၤလီၤ.”

မၤတၢ် 21:37

ဖဲပှၤသုးဖိတဖၣ်သါကဒုးနုာ်လီၤစီၤပီလူးဆူတိာ်အပူၤန့ၣ်, အဝဲဒၣ်ကတိၤတၢ်ဒီးပှၤသုးဖိတကထိအခိၣ်တဂၤဒီးစံး, “ယကတိၤတၢ်ဒီးနၤသ့ကစီဒီဧါ.” ပှၤသုးဖိတကထိအခိၣ် သံကွၢ်အီၤ, “နကတိၤကြံးခ်အကျိာ်ဘၣ်ဧါ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 23:27

ပှၤယူဒၤဖိတဖၣ်ဖီၣ်ဃာ်ပှၤတဂၤအံၤ, ဒီးဘူးတ့ၢ်မးလၢအကမၤ သံဘၣ်အီၤလီၤ. ယသ့ၣ်ညါဘၣ်လၢအဝဲမ့ၢ်ရိမ့ၤအပှၤထံဖိ ကီၢ်ဖိတဂၤအဃိ, ယလဲၤဒီးယပှၤသုးဖိတဖၣ်, ဒီးမၤပူၤမၤဖျဲးအီၤလီၤ.

မၤတၢ် 23:34

ပဒိၣ်ဖးဒိၣ်ဖးကွၢ်တၢ်ပရၢ, ဒီးသံကွၢ်စီၤပီလူးလၢအဟဲလၢကီၢ်မတၤလဲၣ်န့ၣ်လီၤ. ဖဲအဝဲသ့ၣ်ညါဘၣ်ဝဲလၢအဟဲလၢကီၢ်ကံၤလံၤကံန့ၣ်,

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

မၤတၢ် 9:11

ဒီးကစၢ်န့ၣ်စံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူကျဲလၢတၢ်ကိးအမံၤလၢ ကျဲဘျၢတဘိန့ၣ်တက့ၢ်. ဖဲစီၤယူဒၤအဟံၣ်န့ၣ်သံကွၢ်ဘၣ်ဃးပှၤဝ့ၢ်တၢ်စူးဖိလၢပှၤ ကိးအမံၤလၢစီၤစီလူးန့ၣ်တက့ၢ်.

မၤတၢ် 9:30

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူသ့ၣ်ညါဘၣ်တၢ်ဂ့ၢ် တမံၤအံၤဒီး, အဝဲသ့ၣ်လဲၤကိးစီၤစီလူးဆူဝ့ၢ်ကဲၤစါရံၤဒီးဆှၢက့ၤအီၤ ဆူဝ့ၢ်တၢ်စူးန့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.