မၤတၢ် 21:37 - Sgaw Karen Common Bible

³⁷ ဖဲပှၤသုးဖိတဖၣ်သါကဒုးနုာ်လီၤစီၤပီလူးဆူတိာ်အပူၤန့ၣ်, အဝဲဒၣ်ကတိၤတၢ်ဒီးပှၤသုးဖိတကထိအခိၣ်တဂၤဒီးစံး, “ယကတိၤတၢ်ဒီးနၤသ့ကစီဒီဧါ.” ပှၤသုးဖိတကထိအခိၣ် သံကွၢ်အီၤ, “နကတိၤကြံးခ်အကျိာ်ဘၣ်ဧါ.

မၤတၢ် 21:37 Iomraidhean Croise

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

မၤတၢ် 19:30

စီၤပီလူးအဲၣ်ဒိးလဲၤပာ်ဖျါထီၣ်အသးလၢပှၤဂီၢ်မုၢ်အမဲာ်ညါ, ဘၣ်ဆၣ်အပျဲၢ်အဘီၣ်တဖၣ်တပျဲအီၤဘၣ်.

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

မၤတၢ် 21:34

ပှၤတနီၤလၢပှၤကမျၢၢ်အကျါကိးပသူထီၣ်တၢ်တမံၤ, ဒီးအဂၤတဖၣ်ကိးထီၣ်ဝဲတမံၤဒၣ်လီၤ. တၢ်သဘံၣ်ဘုၣ်အိၣ်ဝဲတုၤဒၣ်လဲာ်တၢ်မၤအသးနီၢ်နီၢ်မ့ၢ်တၢ်မနုၤ လဲၣ်န့ၣ်, ပှၤသုးဖိတကထိအခိၣ်ဃုသ့ၣ်ညါဝဲတဘၣ်ဘၣ်. လၢတၢ်န့ၣ်အဃိအဝဲဟ့ၣ်လီၤအကလုၢ်လၢအပှၤတဖၣ်ကက့ၤ ကိးစီၤပီလူးဆူသုးဖိအိၣ်တၢ်အလီၢ်, တိာ်ပူၤန့ၣ်လီၤ.

မၤတၢ် 22:24

ရိမ့ၤသုးဖိတကထိအခိၣ်ဟ့ၣ်လီၤအကလုၢ်ဆူအပှၤတဖၣ် အအိၣ်ဒ်သိးအကဆှၢစီၤပီလူးဆူသုးဖိအိၣ်တၢ်အလီၢ်တိာ်ပူၤ, ဒီးမၢအဝဲသ့ၣ်ဖျ့အီၤလၢအကဃုသ့ၣ်ညါပှၤယူဒၤဖိတဖၣ်ကိး ပသူထီဒါအီၤလၢမနုၤအဂ့ၢ်လဲၣ်န့ၣ်လီၤ.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

မၤတၢ် 23:16

ဘၣ်ဆၣ်ဒီးစီၤပီလူးအဒီပုၢ်ဝဲၢ်မုၣ်အဖိခွါနၢ်ဟူတၢ်ကူၣ်ထီ ဒါစီၤပီလူးတမံၤအံၤအဂ့ၢ်လီၤ. လၢတၢ်န့ၣ်အဃိအဝဲလဲၤနုာ်ဆူသုးဖိအိၣ်တၢ်အလီၢ် တိာ်ပူၤဒီးတဲဘၣ်စီၤပီလူးလၢတၢ်ဂ့ၢ်အံၤလီၤ.