မၤတၢ် 21:30 - Sgaw Karen Common Bible

³⁰ တၢ်တၢထီၣ်တၢလီၤဝဲလၢဝ့ၢ်ဒီဖျၢၣ်ညါ, ဒီးပှၤဂီၢ်မုၢ်တဖၣ်ဃ့ၢ်ဖှိၣ်ဝဲဆူစီၤပီလူးအအိၣ်, စှီၤဃာ်အီၤဒီးတွံၢ်ထီၣ်ကွံာ်အီၤဆူတၢ်လုၢ်ဟံၣ်အချၢလီၤ. တဘျီဃီဖဲန့ၣ်, တၢ်လုၢ်ဟံၣ်အတြဲၤတဖၣ်ဘၣ် တၢ်ကးတံာ်ဃာ်အီၤလီၤ.

မၤတၢ် 21:30 Iomraidhean Croise

လံာ်စီၤပၤခံဘ့ၣ်တဘ့ၣ် 11:15

စီၤယဟိယဒါတအဲၣ်ဒိးဝဲလၢနီၢ်ဧသၤလယၤကဘၣ်တၢ်မၤသံအီၤလၢ ယွၤအတၢ်လုၢ်ဟံၣ်အလီၢ်ကဝီၤအပူၤန့ၣ်ဘၣ်. လၢတၢ်န့ၣ်အဃိအဝဲဟ့ၣ်လီၤအကလုၢ်ဆူသုးခိၣ်တဖၣ်အအိၣ်စံးဝဲ, “မိၤထီၣ်ကွံာ်အီၤလၢသုးမုၢ်တဖၣ်လၢအအိၣ်ရဲၣ်လီၤအသး, ခံဂ့ၢ်အဘၢၣ်စၢၤ, ဒီးပှၤတဂၤလၢ်လၢ်လၢအဂုာ်ကျဲးစၢးမၤပူၤ ဖျဲးအီၤန့ၣ်မၤသံကွံာ်အီၤတက့ၢ်.”

လံာ်မးသဲ 2:3

တုၤစီၤပၤဟ့ၤရိာ်နၢ်ဟူတၢ်အံၤဒီးအသးကိၢ်ထီၣ်ဂီၤထီၣ်ဒိၣ် မးလီၤ. ပှၤခဲလၢာ်လၢအအိၣ်လၢဝ့ၢ်ယရူၤၡလ့ၣ်အပူၤစ့ၢ်ကီး အသးကိၢ်ဃုာ်ဒီးအီၤလီၤ.

လံာ်မးသဲ 21:10

တုၤယ့ၣ်ၡူးလဲၤနုာ်ဆူဝ့ၢ်ယရူၤၡလ့ၣ်အပူၤဒီး, တၢ်တၢထီၣ်တၢလီၤဒီဝ့ၢ်ညါဒီးပှၤဝ့ၢ်ဖိတဖၣ်သံကွၢ်တၢ်ဒီး စံး, “ပှၤအံၤမ့ၢ်မတၤလဲၣ်.”

လံာ်လူၤကၣ် 4:29

အဝဲသ့ၣ်ဂဲၤဆၢထၢၣ်, တွံၢ်ထီၣ်ကွံာ်ယ့ၣ်ၡူးဆူဝ့ၢ်အချၢ, ဒီးဆှၢအီၤဆူတၢ်လူၢ်ဖဲအဝဲသ့ၣ်အဝ့ၢ်အိၣ်သူၣ်ထီၣ်အသးလၢ အလိၤန့ၣ်အဒီခိၣ်လီၤ. အဝဲသ့ၣ်ပာ်လီၤအသးလၢအကတ့ၢ်လီၤဆှိခိၣ်အီၤလၢလ့အလိၤ,

မၤတၢ် 19:29

တၢ်တၢထီၣ်တၢလီၤအဝဲအံၤဘၣ်ကူဘၣ်ဂာ်ဝ့ၢ်ဒီဝ့ၢ်ညါလီၤ. ကမျၢၢ်အအၢအသီတဖုအံၤစှီၤဃာ်စီၤကါယူးဒီးစီၤအရံစတၢ်ဃူး, ပှၤမၤက့းဒနံဖိခံဂၤလၢအလဲၤဃုာ်တၢ်ဒီးစီၤပီလူး, ဒီးဃ့ၢ်တွံၢ်ဃုာ်အဝဲသ့ၣ်ဆူတၢ်ဒုးနဲၣ်တၢ်အဘျီၣ်အပူၤန့ၣ်လီၤ.

မၤတၢ် 26:21

မ့ၢ်လၢတၢ်ဂ့ၢ်အံၤအဃိ, ပှၤယူဒၤဖိတဖၣ်ဖီၣ်ဃာ်ယၤဖဲယအိၣ်လၢတၢ်လုၢ်ဟံၣ်အပူၤ, ဒီးဂုာ်ကျဲးစၢးမၤသံယၤန့ၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.