မၤတၢ် 21:3 - Sgaw Karen Common Bible

³ ဖဲပလဲၤတၢ်ဒီးတုၤတၢ်လီၢ်ဖဲကီးကူပြူးဟဲအိၣ်ဖျါထီၣ်န့ၣ်, ပလဲၤလၢအကလံၤထံးတကပၤဒီးလဲၤပဝဲဆူကီၢ်စူၤရံလီၤ. ပလဲၤထီၣ်ဆူထံကၢၢ်ခိၣ်ဖဲဝ့ၢ်ထါယၢၣ်ဖဲကဘီကပာ်လီၤ အတၢ်ဖိတၢ်လံၤလၢတၢ်ပဒၢးအီၤန့ၣ်လီၤ.

မၤတၢ် 21:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 87:4

ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်လူၤကၣ် 10:13

“ဝ့ၢ်ဃရၤစံၣ်ဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. နၤစ့ၢ်ကီး, ဝ့ၢ်ဘ့ၤသစဲဒၤဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. တၢ်လီၤလးလၢအဘၣ်တၢ်မၤတ့ၢ်အီၤလၢသုပူၤတဖၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်န့ၣ်, ပှၤထံဖိကီၢ်ဖိတဖၣ်ကဆ့ၣ်နီၤဝဲအိၣ်ဒီးတၢ်ကူထီၣ်သိးထီၣ် ထၢၣ်တၢ်ကံးယာ်ဒီးဖှံလီၤက့ၤဖၣ်ဆါလၢအလိၤဒ်သိး အကပာ်ဖျါလၢအဝဲသ့ၣ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်လူၤကၣ် 2:2

ဖဲတၢ်ဆဲးလီၤမံၤအဆိကတၢၢ်တဘျီအံၤအဆၢကတီၢ်န့ၣ်, စီၤကူၤရ့နံမ့ၢ်ဝဲစူၤရံအပဒိၣ်ဖးဒိၣ်လီၤ.

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

မၤတၢ် 13:4

စီၤဘၢ်နါဘၤဒီးစီၤစီလူး, ဒ်အဘၣ်တၢ်ဆှၢအီၤလၢသးစီဆှံအသိး, လဲၤလီၤဝဲဆူကဘီသန့ဖဲဝ့ၢ်စ့းလူကံၤဒီးဒိးထီၣ်ကဘီဖဲန့ၣ် ဆူကီးကူပြူးန့ၣ်လီၤ.

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:39

ဖဲန့ၣ်, တၢ်ဂ့ၢ်လိာ်ဘှီလိာ်အိၣ်ထီၣ်ဝဲဒၣ်ဆူၣ်ဆူၣ်ကလဲာ် လၢအဝဲသ့ၣ်ခံဂၤအဘၢၣ်စၢၤ, ဒီးဟးဖှၣ်ခံလိာ်အသးလီၤ. စီၤဘၢ်နါဘၤကိးစီၤမၢ်ကူးဒီးဒိးထီၣ်ကဘီဒီးလဲၤဆူကီး ကူပြူးလီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

မၤတၢ် 21:16

အပျဲၢ်အဘီၣ်ဖဲဝ့ၢ်ကဲၤစါရံၤတနီၤလဲၤစ့ၢ်ကီးဒီးပှၤ, ဒီးဆှၢပှၤဆူပှၤတဂၤလၢပကဘၣ်လဲၤအိၣ်သမှံၤဒီးအီၤ, ပှၤကီးကူပြူးဖိစီၤမနါစိၣ်လၢအမ့ၢ်တ့ၢ်အပျဲၢ်အဘီၣ် လၢပျၢၤလံၤလံၤတဂၤအဟံၣ်န့ၣ်လီၤ.

မၤတၢ် 21:2

ဖဲန့ၣ်ပထံၣ်ကဘီတဘ့ၣ်လၢအကလဲၤဆူကီၢ်ဖံၤနံက့ၤလီၤ. လၢတၢ်န့ၣ်အဃိ, ပဒိးထီၣ်ကဘီန့ၣ်ဒီးဟးထီၣ်ကွံာ်ဖဲန့ၣ်လီၤ.

မၤတၢ် 21:7

ပလဲၤကဒီးတၢ်လၢကဘီစးထီၣ်ဖဲဝ့ၢ်ထါယၢၣ်ဒီးဆူဝ့ၢ်ပတလ့း မဲဒီးဖဲန့ၣ်, ပထံၣ်လိာ်သးဒီးအပျဲၢ်အဘီၣ်တဖၣ်ဒီးအိၣ်ဒီး အဝဲသ့ၣ်တသီလီၤ.

မၤတၢ် 27:4

ပဟးထီၣ်ဖဲန့ၣ်ဒီးမ့ၢ်လၢကလံၤအူဆီၣ်ကဒါက့ၤပှၤ အဃိ, ပလဲၤခီဂာ်တၢ်လၢကီးကူပြူးအကပၤလၢအတဒၢဒီး ကလံၤအဆူၣ်န့ၣ်လီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

လံာ်ပှၤစံၣ်ညီၣ်ကွီၢ် 10:6

မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.