မၤတၢ် 21:28 - Sgaw Karen Common Bible

²⁸ အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

မၤတၢ် 21:28 Iomraidhean Croise

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

မၤတၢ် 21:21

အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 24:18

အဝဲသ့ၣ်ထံၣ်န့ၢ်ယၤလၢတၢ်လုၢ်ဟံၣ်အပူၤဖဲယမၤကဆှီထီၣ် က့ၤယသးဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးဝံၤ အလီၢ်ခံန့ၣ်လီၤ. ပှၤကမျၢၢ်တအိၣ်ဒီးယၤဖဲန့ၣ်ဘၣ်. ဒီးတၢ်တၢထီၣ်တၢလီၤတအိၣ်ဘၣ်.