မၤတၢ် 21:27 - Sgaw Karen Common Bible

²⁷ ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

မၤတၢ် 21:27 Iomraidhean Croise

လံာ်စီၤပၤအခီၣ်ထံးတဘ့ၣ် 21:25

(ပှၤဒ်စီၤအၤဃာ်အသိးန့ၣ်တအိၣ်ဘၣ်နီတဂၤဂၤဘၣ်. အဝဲဟ့ၣ်လီၤအးလီၤအသးလၢာ်လၢာ်ဆ့ဆ့လၢကမၤတၢ်ကမၣ်လၢယွၤ အမဲာ်ညါ, ကယဲၢ်တၢ်လၢအမါနီၢ်အံၤစ့ဘ့ၤလးမၢဆူၣ်အီၤလၢကမၤဝဲန့ၣ်လီၤ.

လံာ်တၢ်ဂံၢ် 19:11

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်တၢ်ဂံၢ် 6:13

ဖဲပှၤနစၤရံဖိတဂၤမၤလၢပှဲၤအတၢ်ဆိၣ်လီၤအသးဝံၤန့ၣ်, အဝဲကဘၣ်မၤတၢ်ဘူၣ်တၢ်ဘါအလုၢ်အလၢ်အံၤလီၤ. အဝဲကဘၣ်လဲၤဆူဒဲစီဆှံအကျဲစၢၤ,

လံာ်တၢ်ဂံၢ် 6:9

ပှၤနစၤရံဖိတဂၤအခိၣ်သူလၢအဘၣ်တၢ်ပာ်စီဆှံအီၤ, မ့ၢ်ဘၣ်အၢလၢအဝဲအိၣ်ဘူးဘၣ်ဒီးပှၤတဂၤလၢ်လၢ်လၢအသံ သတူၢ်ကလာ်အဃိန့ၣ်, အဝဲကဘၣ်အိၣ်ခိးနွံသီဝံၤလူၤကွံာ်အခိၣ် သူဒီးအခၣ်ဆူၣ်န့ၣ်လီၤ. မၤသးဒ်န့ၣ်ဒီးကကဆှီထီၣ်က့ၤဝဲဒၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:2

ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 14:5

တုၤနုၤတစုပှၤကလုာ်ဂၤတနီၤဒီးပှၤယူဒၤဖိတဖၣ်, ဃုာ်ဒီးအပှၤခိၣ်ပှၤနၢ်တဖၣ်စံၣ်ညီၣ်အၢၣ်လီၤသကိးဝဲလၢ အကမၤအၢမၤသီပှၤတၢ်မၢဖိတဖၣ်ဒီးကကွံာ်အီၤလၢလၢၢ်န့ၣ်လီၤ.

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 17:13

ဘၣ်ဆၣ်ဒီးဖဲပှၤယူဒၤဖိလၢဝ့ၢ်သ့းစၤလနံတဖၣ်နၢ်ဟူ ဘၣ်ဝဲလၢစီၤပီလူးစံၣ်တဲၤတဲလီၤတ့ၢ်စ့ၢ်ကီးကစၢ်ယွၤ အကလုၢ်အကထါဖဲဝ့ၢ်ဘ့းရံၤန့ၣ်, အဝဲသ့ၣ်ဟဲဖဲန့ၣ်ဒီးထိၣ်ဂဲၤထီၣ်ဒီးမၤတၢထီၣ်တၢလီၤပှၤ ဂီၢ်မုၢ်တဖၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

မၤတၢ် 24:11

ဒ်နနီၢ်ကစၢ်နဃုသ့ၣ်ညါနဲသ့အသိး, ယလဲၤထီၣ်ဘါယွၤဖဲဝ့ၢ်ယရူၤၡလ့ၣ်န့ၣ်ကအိၣ်ဒံးဒၣ်ထဲတဆံခံ သီဧိၤလီၤ.

မၤတၢ် 24:18

အဝဲသ့ၣ်ထံၣ်န့ၢ်ယၤလၢတၢ်လုၢ်ဟံၣ်အပူၤဖဲယမၤကဆှီထီၣ် က့ၤယသးဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးဝံၤ အလီၢ်ခံန့ၣ်လီၤ. ပှၤကမျၢၢ်တအိၣ်ဒီးယၤဖဲန့ၣ်ဘၣ်. ဒီးတၢ်တၢထီၣ်တၢလီၤတအိၣ်ဘၣ်.

မၤတၢ် 26:21

မ့ၢ်လၢတၢ်ဂ့ၢ်အံၤအဃိ, ပှၤယူဒၤဖိတဖၣ်ဖီၣ်ဃာ်ယၤဖဲယအိၣ်လၢတၢ်လုၢ်ဟံၣ်အပူၤ, ဒီးဂုာ်ကျဲးစၢးမၤသံယၤန့ၣ်လီၤ.

မၤတၢ် 4:3

သတးဒီးအဝဲသ့ၣ်ဖီၣ်ပှၤတၢ်မၢဖိခံဂၤန့ၣ်, ဒီးဒၢနုာ်ဃာ်အီၤလၢဃိာ်ပူၤတုၤလၢမုၢ်ဆ့ၣ်ထီၣ်တနံၤ, မ့ၢ်လၢမုၢ်ကလီၤနုာ်တ့ၢ်ဝဲအဃိလီၤ.

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

မၤတၢ် 6:12

အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.