မၤတၢ် 21:24 - Sgaw Karen Common Bible

²⁴ လဲၤဃုာ်ဒီးအဝဲသ့ၣ်ဒီးမၤဃုာ်သကိးတၢ်မၤကဆှီထီၣ်သး အလုၢ်အလၢ်ဒီးအီၤဒီးဟ့ၣ်လီၤအတၢ်လၢာ်ဘူၣ်လၢာ်စ့ၤ တက့ၢ်. တုၤနုၤတစု, အဝဲသ့ၣ်လူၤအခိၣ်ကသ့ဝဲလီၤ. လၢကျဲဒ်အံၤအပူၤန့ၣ်, ပှၤကိးဂၤဒဲးကသ့ၣ်ညါလၢနဂ့ၢ်နကျိၤလၢအဘၣ်တၢ်တဲအီၤတဖၣ် တမ့ၢ်ဝဲတီဝဲနီတမံၤဘၣ်, ဒီးလၢနနီၢ်ကစၢ်ဒၣ်နဲနအိၣ်မူပိာ်ထွဲစီၤမိၤၡ့အတၢ်သိၣ်တၢ် သီအခံကစီဒီန့ၣ်လီၤ.

မၤတၢ် 21:24 Iomraidhean Croise

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်စီၤယိၤဘး 41:25

တုၤအထိၣ်ဂဲၤထီၣ်အသးဒီးပှၤအဆူၣ်ကတၢၢ်တဖၣ်ဒၣ်လဲာ်ပျံၤ တၢ်, အဝဲသ့ၣ်ပျံၤတၢ်လၢတၢ်မၤစၢၤလီၤသးတသ့ဘၣ်အပူၤလီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်တၢ်ဂံၢ် 6:13

ဖဲပှၤနစၤရံဖိတဂၤမၤလၢပှဲၤအတၢ်ဆိၣ်လီၤအသးဝံၤန့ၣ်, အဝဲကဘၣ်မၤတၢ်ဘူၣ်တၢ်ဘါအလုၢ်အလၢ်အံၤလီၤ. အဝဲကဘၣ်လဲၤဆူဒဲစီဆှံအကျဲစၢၤ,

လံာ်တၢ်ဂံၢ် 6:18

ဖဲဒဲစီဆှံအကျဲစၢၤန့ၣ်, ပှၤနစၤရံဖိတဂၤန့ၣ်ကဘၣ်လူၤကွံာ် အခိၣ်သူဒီးပာ်ထီၣ်အီၤလၢမ့ၣ်အူအဖီခိၣ်ဖဲတၢ်လုၢ်မၤဃူမၤ ဖိးကဘၣ်တၢ်ဆိၣ်ကဲၤထီၣ်အီၤအလီၢ်န့ၣ်လီၤ.

လံာ်တၢ်ဂံၢ် 6:5

မုၢ်နံၤတဖၣ်ဖဲအဝဲအိၣ်ဒံးလၢပှၤနစၤရံဖိတဂၤအတၢ်ဆိၣ်အပူၤ န့ၣ်အဝဲတဘၣ်တံာ်အခိၣ်သူမ့ၢ်ဂ့ၤ, လူၤအီၤမ့ၢ်ဂ့ၤဘၣ်. အဝဲဘၣ်တၢ်စၢဃာ်အီၤလၢတၢ်ဆိၣ်လီၤသးန့ၣ်လၢအဝဲပာ်စီဆှံ ထီၣ်အသးဆူယွၤလၢာ်ဆၢလၢာ်ကတီၢ်အဃိဒီးကဘၣ်ပျဲအခိၣ်သူဒီး အခၣ်ဆူၣ်ထီထီၣ်ဝဲဒၣ်န့ၣ်လီၤ.

လံာ်တၢ်ဂံၢ် 6:9

ပှၤနစၤရံဖိတဂၤအခိၣ်သူလၢအဘၣ်တၢ်ပာ်စီဆှံအီၤ, မ့ၢ်ဘၣ်အၢလၢအဝဲအိၣ်ဘူးဘၣ်ဒီးပှၤတဂၤလၢ်လၢ်လၢအသံ သတူၢ်ကလာ်အဃိန့ၣ်, အဝဲကဘၣ်အိၣ်ခိးနွံသီဝံၤလူၤကွံာ်အခိၣ် သူဒီးအခၣ်ဆူၣ်န့ၣ်လီၤ. မၤသးဒ်န့ၣ်ဒီးကကဆှီထီၣ်က့ၤဝဲဒၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်ယိၤဟၣ် 11:55

မ့ၢ်လၢပှၤယူဒၤဖိအဘူၣ်လဲၤကပာ်အဆၢကတီၢ်ဘူးထီၣ်လံ အဃိ, ပှၤအိၣ်လၢခိအါဒံအါဂၤလဲၤထီၣ်ဝဲဆူဝ့ၢ်ယရူၤၡလ့ၣ် ဒ်သိးကမၤထွဲတၢ်မၤကဆှီထီၣ်သးအလုၢ်အလၢ်တချုးဘူၣ် အဆၢကတီၢ်ဘၣ်ဒံးဝဲန့ၣ်လီၤ.

လံာ်ယိၤဟၣ် 3:25

တၢ်ကတိၤဂ့ၢ်လိာ်အိၣ်ထီၣ်ဝဲလၢစီၤယိၤဟၣ်အပျဲၢ်အဘီၣ်တနီၤ ဒီးပှၤယူဒၤဖိတဂၤအဘၢၣ်စၢၤလၢတၢ်မၤကဆှီအလုၢ်အလၢ် အဂ့ၢ်န့ၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

မၤတၢ် 21:26

လၢတၢ်န့ၣ်အဃိစီၤပီလူးလဲၤဒီးပှၤလွံၢ်ဂၤန့ၣ်, ဒီးမုၢ်ဆ့ၣ်ထီၣ်တနံၤန့ၣ်မၤကဆှီအသးဒီးအဝဲသ့ၣ်ဒ်ယူဒၤ အလုၢ်အလၢ်အိၣ်ဝဲအသိးန့ၣ်လီၤ. အန့ၣ်ဝံၤအလီၢ်ခံ, အဝဲဒၣ်လဲၤဆူတၢ်လုၢ်ဟံၣ်အပူၤဒီးဟ့ၣ်ထီၣ်တၢ်ဘိးဘၣ် သ့ၣ်ညါလၢတၢ်မၤကဆှီထီၣ်ကယံာ်ဝဲအသီဆံးအါဒီးဖဲ အနံၤအသီပှဲၤထီၣ်န့ၣ်, တၢ်လုၢ်တၢ်ပာ်ကဘၣ်တၢ်မၤအီၤလၢအဝဲသ့ၣ်တဂၤဘၣ်တဂၤ အဂီၢ်န့ၣ်လီၤ.

မၤတၢ် 24:18

အဝဲသ့ၣ်ထံၣ်န့ၢ်ယၤလၢတၢ်လုၢ်ဟံၣ်အပူၤဖဲယမၤကဆှီထီၣ် က့ၤယသးဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးဝံၤ အလီၢ်ခံန့ၣ်လီၤ. ပှၤကမျၢၢ်တအိၣ်ဒီးယၤဖဲန့ၣ်ဘၣ်. ဒီးတၢ်တၢထီၣ်တၢလီၤတအိၣ်ဘၣ်.

1 ကရံၣ်သူး 9:20

ဖဲယမၤတၢ်လၢပှၤယူဒၤဖိအသိးအကျါအဆၢကတီၢ်န့ၣ်, ယအိၣ်မူယဲဒ်ပှၤယူဒၤဖိအသိးဒ်သိးယကမၤန့ၢ်က့ၤအဝဲသ့ၣ် ဆူခရံာ်အအိၣ်အဂီၢ်န့ၣ်လီၤ. ဒီးယနီၢ်ကစၢ်ဒၣ်ယဲယတအိၣ် လၢစီၤမိၤၡ့အတၢ်သိၣ်တၢ်သီအဖီလာ်သနာ်က့, ဖဲယမၤ တၢ်လၢပှၤအိၣ်လၢစီၤမိၤၡ့အတၢ်သိၣ်တၢ်သီအဖီလာ်တဖၣ် အဆၢကတီၢ်န့ၣ်, ယအိၣ်ယဲဒ်ပှၤအိၣ်လၢတၢ်သိၣ်တၢ်သီအဝဲန့ၣ် အဖီလာ်ဒ်သိးယကမၤန့ၢ်က့ၤအဝဲသ့ၣ်ဆူခရံာ်အအိၣ်န့ၣ်လီၤ.

ကလၤတံ 2:12

တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

လံာ်ပှၤစံၣ်ညီၣ်ကွီၢ် 13:5

ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.