မၤတၢ် 21:22 - Sgaw Karen Common Bible

²² နဟဲတုၤလံအဂ့ၢ်န့ၣ်အဝဲသ့ၣ်ကနၢ်ဟူဘၣ်ဝဲသပှၢ်ကတၢၢ်လီၤ. လၢတၢ်န့ၣ်အဃိ, ပကမၤဒ်လဲၣ်.

မၤတၢ် 21:22 Iomraidhean Croise

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 15:22

တုၤနုၤတစု, ပှၤတၢ်မၢဖိဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်, ဃုာ်ဒီးတၢ်အိၣ်ဖှိၣ်ဒီဖုညါ, ပာ်လီၤအသးလၢအကဃုထၢထီၣ်ပှၤတနီၤလၢအဝဲသ့ၣ်အသိးအကျါ ဒီးမၢလီၤအီၤဆူဝ့ၢ်အၣ်တံၤအီာ်တပူၤဃီဒီးစီၤပီလူးဒီးစီၤဘၢ်နါ ဘၤလီၤ. အဝဲသ့ၣ်ဃုထၢထီၣ်ပှၤခံဂၤလၢအဘၣ်တၢ်ပာ်ဒိၣ်ပာ်ကဲ အီၤလၢပှၤစူၢ်က့ၤနာ်က့ၤတၢ်ဖိတဖၣ်, စီၤစံလၤဒီးစီၤယူဒၤလၢအဘၣ်တၢ်ကိးစ့ၢ်ကီးအီၤလၢစီၤဘၢ်စဘါ န့ၣ်လီၤ.

မၤတၢ် 19:32

ဖဲဆၢကတီၢ်အဝဲအံၤန့ၣ်, ပှၤပာ်ဖှိၣ်အသးတဖၣ်တြၢဝဲတြးဝဲ ဒီဖုဒီဂီၢ်လီၤ. ပှၤတနီၤကိးပသူထီၣ်တၢ်ဂ့ၢ်တမံၤ, မ့မ့ၢ်အဂၤတနီၤကိးပသူထီၣ်တၢ်ဂ့ၢ်တမံၤဒၣ်လီၤ. အဂ့ၢ်ဒ်အံၤ, အဝဲသ့ၣ်အါဒၣ်တၢ်တက့ၢ်တသ့ၣ်ညါဒၣ်လဲာ်အဟဲပာ်ဖှိၣ်ထီၣ် အသးလၢမနုၤအဂ့ၢ်လဲၣ်န့ၣ်ဘၣ်လီၤ.

မၤတၢ် 21:21

အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 21:23

မၤဒ်ပစံးဘၣ်နၤအသိးတက့ၢ်. ပှၤအိၣ်ဝဲဒၣ်ဖဲအံၤလွံၢ်ဂၤလၢအဆိၣ်လီၤအသးလၢယွၤ အမဲာ်ညါလီၤ.

1 ကရံၣ်သူး 14:15

မ့မ့ၢ်ဒ်န့ၣ်ဒီးယကမၤယဲဒ်လဲၣ်. ယကဃ့ဘါထုကဖၣ်တၢ်လၢယနီၢ် သးဘၣ်ဆၣ်ဒီးယကဃ့ဘါထုကဖၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ. ယကသးဝံၣ်တၢ်လၢယနီၢ်သး, ဘၣ်ဆၣ်ဒီးယကသးဝံၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ.