မၤတၢ် 21:21 - Sgaw Karen Common Bible

²¹ အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 21:21 Iomraidhean Croise

မၤတၢ် 16:3

စီၤပီလူးအသးအိၣ်လၢအဝဲဒၣ်ကကဲထီၣ်ပှၤလဲၤဃုာ်တၢ်ဒီး အီၤသတးဒီး, ကူးတရံးအီၤလီၤ. အဝဲမၤတၢ်ဒ်သိးအံၤန့ၣ်, မ့ၢ်လၢပှၤယူဒၤဖိလၢအအိၣ်အဆိးဖဲတၢ်လီၢ်တၢ်ကျဲတဖၣ် န့ၣ်အပူၤအဃိ, အဂ့ၢ်မ့ၢ်လၢအဝဲသ့ၣ်ခဲလၢာ်သ့ၣ်ညါလၢ စီၤတံၤမသ့းအပၢ်မ့ၢ်ပှၤကြံးခ်ဖိတဂၤအဃိန့ၣ်လီၤ.

မၤတၢ် 21:22

နဟဲတုၤလံအဂ့ၢ်န့ၣ်အဝဲသ့ၣ်ကနၢ်ဟူဘၣ်ဝဲသပှၢ်ကတၢၢ်လီၤ. လၢတၢ်န့ၣ်အဃိ, ပကမၤဒ်လဲၣ်.

မၤတၢ် 21:28

အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.