မၤတၢ် 21:18 - Sgaw Karen Common Bible

¹⁸ မုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဒ်သိးအကအိၣ်သကိး စီၤယၤကိာ်, ဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်အိၣ်ဝဲဖဲန့ၣ် ကိးဂၤဒဲးလီၤ.

မၤတၢ် 21:18 Iomraidhean Croise

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 15:13

ဖဲအဝဲသ့ၣ်ကတိၤတၢ်ဝံၤန့ၣ်, စီၤယၤကိာ်ကတိၤထီၣ်တၢ်ဒီးစံးဝဲ, “ဒီပုၢ်ဝဲၢ်သ့ၣ်ဧၢ, ကနၣ်တၢ်လၢယစံးဘၣ်သုန့ၣ်တက့ၢ်.

မၤတၢ် 15:2

စီၤပီလူးဒီးစီၤဘၢ်နါဘၤဂ့ၢ်လိာ်ဘှီလိာ်တၢ်ဆူၣ်ဆူၣ် ကလဲာ်ဒီးပှၤသ့ၣ်တဖၣ်အံၤဘၣ်ဃးဒီးတၢ်ဂ့ၢ်တမံၤအံၤန့ၣ်လီၤ. အန့ၣ်သတးဒီး, တၢ်စံၣ်ညီၣ်ဃုထၢထီၣ်စီၤပီလူးဒီးစီၤဘၢ်နါဘၤ ဒီးပှၤအဂၤတနီၤလၢဝ့ၢ်အၣ်တံၤအီာ်, ဒ်သိးအကလဲၤဆူဝ့ၢ် ယရူၤၡလ့ၣ်ဒီးထံၣ်လိာ်ပှၤတၢ်မၢဖိဒီးသူၣ်က့သးပှၢ်ဖဲန့ၣ် တဖၣ်ဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:6

ပှၤတၢ်မၢဖိဒီးပှၤသူၣ်က့သးပှၢ်တဖၣ်အိၣ်ဖှိၣ်ဒ်သိးအကကွၢ် ဆိကမိၣ်သကိးဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 20:17

ဖဲဝ့ၢ်မံလ့ၤတူးန့ၣ်, စီၤပီလူးဆှၢလီၤတၢ်ကစီၣ်ဆူဝ့ၢ်အ့းဖ့းစူး ဒီးမၢတၢ်အိၣ်ဖှိၣ်အပှၤသူၣ်က့သးပှၢ်တဖၣ်ဟဲထံၣ်အီၤလီၤ.

မၤတၢ် 24:11

ဒ်နနီၢ်ကစၢ်နဃုသ့ၣ်ညါနဲသ့အသိး, ယလဲၤထီၣ်ဘါယွၤဖဲဝ့ၢ်ယရူၤၡလ့ၣ်န့ၣ်ကအိၣ်ဒံးဒၣ်ထဲတဆံခံ သီဧိၤလီၤ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.