မၤတၢ် 20:7 - Sgaw Karen Common Bible

⁷ လၢမုၢ်နွံနံၤအကျါမုၢ်ခီၣ်ထံးနံၤဟါခီန့ၣ်, ပပာ်ဖှိၣ်ထီၣ်သကိးပသးလၢတၢ်စိၢ်ဘျဲးကိၣ် အဂီၢ်လီၤ. စီၤပီလူးကတိၤတၢ်ဒီးပှၤဂီၢ်မုၢ်တဖၣ်ပၢၢ်တုၤလၢဖးဖီမုၢ် တစုအဂ့ၢ်မ့ၢ်လၢအကဘၣ်ဟးထီၣ်ဝဲလၢခံတနံၤအဃိလီၤ.

မၤတၢ် 20:7 Iomraidhean Croise

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်စီၤနဃ့မယၤ 9:3

ယွၤ, အဝဲသ့ၣ်အကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်ဘၣ်တၢ်ဖးန့ၢ်အဝဲသ့ၣ်သၢနၣ်ရံၣ်ဝံၤဒီးလၢခံသၢနၣ်ရံၣ် န့ၣ်အဝဲသ့ၣ်တဲလီၤကျဲၤလီၤက့ၤအတၢ်ဒဲးဘးတဖၣ်ဒီးဘူၣ်ထီၣ် ဘါထီၣ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်မၢ်ကူး 16:9

ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်လူၤကၣ် 22:19

အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

လံာ်လူၤကၣ် 24:35

တုၤနုၤတစုပှၤခံဂၤန့ၣ်တဲဖျါန့ၢ်အဝဲသ့ၣ်ဘၣ်ဃးတၢ်မၤ အသးဒီးအဝဲသ့ၣ်ဖဲအလဲၤတၢ်လၢကျဲဒီးလၢအဝဲသ့ၣ် သ့ၣ်ညါက့ၤလၢအဝဲဒၣ်မ့ၢ်ကစၢ်ဖဲအစိၢ်ဘျဲးကိၣ်အဂ့ၢ်န့ၣ်လီၤ.

လံာ်ယိၤဟၣ် 20:1

လၢမုၢ်ခီၣ်ထံးနံၤဂီၤဂီၤဒီးတၢ်ခံးဒံးအဆၢကတီၢ်န့ၣ်, ပှၤမၤကဒါလၣ်မုၣ်နီၢ်မၤရံလဲၤဆူတၢ်သွၣ်ခိၣ်ဒီးထံၣ် ဘၣ်ဝဲလၢလၢၢ်လၢအအိၣ်လၢတၢ်ပူၤခိၣ်ထိးန့ၣ်, ဘၣ်တၢ်သုးကွံာ်အီၤလံန့ၣ်လီၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

မၤတၢ် 16:10

စီၤပီလူးဒိးန့ၢ်တၢ်ထံၣ်လၢညါခီဝံၤအလီၢ်ခံတဘျီဃီ, ပအိၣ်ကတဲာ်ကတီၤပသးလၢပကဟးထီၣ်ဒီးလဲၤဆူကီၢ်မၤက့းဒနံ, အဂ့ၢ်မ့ၢ်လၢပနာ်လၢယွၤကိးပှၤဒ်သိးပကစံၣ်တဲၤတဲလီၤတၢ်သးခု အကစီၣ်ဆူပှၤထံဖိကီၢ်ဖိဖဲန့ၣ်တဖၣ်အအိၣ်အဃိန့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 20:11

အန့ၣ်ဝံၤအလီၢ်ခံ, အဝဲဒၣ်က့ၤထီၣ်ဆူဟံၣ်ဖီခိၣ်, စိၢ်ဘျဲးကိၣ်ဒီးအီၣ်သကိးတၢ်လၢအပျဲၢ်အဘီၣ်တဖၣ်လီၤ. အဝဲဒၣ်ကတိၤတၢ်ဒီးအဝဲသ့ၣ်ဖးယံာ်တုၤလၢမုၢ်ဟဲဆ့ၣ်ထီၣ်ဝံၤ ဒီးဟးထီၣ်ဝဲဒၣ်လီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 20:5

အဝဲသ့ၣ်တဖၣ်လဲၤဆိဆူဝ့ၢ်တြိၤအါလၢပမဲာ်ညါဒီးအိၣ်ခိး ပှၤဖဲန့ၣ်လီၤ.

မၤတၢ် 20:9

ပိာ်ခွါသးစၢ်လၢအမံၤမ့ၢ်စီၤအူတူၤဃူးတဂၤဆ့ၣ်နီၤဝဲလၢပဲတြီဖိအလိၤ, ဒီးဖဲစီၤပီလူးကတိၤတၢ်ယံာ်ထီၣ်န့ၣ်, စီၤအူတူၤဃူးအမဲာ်ဖံးဃၢထီၣ်တုၤအဝဲဒၣ်မံဘၣ်အသးဒီးလီၤ တဲာ်လၢဟံၣ်သၢကထၢတကထၢဆူဟီၣ်ခိၣ်လိၤလီၤ. ဖဲအဝဲသ့ၣ်လဲၤထၢထီၣ်အီၤန့ၣ်အဝဲဒၣ်သံလံဝဲလံ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.