မၤတၢ် 20:37 - Sgaw Karen Common Bible

³⁷ အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

မၤတၢ် 20:37 Iomraidhean Croise

လံာ်တၢ်ကဲထီၣ်အခီၣ်ထံး 45:14

အဝဲဖိးဟုဃာ်အဒီပုၢ်ဝဲၢ်ခွါစီၤဘံၣ်ယၤမံၣ်ဒီးဟီၣ်ဝဲလီၤ. ဒီးစီၤဘံၣ်ယၤမံၣ်စ့ၢ်ကီးဟီၣ်ဝဲဖဲအဖိးဟုဃာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:29

စီၤယိၤသးဒိးထီၣ်အလ့ၣ်ကဟၣ်ဒီးလဲၤဝဲဆူကီၢ်ကိၡ့ၣ်လၢ ကသဂၢၢ်အပၢ်အဂီၢ်လီၤ. ဖဲအဝဲသ့ၣ်ထံၣ်လိာ်အသးန့ၣ်, စီၤယိၤသးဖိးအပၢ်အကိာ်ဒီးဟီၣ်ဝဲဒၣ်ဖးယံာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:30

စီၤဒၤဝံးလဲၤထီၣ်ဝဲဆူညါဆူကစၢၢ်သ့ၣ်စၤယံးအလိၤဒီးဟီၣ်ဝဲယၢၤဝဲလီၤ. လဲၤတၢ်လၢအခီၣ်ညါသးဒီးကးဘၢအခိၣ်ဒ်တၢ်သးအုၣ်အပနီၣ်အသိး န့ၣ်လီၤ. ပှၤခဲလၢာ်လၢအပိာ်အခံစ့ၢ်ကီးကးဘၢအခိၣ်ဒီးဟီၣ်ဝဲဒၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 19:20

အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

စံးထီၣ်ပတြၢၤ 126:5

မ်ပှၤလၢအဖှံတၢ်အိၣ်ဒီးအမဲာ်ထံလီၤန့ၣ် ကကူးတၢ်အိၣ်ဒီးတၢ်သးခုတက့ၢ်.

လံာ်လူၤကၣ် 15:20

လၢတၢ်န့ၣ်အဃိအဝဲဒၣ်ဂဲၤဆၢထၢၣ်ဒီးက့ၤကဒါက့ၤဝဲဆူအပၢ် အအိၣ်လီၤ. ဖဲအဝဲဒၣ်အိၣ်စီၤစုၤယံၤဒံးလၢအဟံၣ်န့ၣ်, အပၢ်ထံၣ်အီၤ, အသးပူၤပှဲၤဒီးတၢ်သးကညီၤဒီးအဝဲဒၣ်ဃ့ၢ်ဝဲ, ဖိးဃာ်အဖိခွါဒီးနၢမူအီၤလီၤ.

ရိမ့ၤ 16:16

ဆၢဂ့ၤဆၢဝါလိာ်သုသးလၢတၢ်နၢမူစီဆှံတက့ၢ်. ခရံာ်အတၢ်အိၣ်ဖှိၣ်ခဲလၢာ်ဆၢဂ့ၤဆၢဝါသုလီၤ.

1 ကရံၣ်သူး 16:20

ဒီပုၢ်ဝဲၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါတဖၣ်လီၤ. ဆၢဂ့ၤဆၢဝါလိာ်သုသးတဂၤဒီးတဂၤ, လၢဒီပုၢ်ဒီဝဲၢ်အတၢ်နၢမူတက့ၢ်.

၂ ကရံၣ်သူး 13:12

ဆၢဂ့ၤဆၢဝါလိာ်သုသးတဂၤဒီးတဂၤလၢတၢ်နၢမူ စီဆှံတက့ၢ်.

၁ သ့းစၤလနံ 5:26

ဆၢဂ့ၤဆၢဝါဒီပုၢ်ဝဲၢ်ပှၤစူၢ်က့ၤနာ်က့ၤတၢ်ခဲလၢာ်ခီဖျိ တၢ်နၢမူစီဆှံန့ၣ်တက့ၢ်.

၂ တံၤမသ့း 1:4

ယသ့ၣ်နီၣ်ထီၣ်က့ၤနမဲာ်ထံမဲာ်နိတဖၣ်, ဒီးယသးအိၣ်ထံၣ် ဘၣ်နၤဒိၣ်မးဒ်သိးယကလၢပှဲၤဒီးတၢ်သးခုအဂီၢ်န့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:41

ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.