မၤတၢ် 20:33 - Sgaw Karen Common Bible

³³ ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

မၤတၢ် 20:33 Iomraidhean Croise

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

1 ကရံၣ်သူး 9:18

မ့မ့ၢ်ဒ်န့ၣ်ဒီးယဒိးန့ၢ်ဘၣ်တၢ်ဘူးတၢ်လဲမနုၤတမံၤလဲၣ်. မ့ၢ်ဝဲယခွဲးယယာ်ဘၣ်ဃးဒီးတၢ်စံၣ်တဲၤတဲလီၤတၢ်သးခု ကစီၣ်တအိၣ်ဒီးတၢ်ဃ့အဘူးအလဲ, တအိၣ်ဒီးတၢ်ဃ့ယခွဲးယယာ်တဖၣ်လၢယတၢ်မၤတၢ်သးခုကစီၣ် အတၢ်မၤအပူၤန့ၣ်ဘၣ်လီၤ.

1 ကရံၣ်သူး 9:4

မ့ၢ်ယတအိၣ်ဒီးတၢ်အခွဲးအယာ်လၢတၢ်ကဟ့ၣ်ယၤတၢ်အီၣ် တၢ်အီလၢယတၢ်ဖံးတၢ်မၤအဂီၢ်န့ၣ်ဘၣ်ဧါ.

၂ ကရံၣ်သူး 11:7

ဖဲယစံၣ်တဲၤတဲလီၤကစၢ်ယွၤအတၢ်သးခုကစီၣ်ဆူသုအိၣ်န့ၣ်, ယတဃ့သုတၢ်ဘူးတၢ်လဲနီတမံၤဘၣ်. ယဆီၣ်လီၤယသးဒ်သိးသုကကဲထီၣ်ပှၤအကါဒိၣ်တဖၣ်လီၤ. အဝဲအံၤန့ၣ်, မ့ၢ်ယမၤကမၣ်တၢ်ဧါ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.

၃ ယိၤဟၣ် 1:7

အဂ့ၢ်ဒ်လဲၣ်န့ၣ်, အဝဲသ့ၣ်ဟးထီၣ်လဲၤတၢ်လၢခရံာ်အတၢ်မၤအပူၤ ဒီးတတူၢ်လိာ်တၢ်မၤစၢၤလၢပှၤတစူၢ်တနာ်တၢ်တဖၣ် အအိၣ်နီတမံၤန့ၣ်ဘၣ်.