မၤတၢ် 20:3 - Sgaw Karen Common Bible

³ ဖဲန့ၣ်အဝဲဒၣ်အိၣ်ဝဲသၢလါလီၤ. ဖဲအဝဲဒၣ်အိၣ်ကတဲာ်ကတီၤအသးဒ်သိးအကလဲၤဆူကီၢ် စူၤရံန့ၣ်, သ့ၣ်ညါဝဲလၢပှၤယူဒၤဖိတဖၣ်ကူၣ်တၢ်ထီဒါအီၤ, ဒီးလၢတၢ်န့ၣ်အဃိပာ်လီၤအသးလၢအကက့ၤကဒါက့ၤဝဲ ခီဖျိကီၢ်မၤက့းဒနံလီၤ.

မၤတၢ် 20:3 Iomraidhean Croise

လံာ်စီၤဧ့စြၤ 8:31

ဒီးလၢလါအခီၣ်ထံးတလါထီၣ်တဆံခံသီတသီန့ၣ်ပဟးထီၣ်လၢထံ ကျိၤအၤဟဝၤဒီးပလဲၤဆူဝ့ၢ်ယရူၤရှလ့ၣ်န့ၣ်လီၤ. ပကစၢ်ယွၤအိၣ်ဒီးပှၤဒီးဒီဒၣ်အိၣ်ပှိၤပှၤလၢဒုၣ်ဒါအတၢ်ဟဲ ထီၣ်ဒုးပှၤဒီးခိးခူသူၣ်ဒုးပှၤလၢပတၢ်လဲၤအပူၤန့ၣ်လီၤ.

တၢ်ကတိၤဒိ. 1:11

အဒိအဝဲသ့ၣ်ကစံး, “ဟဲ, ပကလဲၤဆူပှၤတဂၤဂၤလၢပကမၤသံအီၤ အအိၣ်တက့ၢ်. မ်ပကမၤဒၢၣ်ပှၤလၢအတၢ်ကမၣ် တအိၣ်တဖၣ်လၢတၢ်မၤမုာ်ပသးဒၣ်ဝဲအဂီၢ်တက့ၢ်.

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

မၤတၢ် 16:12

စးထီၣ်ဖဲန့ၣ်ပလဲၤတၢ်လၢခိအကျဲဆူဝ့ၢ်ဖံလံးပံၤ, လၢအမ့ၢ်ဝ့ၢ်တဝ့ၢ်လၢအဘၣ်ဃးဒီးကီၢ်မၤက့းဒနံအကီၢ်ဆၣ်အဆိကတၢၢ်တဘ့ၣ်, လၢအအိၣ်လၢရိမ့ၤအတၢ်ပၢအဖီလာ်န့ၣ်လီၤ. ပအိၣ်ပဝဲစှၤနံၤစှၤသီဖဲန့ၣ်လီၤ.

မၤတၢ် 16:9

နၤအဝဲန့ၣ်, စီၤပီလူးဒိးန့ၢ်ဘၣ်တၢ်ထံၣ်လၢညါခီတမံၤဒီး လၢတၢ်ထံၣ်လၢညါခီအပူၤန့ၣ်, အဝဲထံၣ်ဘၣ်ပှၤကီၢ်မၤက့းဒနံဖိတဂၤဆၢထၢၣ်ဒီးဃ့ကညး အီၤဒီးစံး, “ဟဲခီဂာ်ဆူကီၢ်မၤက့းဒနံဒီးမၤစၢၤပှၤတက့ၢ်.”

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 20:1

ဖဲတၢ်တၢထီၣ်တၢလီၤဘှ့ၣ်လီၤက့ၤဝံၤအလီၢ်ခံန့ၣ်, စီၤပီလူးကိးဖှိၣ်အပျဲၢ်အဘီၣ်တဖၣ်ဒီးကတိၤဟ့ၣ်ဂံၢ် ဟ့ၣ်ဘါအဝဲသ့ၣ်ဝံၤ, ဆၢဂ့ၤဆၢဝါအဝဲသ့ၣ်ဒ်သိးအကလီၤ ဖးဒီးအီၤမုာ်မုာ်အဂီၢ်လီၤ. အန့ၣ်ဝံၤအလီၢ်ခံအဝဲဒၣ်ဟးထီၣ်ဒီးလဲၤဆူကီၢ်မၤက့းဒနံန့ၣ်လီၤ.

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

မၤတၢ် 21:3

ဖဲပလဲၤတၢ်ဒီးတုၤတၢ်လီၢ်ဖဲကီးကူပြူးဟဲအိၣ်ဖျါထီၣ်န့ၣ်, ပလဲၤလၢအကလံၤထံးတကပၤဒီးလဲၤပဝဲဆူကီၢ်စူၤရံလီၤ. ပလဲၤထီၣ်ဆူထံကၢၢ်ခိၣ်ဖဲဝ့ၢ်ထါယၢၣ်ဖဲကဘီကပာ်လီၤ အတၢ်ဖိတၢ်လံၤလၢတၢ်ပဒၢးအီၤန့ၣ်လီၤ.

မၤတၢ် 25:3

ဒ်သိးအကမၤစၢၤအဝဲသ့ၣ်ခီဖျိအဒုးဟဲစီၤပီလူးဆူဝ့ၢ်ယရူၤၡလ့ၣ်, အဂ့ၢ်မ့ၢ်လၢအဝဲသ့ၣ်ကူၣ်ထီၣ်တ့ၢ်ဝဲလၢအကမၤသံအီၤလၢကျဲ န့ၣ်လီၤ.

၂ ကရံၣ်သူး 1:15

ဘၣ်ဃးဒီးတၢ်သ့ၣ်တဖၣ်အံၤခဲလၢာ်န့ၣ်, ယနာ်ယဲဒၣ်လီၤတံၢ်လီၤဆဲးတုၤဒၣ်လဲာ်ဖဲအသီခါန့ၣ်, ယပာ်လီၤတ့ၢ်ယသးလၢယကလဲၤအိၣ်သကိးသုဒ်သိးသု ကဘၣ်တၢ်ဆိၣ်ဂ့ၤသုခံဘျီအဂီၢ်န့ၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၂ ကရံၣ်သူး 7:5

ဖဲပဟဲတုၤလၢကီၢ်မၤက့းဒနံဝံၤအလီၢ်ခံဒၣ်လဲာ်န့ၣ်, ပတအိၣ်ဒီးတၢ်အိၣ်ဘှံးအိၣ်သါနီတစဲးဘၣ်. တၢ်ကီတၢ်ခဲအိၣ်ဝဲဒၣ်လၢတၢ်လီၢ်ကိးပူၤဒဲး, တၢ်ထီဒုၣ်ထီဒါလိာ်ပသးဒီးပှၤဂၤ, ဒီးတၢ်ပျံၤတၢ်ဖုးလၢ ပသးပူၤန့ၣ်လီၤ.

ကလၤတံ 1:21

တၢ်န့ၣ်ဝံၤအလီၢ်ခံယလဲၤဆူတၢ်လီၢ်တဖၣ်လၢကီၢ်စူၤရံဒီးကီၢ် ကံၤလံၤကံအပူၤန့ၣ်လီၤ.