မၤတၢ် 20:27 - Sgaw Karen Common Bible

²⁷ အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

မၤတၢ် 20:27 Iomraidhean Croise

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 40:10

ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

လံာ်ယံးရမံယၤ 23:22

အဝဲသ့ၣ်မ့ၢ်သ့ၣ်ညါတ့ၢ်ယတၢ်ဆိကမိၣ်ခူသူၣ်တဖၣ်ဒီး, အဝဲသ့ၣ်ကသ့စံးဘၣ်တဲဘၣ်ယတၢ်ကစီၣ်ဆူယပှၤဂီၢ်မုၢ်ဒီး ကသ့မၢအဝဲသ့ၣ်ညိကွံာ်တၢ်အိၣ်မူအအၢအသီလၢအဝဲသ့ၣ် အိၣ်မူဝဲဒီးတၢ်အၢတၢ်သီတဖၣ်လၢအဝဲသ့ၣ်မၤဝဲန့ၣ်လီၤ.

လံာ်ယံးရမံယၤ 26:2

ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယံးရမံယၤ 34:6

ဝံၤဒီး ယဟ့ၣ်လီၤတၢ်ကစီၣ်အံၤဆူ စီၤပၤစီၤစံးဒကံယၤအအိၣ်လၢ ဝ့ၢ်ယရူၤၡလ့ၣ်အပူၤ,

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

၁ သ့းစၤလနံ 2:4

မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.