မၤတၢ် 20:22 - Sgaw Karen Common Bible

²² ဒီးခဲကနံၣ်အံၤ, လၢတၢ်စူၢ်ဒီးတၢ်ဒိကနၣ်သးစီဆှံအကလုၢ် အပူၤန့ၣ်, ယကလဲၤယဲဆူဝ့ၢ်ယရူၤၡလ့ၣ်, ဒီးတၢ်ကမၤအသးဒီးယၤဖဲန့ၣ်ဒ်လဲၣ်ဒ်လဲၣ်န့ၣ်, ယတသ့ၣ်ညါဘၣ်.

မၤတၢ် 20:22 Iomraidhean Croise

လံာ်လူၤကၣ် 12:50

တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 18:4

ယ့ၣ်ၡူးသ့ၣ်ညါတၢ်ခဲလၢာ်လၢအကဟဲဘၣ်အီၤအဃိ, အဝဲလဲၤထီၣ်ဆူအဝဲသ့ၣ်အအိၣ်ဒီးသံကွၢ်ဝဲ, “သုဃု မတၤတဂၤန့ၣ်လဲၣ်.”

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၂ ပ့းတရူး 1:14

ယသ့ၣ်ညါလၢတယံာ်လၢၤဘၣ်ဒီးယကဘၣ်ပာ်တ့ၢ်ကွံာ် ယနီၢ်ခိလၢအသံသ့အံၤ, ဒ်ပကစၢ်ယ့ၣ်ၡူးခရံာ်စံးဘၣ်တဲဘၣ်တ့ၢ်ယၤဖျါဖျါအသိးန့ၣ်လီၤ.