မၤတၢ် 2:7 - Sgaw Karen Common Bible

⁷ အဝဲသ့ၣ်တဖၣ်တၢ်လီၤကမၢကမၣ်ဒီးတၢ်လီၤလးဘၣ်အီၤဒိၣ်ဒိၣ် ကလဲာ်ဒီးစံး, “ပှၤတဖၣ်အံၤလၢအကတိၤတၢ်န့ၣ်, မ့ၢ်ဒၣ်ပှၤကီၢ်ကၤလံၤလါဖိလီၤ, တမ့ၢ်ဘၣ်ဧါ.

မၤတၢ် 2:7 Iomraidhean Croise

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 26:73

တစိၢ်ဖိဝံၤအလီၢ်ခံ, ပှၤပိာ်ခွါလၢအအိၣ်ဆၢထၢၣ်ဖဲန့ၣ်တဖၣ် ဟဲဆူစီၤပ့းတရူးအအိၣ်ဒီးစံး, “သပှၢ်တၢၢ်, နမ့ၢ်ပှၤလၢအဝဲသ့ၣ်အကျါတဂၤလီၤ. နကတိၤတၢ်အသီၣ် လီၣ်ဖျါထီၣ်နၤလီၤ.”

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

မၤတၢ် 2:12

အဝဲသ့ၣ်တဖၣ်တၢ်ကမၢကမၣ်ဘၣ်အီၤဒိၣ်ဒိၣ်ကလဲာ်ဒီးဆိကမိၣ် က့ၤတၢ်တဘၣ်လၢၤဘၣ်သတးဒီး, သံကွၢ်လိာ်အသးတဂၤဒီးတဂၤ, “တၢ်မၤအသးတခါအံၤအခီပညီဒ်လဲၣ်” န့ၣ်လီၤ.

မၤတၢ် 2:8

မ့မ့ၢ်ဒ်န့ၣ်ဒီးပဝဲခဲလၢာ်ပနၢ်ဟူဘၣ်အဝဲသ့ၣ်အတၢ်ကတိၤလၢ ပကျိာ်ဒၣ်ပဝဲန့ၣ်, မ့ၢ်တၢ်ဒ်လဲၣ်.

မၤတၢ် 3:10

ဒီးတုၤအသ့ၣ်ညါဝဲလၢအမ့ၢ်ပှၤတဂၤဃီလၢအဆ့ၣ်နီၤဃ့အီၣ် တၢ်ဖဲတၢ်လုၢ်ဟံၣ်အတြဲၤဃံလၤအခီၣ်ထံးန့ၣ်ဒီး, တၢ်လီၤကမၢကမၣ်ဘၣ်အဝဲသ့ၣ်ဒီးအသးလီၤကတုၤဝဲ, မ့ၢ်လၢအထံၣ်ဘၣ်တၢ်လၢအမၤအသးဒီးအီၤအဃိန့ၣ်လီၤ.