မၤတၢ် 2:40 - Sgaw Karen Common Bible

⁴⁰ စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

မၤတၢ် 2:40 Iomraidhean Croise

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်ယံးရမံယၤ 51:45

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဃ့ၢ်ထွးထီၣ်ကွံာ်ဖဲန့ၣ်တက့ၢ်. ဃ့ၢ်ထီၣ်ကွံာ်လၢ သုသးသမူအဂီၢ်ဒီး လၢယတၢ်သးကဲၤထီၣ် အအိၣ်န့ၣ်တက့ၢ်.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 16:4

ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်ယိၤဟၣ် 21:25

တၢ်အဂုၤအဂၤတဖၣ်လၢယ့ၣ်ၡူးမၤဝဲန့ၣ်, အိၣ်ဒံးအါမံၤန့ၣ်လီၤ. တၢ်မ့ၢ်ကွဲးလီၤအီၤတမံၤဘၣ်တမံၤခဲလၢာ်ဒီး, ယဆိကမိၣ်လၢလံာ်တဖၣ်လၢအကဘၣ်တၢ်ကွဲးအီၤန့ၣ်, ဟီၣ်ခိၣ်ဒီဘ့ၣ်တမ့ၢ်လၢအကတြီၢ်လၢၤဘၣ်န့ၣ်လီၤ.

မၤတၢ် 10:42

ဒီးအဝဲဒၣ်မၤလိာ်ပှၤဒ်သိးပကစံၣ်တဲၤတဲလီၤတၢ်သးခုအကစီၣ် ဆူပှၤဂီၢ်မုၢ်, ဒီးအုၣ်ပသးလၢအဝဲမ့ၢ်ပှၤတဂၤလၢယွၤဖှူတ့ၢ်အီၤလၢ အကကဲပှၤမူဒီးပှၤသံတဖၣ်အစံၣ်ညီၣ်ကွီၢ်န့ၣ်လီၤ.

မၤတၢ် 15:32

စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 20:11

အန့ၣ်ဝံၤအလီၢ်ခံ, အဝဲဒၣ်က့ၤထီၣ်ဆူဟံၣ်ဖီခိၣ်, စိၢ်ဘျဲးကိၣ်ဒီးအီၣ်သကိးတၢ်လၢအပျဲၢ်အဘီၣ်တဖၣ်လီၤ. အဝဲဒၣ်ကတိၤတၢ်ဒီးအဝဲသ့ၣ်ဖးယံာ်တုၤလၢမုၢ်ဟဲဆ့ၣ်ထီၣ်ဝံၤ ဒီးဟးထီၣ်ဝဲဒၣ်လီၤ.

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 20:9

ပိာ်ခွါသးစၢ်လၢအမံၤမ့ၢ်စီၤအူတူၤဃူးတဂၤဆ့ၣ်နီၤဝဲလၢပဲတြီဖိအလိၤ, ဒီးဖဲစီၤပီလူးကတိၤတၢ်ယံာ်ထီၣ်န့ၣ်, စီၤအူတူၤဃူးအမဲာ်ဖံးဃၢထီၣ်တုၤအဝဲဒၣ်မံဘၣ်အသးဒီးလီၤ တဲာ်လၢဟံၣ်သၢကထၢတကထၢဆူဟီၣ်ခိၣ်လိၤလီၤ. ဖဲအဝဲသ့ၣ်လဲၤထၢထီၣ်အီၤန့ၣ်အဝဲဒၣ်သံလံဝဲလံ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

ကလၤတံ 5:3

မၤကဒီးယဟ့ၣ်ပလီၢ်ပှၤတဂၤလၢ်လၢ်လၢအဒိးတၢ်ကူးတရံး န့ၣ်, လၢအဝဲကဘၣ်စူၢ်တၢ်သိၣ်တၢ်သီခဲလၢာ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

လံာ်သိၣ်လီၤသီလီၤတၢ် 32:5

မ့မ့ၢ်, သုမ့ၢ်ပှၤသူၣ်တတီသးတရၤဒီးတကြၢးဝဲဘၣ်ဝဲလၢကမ့ၢ် အဝဲအပှၤဂီၢ်မုၢ်ဘၣ်, ပှၤကလုာ်လၢအမၤဒဲးဘးတၢ်ဒီးလီတၢ်ဝ့ၤတၢ်န့ၣ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.