မၤတၢ် 2:39 - Sgaw Karen Common Bible

³⁹ ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

မၤတၢ် 2:39 Iomraidhean Croise

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်ယိၤအ့လး 2:32

ဘၣ်ဆၣ်ဒီးကယဲၢ်ပှၤလၢအဃ့တၢ်မၤစၢၤလၢ ယွၤခဲလၢာ်န့ၣ်ကဘၣ်တၢ်အုၣ်က့ၤခီၣ်က့ၤအီၤလီၤ. ဒ်ယွၤစံးတ့ၢ်ဝဲအသိး, “ပှၤလၢဝ့ၢ်ယရူၤၡလ့ၣ်အပူၤတနီၤကထူၣ်ဖျဲးဝဲ ဒီးပှၤလၢယဃုထၢအီၤန့ၣ်ကပူၤဖျဲးဝဲန့ၣ်လီၤ.”

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 15:8

ဒီးကစၢ်ယွၤလၢအထံၣ်သ့ၣ်ညါပှၤကိးဂၤအသးန့ၣ်, ပာ်ဖျါအတၢ်ဘၣ်သူၣ်ဘၣ်သးပှၤကလုာ်ဂၤတဖၣ်, ခီဖျိအဟ့ၣ်အဝဲသ့ၣ်လၢသးစီဆှံဒ်အဟ့ၣ်တ့ၢ်ပှၤအသိး န့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ရိမ့ၤ 9:24

အဂ့ၢ်ဒ်လဲၣ်န့ၣ်, ပမ့ၢ်ပှၤတဖၣ်လၢအဝဲကိးထီၣ်ဝဲ, တမ့ၢ်ထဲလၢပှၤယူဒၤဖိတဖၣ်အကျါဘၣ်. မ့မ့ၢ်လၢပှၤကလုာ်ဂၤတဖၣ်အကျါစ့ၢ်ကီးန့ၣ်လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

1 ကရံၣ်သူး 7:14

အဂ့ၢ်ဒ်အံၤ, ဝၤလၢအတစူၢ်က့ၤနာ်က့ၤတၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအမါ, ဒီးအမါလၢအတစူၢ်တနာ်တၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအဝၤ, ပှၤခရံာ်ဖိတဂၤန့ၣ်လီၤ. မ့တမ့ၢ်ဒ်န့ၣ်ဘၣ်ဒီး, အဝဲသ့ၣ်အဖိအလံၤတဖၣ်ကလီၤဂာ်ဒ်ပှၤသူခိၣ်ဖိအဖိအလံၤ အသိးလီၤ. ဘၣ်ဆၣ်ဒီး, ဒ်တၢ်မၤအသးအသိးန့ၣ်, အဝဲသ့ၣ်ဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤ အမဲာ်ညါလီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

အ့းဖ့းစူး 4:4

ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

လံာ်သိၣ်လီၤသီလီၤတၢ် 29:15

အဝဲမၤတၢ်န့ၣ်ဒီးကယဲၢ်ပဝဲခဲလၢာ်လၢတနံၤအံၤဆၢထၢၣ်ဖဲအံၤ, လၢအဝဲအမဲာ်ညါဒီးမ့ၢ်စ့ၢ်ကီးလၢပစၢၤပသွဲၣ်တဖၣ်လၢတအိၣ် ဖျဲၣ်ထီၣ်ဒံးဘၣ်အဂီၢ်န့ၣ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”