မၤတၢ် 2:32 - Sgaw Karen Common Bible

³² ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 2:32 Iomraidhean Croise

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 13:30

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်သမူထီၣ်က့ၤအီၤလၢ တၢ်သံ,

မၤတၢ် 13:33

လၢကစၢ်ယွၤအၢၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်, လၢအကမၤဝဲန့ၣ်လီၤ. မၤလံဝဲခဲကနံၣ်အံၤလၢပဂီၢ်, ပဝဲလၢအမ့ၢ်အဝဲသ့ၣ်အစၢၤအသွဲၣ်တဖၣ်, ခီဖျိအဒုးဂဲၤဆၢထၢၣ်သမူထီၣ်က့ၤယ့ၣ်ၡူးန့ၣ်လီၤ. ဒ်တၢ်ကွဲးအသးဖဲထါစံးထီၣ်ပတြၢၤအယုၢ်ခံအိၣ်ဝဲအသိးန့ၣ်, ‘နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤ, ယကဲထီၣ်နပၢ်လံ.’

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 4:33

ပှၤတၢ်မၢဖိတဖၣ်အုၣ်အသးအိၣ်ဒီးတၢ်စိကမီၤဖးဒိၣ်လၢ ကစၢ်ယ့ၣ်ၡူးဂဲၤဆၢထၢၣ်သမူထီၣ်က့ၤလၢတၢ်သံအဂ့ၢ်, ဒီးကစၢ်ယွှၤလူလီၤဂၢ်လီၤတၢ်ဘျုးတၢ်ဖှိၣ်ဒိၣ်ဒိၣ်အါအါအိၣ် လၢအဝဲသ့ၣ်ခဲလၢာ်အလိၤလီၤ.

မၤတၢ် 5:30

ပမိၢ်ပၢ်ဖံဖုလၢပျၢၤအကစၢ်ယွၤန့ၣ်ဒုးဂဲၤဆၢထၢၣ်က့ၤယ့ၣ်ၡူးလၢတၢ်သံ, ဖဲသုမၤသံကွံာ်အီၤခီဖျိသုပျၤထီအီၤလၢထူၣ်စုညါအလိၤဝံၤ အလီၢ်ခံန့ၣ်လီၤ.

1 ကရံၣ်သူး 15:15

အါန့ၢ်အန့ၣ်, ပဘၣ်တၢ်ပာ်ဖျါထီၣ်ပှၤလၢပကတိၤတၢ်ကတိၤ တမ့ၢ်တတီဘၣ်ဃးဒီးယွၤအဂ့ၢ်န့ၣ်လီၤ. အဂ့ၢ်ဒ်အံၤ ပစံးလၢအဝဲဒၣ်ဒုးဂဲၤဆၢထၢၣ်က့ၤခရံာ်လၢတၢ်သံန့ၣ်လီၤ. ဘၣ်ဆၣ်ဒီး, ပှၤသံတဘၣ်တၢ်ဒုးဂဲၤဆၢထၢၣ်သမူထီၣ်အီၤအဂ့ၢ်န့ၣ် မ့မ့ၢ်မ့တီဒီး, အဝဲဒၣ်တဒုးဂဲၤဆၢထၢၣ်သမူထီၣ်က့ၤခရံာ်ဘၣ်လီၤ.

1 ကရံၣ်သူး 6:14

ကစၢ်ယွၤဒုးဂဲၤဆၢထၢၣ်သမူထီၣ်က့ၤကစၢ်လၢတၢ်သံ, ဒီးအဝဲဒၣ်ကဒုးဂဲၤဆၢထၢၣ်သမူထီၣ်စ့ၢ်ကီးပှၤလၢအတၢ်စိ တၢ်ကမီၤလီၤ.

၂ ကရံၣ်သူး 4:14

ပသ့ၣ်ညါပဝဲလၢကစၢ်ယွၤလၢအဒုးဂဲၤဆၢထၢၣ်သမူထီၣ်က့ၤ ကစၢ်ယ့ၣ်ၡူးန့ၣ်, ကဒုးဂဲၤဆၢထၢၣ်သမူထီၣ်က့ၤပှၤစ့ၢ်ကီးဒီး စိာ်ဃုာ်ပှၤတပူၤဃီဒီးသုဆူအဝဲဒၣ်အမဲာ်ညါန့ၣ်လီၤ.

ကလၤတံ 1:1

လၢ, ပှၤလၢတၢ်ကိးအီၤလၢအကကဲထီၣ်တၢ်မၢဖိလၢ အတမ့ၢ်တၢ်ဟဲလၢပှၤကညီမ့တမ့ၢ်ခီဖျိပှၤကညီအဃိ ဘၣ်, မ့မ့ၢ်ဟဲလၢယ့ၣ်ၡူးခရံာ်ဒီးပၢ်ကစၢ်ယွၤလၢအဒုး ဂဲၤဆၢထၢၣ်က့ၤအီၤလၢတၢ်သံ ယၤ, စီၤပီလူးဒီး,

အ့းဖ့းစူး 1:20

လၢယွၤသူဝဲဖဲအဒုးဂဲၤဆၢထၢၣ်က့ၤခရံာ်လၢတၢ်သံဒီး ဒုးဆ့ၣ်နီၤအီၤလၢအစုထွဲတခီလၢမူခိၣ်န့ၣ်လီၤ.

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.