မၤတၢ် 2:30 - Sgaw Karen Common Bible

³⁰ ဒ်အဝဲမ့ၢ်တ့ၢ်ဝံတဂၤအသိး, အဝဲသ့ၣ်ညါတၢ်လၢကစၢ်ယွၤအၢၣ်လီၤတ့ၢ်အီၤလၢအကမၤဝဲလၢ အဂီၢ်န့ၣ်လီၤ. ကစၢ်ယွၤမၤတၢ်အၢၣ်လီၤအီလီၤဒီးအီၤလၢ အကဒုးကဲထီၣ်အစၢၤအသွဲၣ်တဂၤလၢစီၤပၤ, ဒ်အဝဲကဲဘၣ်ဝဲအသိးန့ၣ်လီၤ.

မၤတၢ် 2:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:2

ယွၤအသးကတိၤတၢ်ခီဖျိယၤ, အဝဲအတၢ်ကစီၣ်အိၣ်ဝဲလၢယထးခိၣ်န့ၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မးသဲ 22:43

ယ့ၣ်ၡူးသံကွၢ်အဝဲသ့ၣ်ဒီးစံး, “မ့မ့ၢ်ဒ်န့ၣ်ဒီး, ဘၣ်မနုၤလၢယွၤအသးထိၣ်ဂဲၤစီၤဒၤဝံးလၢကကိးအီၤလၢ ကစၢ်န့ၣ်လဲၣ်. စီၤဒၤဝံးစံးတ့ၢ်ဝဲ,

လံာ်မးသဲ 27:35

ဖဲအဝဲသ့ၣ်ပျၤထီအီၤလၢထူၣ်စုညါအလိၤဝံၤန့ၣ်, ဖီၣ်တၢ်ဖးဒီးနီၤဟ့ၣ်လိာ်အသးလၢယ့ၣ်ၡူးအကူအသိးလီၤ.

လံာ်မၢ်ကူး 12:36

စီၤဒၤဝံးအကစၢ်ဒၣ်ဝဲန့ၣ်သးစီဆှံထိးဘၣ်အသးဒီးစံးဝဲ, ‘ယွၤစံးဘၣ်ယကစၢ်, ဆ့ၣ်နီၤလၢယစုထွဲတခီ, တုၤယဒုးအိၣ်နဒုၣ်နဒါတဖၣ်လၢ နခီၣ်ညါသးအဖီလာ်တစုတက့ၢ်.’

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.

ရိမ့ၤ 1:3

တၢ်ကွဲးအံၤဘၣ်ဃးဒီးအဖိခွါပကစၢ်ယ့ၣ်ၡူးခရံာ်, လၢသွံၣ်ထံဖံးညၣ်န့ၣ်အိၣ်ဖျဲၣ်ထီၣ်ဝဲဒ်စီၤဒၤဝံးအစၢၤ အသွဲၣ်တဂၤအသိးန့ၣ်လီၤ.

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

၂ တံၤမသ့း 2:8

သ့ၣ်နီၣ်ထီၣ်ယ့ၣ်ၡူးခရံာ်လၢအဘၣ်တၢ်ဒုးဂဲၤဆၢထၢၣ်က့ၤ အီၤလၢတၢ်သံ, လၢအမ့ၢ်တ့ၢ်စီၤဒၤဝံးအစၢၤအသွဲၣ်, ဒ်အဘၣ်တၢ်သိၣ်လိအီၤတၢ်သးခုကစီၣ်လၢယစံၣ်တဲၤ တဲလီၤန့ၢ်သုအပူၤအသိးန့ၣ်တက့ၢ်.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

ဧ့ၤဘြံၤ 3:7

လၢတၢ်န့ၣ်အဃိဒ်သးစီဆှံစံးဝဲအသိး, “တနံၤအံၤဖဲသုနၢ်ဟူကစၢ်ယွၤအကလုၢ်န့ၣ်

ဧ့ၤဘြံၤ 4:7

တၢ်အံၤအိၣ်ဖျါထီၣ်ခီဖျိကစၢ်ယွၤဃုထၢပာ်လီၤမုၢ်နံၤလီၤ ဆီလၢအဘၣ်တၢ်ကိးအီၤလၢ “မုၢ်တနံၤအံၤ” န့ၣ်လီၤ. အါနံၣ်အါလါဝံၤအလီၢ်ခံတၢ်ကတိၤလၢအဘၣ်တၢ်ယၢၤထီၣ် တ့ၢ်လံအံၤဘၣ်တၢ်စံးကတိၤအီၤခီဖျိစီၤဒၤဝံး, “တၢ်တနံၤအံၤဖဲသုနၢ်ဟူအကလုၢ်ဒီး မၤကိၤသုခိၣ်တဂ့ၤ.”

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.