မၤတၢ် 2:3 - Sgaw Karen Common Bible

³ အန့ၣ်ဒီးအဝဲသ့ၣ်ထံၣ်ဝဲမ့ၣ်အူလၣ်လၢအလီၤဂာ်ဒီးတၢ်အပျ့ၤ တဖၣ်ရၤလီၤအသး, ဒီးထိးဘၣ်ပှၤအိၣ်ဖဲန့ၣ်တဂၤဘၣ်တဂၤစုာ်စုာ်လီၤ.

မၤတၢ် 2:3 Iomraidhean Croise

လံာ်တၢ်ကဲထီၣ်အခီၣ်ထံး 11:6

ဒီးစံးဝဲဒၣ်, “ခဲကနံၣ်အံၤပှၤသ့ၣ်တဖၣ်အံၤမ့ၢ်ပှၤတဖုဃီ ဒီးစံးကတိၤကျိာ်တကျိာ်ဃီန့ၣ်လီၤ. တၢ်အံၤမ့ၢ်ဒံးထဲတၢ်အခီၣ်ထံးဖိလၢတၢ်လၢအဝဲသ့ၣ်သါကမၤဝဲ တယံာ်ဘၣ်ဒီးတၢ်တမံၤဂ့ၤတမံၤဂ့ၤလၢအသးအိၣ်မၤဝဲန့ၣ်အဝဲ သ့ၣ်မၤဝဲကသ့ကန့ၢ်လီၤ.

စံးထီၣ်ပတြၢၤ 55:9

ယွၤဧၢ, မၤဟးဂီၤအတၢ်တိာ်ပာ် ဒီးမၤသဘံၣ်ဘုၣ်အပျ့ၤတဖၣ်န့ၣ်တက့ၢ်. အဂ့ၢ်ဒ်အံၤ, ယထံၣ်တၢ်မၤအၢဒီး တၢ်အ့ၣ်လိာ်ဆိးက့လိာ်လၢဝ့ၢ်ပူၤလီၤ.”

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်လူၤကၣ် 24:32

အဝဲသ့ၣ်စံးလိာ်အသး, “ဖဲအဝဲဒၣ်ကတိၤတၢ်ဒီးပှၤလၢကျဲဒီး တဲနၢ်ပၢၢ်ပှၤဘၣ်ဃးတၢ်ကွဲးအသးစီဆှံတဖၣ်အဂ့ၢ်န့ၣ်, တၢ်မၤမးအသးဒ်မ့ၣ်အူအီၣ်တၢ်လၢပပူၤတမ့ၢ်ဘၣ်ဧါ.”

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 2:11

ပှၤယူဒၤဖိဒီးပှၤကလုာ်ဂၤလၢအနုာ်လီၤဆူပှၤယူဒၤဖိအတၢ် ဘူၣ်တၢ်ဘါအပူၤ, ဒီးပဝဲဒၣ်တနီၤပမ့ၢ်ပှၤကြ့တ့ၤဖိဒီးပှၤဧ့ရ့းဖိတဖၣ်လီၤ. ဘၣ်ဆၣ်ဒီးပဝဲဒၣ်ကိးဂၤဒဲးပနၢ်ဟူဘၣ်အဝဲသ့ၣ်စံးကတိၤ တၢ်လၢပကျိာ်ဒၣ်ပဝဲ, ဘၣ်ဃးတၢ်မၤအဒိၣ်အမုၢ်တဖၣ်လၢ ကစၢ်ယွၤမၤတ့ၢ်လံဝဲန့ၣ်လီၤ.”

မၤတၢ် 2:2

သတူၢ်ကလာ်, တၢ်အသီၣ်ဟဲလီၤလၢမူခိၣ်လီၤဂာ်ဒ်ကလံၤလၢအအူတၢ်ဆူၣ်မး အသိး, ဒီးတၢ်အသီၣ်အံၤမၤပှဲၤဟံၣ်လၢအဝဲသ့ၣ်ဆ့ၣ်နီၤဝဲလၢအပူၤဒီ တဖျၢၣ်ညါလီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.