မၤတၢ် 2:27 - Sgaw Karen Common Bible

²⁷ အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.

မၤတၢ် 2:27 Iomraidhean Croise

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

စံးထီၣ်ပတြၢၤ 49:15

ဘၣ်ဆၣ်ကစၢ်ယွၤကပှ့ၤက့ၤယသးလၢ တၢ်သံအစိကမီၤအပူၤလီၤ. အဂ့ၢ်ဒ်အံၤကတူၢ်လိာ်ယၤလီၤ. စ့လၤ

စံးထီၣ်ပတြၢၤ 86:13

နတၢ်အဲၣ်ဂၢၢ်ကျၢၤလၢယဂီၢ်အံၤဒိၣ်ဝဲဆံးဒိၣ်လဲၣ်. နအုၣ်က့ၤခီၣ်က့ၤတ့ၢ်လံယၤလၢ ပျုၤယိာ်အပူၤန့ၣ်လံ.

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

လံာ်ယိၤနါ 2:6

ယလဲၤလီၤဆူကစၢၢ်ဂံၢ်ထံး ကီၢ်လၢတြဲၤကးတံာ်ဃာ်အသးအစိၤစိၤ အဃၣ်ဃၣ်န့ၣ်လီၤ. ဘၣ်ဆၣ်နဲဒၣ်ယွၤယကစၢ်ဧၢ, နထုးထီၣ်ကွံာ်ယၤလၢတၢ်ယိာ်ပူၤဒီးမၤမူထီၣ်ယၤလီၤ.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 16:23

လၢပျုၤပူၤဖဲအဝဲဒၣ်ဘၣ်တူၢ်တၢ်နးမးန့ၣ်, အဝဲကွၢ်ထီၣ်တၢ်ဒီးထံၣ်စီၤအၤဘြၤဟၣ်လၢအယံၤ, အိၣ်ဒီးစီၤလါစရူးလၢအကပၤလီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 4:34

“အၣ်လါ, နအဲၣ်ဒိးမၤပှၤဒ်လဲၣ်. ပှၤနစၤရ့းဖိယ့ၣ်ၡူးဧၢ. နဟဲဖဲအံၤဒ်သိးနကမၤဟးဂီၤကွံာ်ပှၤဧါ. နမ့ၢ်မတၤလဲၣ်န့ၣ်ယသ့ၣ်ညါယဲလီၤ. နမ့ၢ်ယွၤအပှၤစိာ်တၢ်ကစီၣ်အစီအဆှံတဂၤလီၤ.”

လံာ်ယိၤဟၣ် 11:39

ယ့ၣ်ၡူးဟ့ၣ်လီၤအကလုၢ်ဒီးစံးဝဲ “သုးကွံာ်လၢၢ်န့ၣ် တက့ၢ်.” နီၢ်မၢ်သၤ, ပှၤလၢအသံတဂၤအဒီပုၢ်ဝဲၢ်မုၣ်စံးဆၢတၢ်ဒီး စံးဝဲ “ကစၢ်ဧၢ, ပှၤပာ်လီၤအီၤအိၣ်လွံၢ်သီလံအဃိကနၢအုၣ်လံလီၤ.”

မၤတၢ် 2:26

အန့ၣ်ဒီးယသးပှဲၤဒီးတၢ်သးခု, ယတၢ်စံးတၢ်ကတိၤတဖၣ်ပှဲၤဒီး တၢ်သူၣ်ဖှံသးညီလီၤ. ဒီးယဲဒၣ်ယမ့ၢ်ပှၤလၢအသံသ့သနာ်က့, ယကအိၣ်မံသူၣ်မံသးလၢတၢ်မုၢ်လၢ်အပူၤလီၤ.

မၤတၢ် 2:28

နဒုးနဲၣ်တ့ၢ်လံယၤကျဲတဖၣ်လၢအဆှၢပှၤဆူတၢ်မူ, ဒီးနတၢ်အိၣ်ဆိးဒီးယၤကမၤပှဲၤယသးဒီး တၢ်သူၣ်ဖှံသးညီလီၤ.’

မၤတၢ် 2:31

စီၤဒၤဝံးထံၣ်စိပာ်စၢၤတၢ်လၢကစၢ်ယွၤကမၤဝဲန့ၣ်သတးဒီး, အဝဲဒၣ်ကတိၤတၢ်ဘၣ်ဃးခရံာ်အတၢ်ဂဲၤဆၢထၢၣ်က့ၤလၢတၢ်သံ အဂ့ၢ်, ဖဲအစံးဝဲ, ‘အဝဲတဘၣ်တၢ်ပာ်တ့ၢ်ကွံာ်အီၤလၢ တၢ်သံအကီၢ်ပူၤဘၣ်. အနီၢ်ခိန့ၣ်တအုၣ်သံကျၣ်သံဝဲဘၣ်.’

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.

1 ကရံၣ်သူး 15:55

“တၢ်သံဘၣ်တၢ်မၤဟးဂီၤကွံာ်အီၤလံ. တၢ်မၤနၢၤလၢဝဲပှဲၤ ဝဲလံ. တၢ်သံဧၢ, နတၢ်မၤနၢၤအိၣ်ဖဲလဲၣ်. တၢ်သံဧၢ, နတၢ်စိတၢ်ကမီၤလၢနကမၤဆူးမၤဆါတၢ်န့ၣ်အိၣ်ဖဲ လဲၣ်.”

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 20:13

အန့ၣ်ဝံၤဒီး, ပီၣ်လဲၣ်ဟ့ၣ်ထီၣ်အပှၤသံတဖၣ်လီၤ. တၢ်သံဒီးပျုၤပူၤစ့ၢ်ကီးဟ့ၣ်ထီၣ်ပှၤသံလၢအဝဲသ့ၣ် ဟံးဃာ်တ့ၢ်ဝဲတဖၣ်လီၤ. ဒီးပှၤကိးဂၤဒဲးဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲအသိးန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.