မၤတၢ် 2:26 - Sgaw Karen Common Bible

²⁶ အန့ၣ်ဒီးယသးပှဲၤဒီးတၢ်သးခု, ယတၢ်စံးတၢ်ကတိၤတဖၣ်ပှဲၤဒီး တၢ်သူၣ်ဖှံသးညီလီၤ. ဒီးယဲဒၣ်ယမ့ၢ်ပှၤလၢအသံသ့သနာ်က့, ယကအိၣ်မံသူၣ်မံသးလၢတၢ်မုၢ်လၢ်အပူၤလီၤ.

မၤတၢ် 2:26 Iomraidhean Croise

စံးထီၣ်ပတြၢၤ 16:9

လၢတၢ်န့ၣ်အဃိ, ယသးပှဲၤဒီးတၢ်စံးဘျုးစံးဖှိၣ် ဒီးယသူၣ်ခုယသးခုယဲလီၤ. ဒီးယသ့ၣ်ညါလၢယပူၤဖျဲးလၢလၢပှဲၤပှဲၤလံန့ၣ်လီၤ.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 71:23

ယနိးဖံးကကိးထီၣ်လၢတၢ်သးခုလီၤ. တုၤယသးဝံၣ်စံးထီၣ်ပတြၢၤနၤန့ၣ်ဒီး, ယသးလၢနမၤပူၤဖျဲးတ့ၢ်စ့ၢ်ကီး သးဝံၣ်စံးထီၣ်ပတြၢၤနၤလီၤ.

မၤတၢ် 2:25

အဂ့ၢ်ဒ်အံၤ, စီၤဒၤဝံးစံးတ့ၢ်ဝဲဘၣ်ဃးဒီးအီၤ, ‘ယထံၣ်ကစၢ်လၢယမဲာ်ညါထီဘိ, အဝဲဒၣ်အိၣ်လၢယစုထွဲတခီသတးဒီး တၢ်မၤဟူးမၤဝးယၤတသ့နီတမံၤဘၣ်.

မၤတၢ် 2:27

အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.