မၤတၢ် 2:25 - Sgaw Karen Common Bible

²⁵ အဂ့ၢ်ဒ်အံၤ, စီၤဒၤဝံးစံးတ့ၢ်ဝဲဘၣ်ဃးဒီးအီၤ, ‘ယထံၣ်ကစၢ်လၢယမဲာ်ညါထီဘိ, အဝဲဒၣ်အိၣ်လၢယစုထွဲတခီသတးဒီး တၢ်မၤဟူးမၤဝးယၤတသ့နီတမံၤဘၣ်.

မၤတၢ် 2:25 Iomraidhean Croise

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

စံးထီၣ်ပတြၢၤ 110:5

ယွၤအိၣ်လၢနစုထွဲတခီလီၤ. လၢအသးထီၣ်အမုၢ်နံၤန့ၣ်အဝဲကမၤဟးဂီၤကွံာ် စီၤပၤတဖၣ်န့ၣ်လီၤ.

စံးထီၣ်ပတြၢၤ 21:7

အဂ့ၢ်ဒ်အံၤ, စီၤပၤသန့ၤအသးလၢယွၤ, သ့တၢ်လၢာ်ကစၢ် ဒီးတဟူးတဝးဘၣ်လၢ တၢ်ထီကတၢၢ်ယွၤ အတၢ်အဲၣ်ဂၢၢ်ကျၢၤအဃိန့ၣ်လီၤ.

စံးထီၣ်ပတြၢၤ 30:6

ဖဲယဘၣ်မုာ်ဘၣ်ခုၣ်အခါယစံးလီၤယသး, “ယတဘၣ်တၢ်မၤနၢၤမၤဃၣ်ယၤ နီတဘျီလၢၤဘၣ်.”

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 62:6

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်တဂၤဧိၤန့ၣ်လီၤ. ယတဟူးတဝးဘၣ်.

စံးထီၣ်ပတြၢၤ 73:23

မ့ၢ်နာ်သက့ဒ်န့ၣ်ဒီး, ယအိၣ်ဘူးဒီးနၤတထံၣ်ဃီ ဒီးနဟံးထီၣ်ယစုထွဲန့ၣ်လီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်ယိၤဟၣ် 16:32

တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.

မၤတၢ် 2:26

အန့ၣ်ဒီးယသးပှဲၤဒီးတၢ်သးခု, ယတၢ်စံးတၢ်ကတိၤတဖၣ်ပှဲၤဒီး တၢ်သူၣ်ဖှံသးညီလီၤ. ဒီးယဲဒၣ်ယမ့ၢ်ပှၤလၢအသံသ့သနာ်က့, ယကအိၣ်မံသူၣ်မံသးလၢတၢ်မုၢ်လၢ်အပူၤလီၤ.