မၤတၢ် 2:10 - Sgaw Karen Common Bible

¹⁰ ပှၤဖြူၤကံဖိ, ပှၤပၣ်ဖူၤလံဖိ, ပှၤအဲၤကူပတူးဖိ, ပှၤလံၤဘူဖိလၢအအိၣ်ဘူးဒီး ပှၤကူၤရ့ၤန့ဖိ, ဒီးပဝဲတနီၤပဟဲလၢဝ့ၢ်ရိမ့ၤဒီးပမ့ၢ်

မၤတၢ် 2:10 Iomraidhean Croise

လံာ်တၢ်ကဲထီၣ်အခီၣ်ထံး 12:10

ဘၣ်ဆၣ်ဒီး, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢကီၢ်ကနၤဧၣ်အပူၤ ဒီးတၢ်န့ၣ်အၢနးမးတုၤဒၣ်လဲာ်စီၤအၤဘြၣ်လဲၤယံၤထီၣ်ဆူ ကလံၤထံးဆူကီၢ်အဲၤကူပတူးလၢကအိၣ်ဝဲဖဲန့ၣ်တစိၢ်တလီၢ်အဂီၢ်န့ၣ်လီၤ.

လံာ်နီၢ်အ့ၤစတၢ် 8:17

ဖဲဒၣ်စီၤပၤအတၢ်ဘိးဘၣ်သ့ၣ်ညါဘၣ်တၢ်ဖးအီၤလၢကီၢ်ဆၣ် တဘ့ၣ်လၢ်လၢ်အပူၤဒီးဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိ မၤတၢ်သူၣ်ခုသးခုအနံၤသဘျ့လၢအအိၣ်ဒီးတၢ်အီၣ် တၢ်အီဒီးတၢ်သူၣ်ဖှံသးညီန့ၣ်လီၤ. အန့ၣ်ဒီးပှၤဂီၢ်မုၢ်အဂၤအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, ခဲအံၤအဝဲသ့ၣ်ပျံၤပှၤယူဒၤဖိန့ၣ်လီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယံးရမံယၤ 9:26

ကယဲၢ်ပှၤသ့ၣ်တဖၣ်အံၤခဲလၢာ်ဘၣ်တၢ်ကူးတရံးတ့ၢ်အီၤ, ဘၣ်ဆၣ်ဒီးအဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢ တၢ်ကူးတရံးအံၤမ့ၢ်အတၢ်ပနီၣ်န့ၣ်ဘၣ်. ပှၤဂီၢ်မုၢ်တဖၣ်အံၤဒီး အံၣ်စရ့လးအပှၤဂီၢ်မုၢ်တဖၣ်တတိၢ်န့ၢ်ဖံးဃာ်ဘၣ် ယတၢ်အၢၣ်လီၤအံၤနီတဖုနီတဂၤဘၣ်.”

လံာ်ယဃ့းစက့လး 30:5

တၢ်ဒုးအဝဲန့ၣ် ကမၤသံကွံာ်စ့ၢ်ကီးသုးဖိတဖၣ် လၢအဘၣ်တၢ်ဒိးလဲအီၤလၢ ကီၢ်ကူၤၡး, ကီၢ်လံးဘယၣ်, ကီၢ်အရ့ဘယၣ်, ကီၢ်လူၤဒံ, ကီၢ်ကူာ်ဒီးလၢယပှၤဂီၢ်မုၢ်ဒၣ်ယဲအကျါဒၣ်လဲာ်န့ၣ်လီၤ.”

လံာ်ဒၤနံးယ့လး 11:43

ကစိာ်ကွံာ်ဝဲကီၢ်အဲၤကူပတူးအတၢ်ထူးတၢ်တီၤတဖၣ်, ထူ, စ့ဒီးတၢ်လုၢ်ဒိၣ်ပှ့ၤဒိၣ်ခဲလၢာ်လၢတၢ်ခူသူၣ်အလီၢ်အပူၤန့ၣ်လီၤ. ဒီးကမၤနၢၤပှၤလံးဘယၣ်ဖိအကီၢ်ဒီးပှၤကူၤၡးဖိအကီၢ် န့ၣ်လီၤ.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်စကၤရယၤ 8:20

သ့တၢ်လၢာ်အယွၤစံးဝဲဒၣ်, “တၢ်ဆၢကတီၢ်ကဟဲတုၤဝဲဖဲ ပှၤဂီၢ်မုၢ်လၢဝ့ၢ်အါဝ့ၢ်ကဟဲဝဲဒၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်မးသဲ 2:15

အဝဲသ့ၣ်အိၣ်ဝဲဖဲန့ၣ်တုၤစီၤပၤဟ့ၤရိာ်သံတစုလီၤ. အဝဲသ့ၣ်ဘၣ်လဲၤဆူကီၢ်အဲၤကူပတူးမ့ၢ်ဒ်သိးယွၤ အတၢ်ကတိၤခီဖျိဝံတဂၤလၢအစံးဝဲ, “ယကိးန့ၢ်ယဖိခွါလၢကီၢ်အဲၤကူပတူး” ကလၢထီၣ်ပှဲၤထီၣ်ဝဲအဂီၢ်လီၤ(ဟိၤ. ၁၁:၁).

လံာ်မးသဲ 23:15

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, ဒ်သိးသုကမၤန့ၢ်ဘၣ်ပှၤတဂၤလၢအတမ့ၢ်ဘၣ်ပှၤယူဒၤဖိ ဆူသုတၢ်ဘူၣ်တၢ်ဘါအပူၤအဂီၢ်န့ၣ်, သုဒိးထီၣ်ကဘီဒီးခီပီၣ်လဲၣ်ပီၣ်တြီၤဒီးထံကီၢ်တဖၣ်လီၤ. ဒီးတုၤသုမၤအီၤန့ၢ်လံဒီး, သုဒုးကဲထီၣ်အီၤလၢပှၤတဂၤလၢအကြၢးလီၤဘၣ်ဆူလရာ်အပူၤ ဒိၣ်န့ၢ်ဒံးသုကစၢ်ဒၣ်သုဝဲခံစးန့ၣ်လီၤ.

လံာ်မးသဲ 27:32

ဖဲအဝဲသ့ၣ်ဟးထီၣ်ဆူဝ့ၢ်အချၢအဖၢမုၢ်န့ၣ်, အဝဲသ့ၣ်ထံၣ်န့ၢ်ပှၤကူၤရ့ၤန့ဖိတဂၤလၢအမံၤမ့ၢ်ဝဲစီၤၡံမိၣ်, ဒီးပှၤသုးဖိတဖၣ်မၢဆူၣ်အီၤလၢအကယိးယ့ၣ်ၡူးအထူၣ်စုညါ န့ၣ်လီၤ.

လံာ်မၢ်ကူး 15:21

ပှၤသုးဖိတဖၣ်မၢဆူၣ်ပှၤဟဲဘၣ်အတီၤတဂၤလၢအမ့ၢ်ပှၤကူၤရ့ၤ န့ဖိစီၤၡံမိၣ်လၢအဟဲလၢခိတခီ, လၢအကစိာ်ထီၣ်ဒီးယိးန့ၢ်ထူၣ်စုညါလၢယ့ၣ်ၡူးအဂီၢ်လီၤ. (စီၤၡံမိၣ်မ့ၢ်ဝဲစီၤအလ့းစၣ်ဒြူးဒီးစီၤရူဖၢးတဖၣ်အပၢ်လီၤ.)

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 13:13

စီၤပီလူးဒီးပှၤလဲၤဃုာ်တၢ်ဒီးအီၤတဖၣ်ဟးထီၣ်ဖဲဝ့ၢ်ပါပူး ဒီးဒိးကဘီဆူဝ့ၢ်ပ့ၢ်က့ၤဘၣ်ဃးကီၢ်ပၣ်ဖူၤလံန့ၣ်လီၤ. ဖဲန့ၣ်, စီၤယိၤဟၣ်မၢ်ကူးပာ်တ့ၢ်အဝဲသ့ၣ်ဒီးက့ၤက့ၤဝဲဆူဝ့ၢ် ယရူၤၡလ့ၣ်န့ၣ်လီၤ.

မၤတၢ် 13:43

ဒီးတၢ်အိၣ်ဖှိၣ်ဘါယွၤဝံၤအလီၢ်ခံန့ၣ်, ပှၤယူဒၤဖိအါဂၤဒီးပှၤကလုာ်ဂၤလၢအနုာ်လီၤတ့ၢ်ဆူယူဒၤ အတၢ်ဘူၣ်တၢ်ဘါအပူၤအါဂၤပိာ်ထီၣ်စီၤပီလူးဒီးစီၤဘၢ်နါဘၤ အခံလီၤ. ပှၤတၢ်မၢဖိတဖၣ်ကတိၤတၢ်ဒီးအဝဲသ့ၣ်ဒီးဟ့ၣ်ဆူၣ်ထီၣ် အဂံၢ်အဘါလၢအကအိၣ်မူဆူညါလၢတၢ်သန့ၤသးလၢကစၢ်ယွၤ အဘျုးအဖှိၣ်အပူၤအဂီၢ်န့ၣ်လီၤ.

မၤတၢ် 14:24

အဝဲသ့ၣ်လဲၤခီဂာ်ကီၢ်ပံၤစံၤဒံဝံၤအလီၢ်ခံ, လဲၤတုၤဝဲဖဲကီၢ်ပၣ်ဖူၤလံ န့ၣ်လီၤ.

မၤတၢ် 15:38

မ့မ့ၢ်စီၤပီလူးထံၣ်လၢအတကြၢးကိးအီၤဘၣ်, အဂ့ၢ်မ့ၢ်လၢအဝဲတလဲၤသကိးတ့ၢ်တၢ်ဒီးအဝဲသ့ၣ်တုၤလၢအတၢ်ဖံး တၢ်မၤဝံၤတစုဘၣ်, မ့မ့ၢ်က့ၤကဒါက့ၤဝဲဒီးပာ်တ့ၢ်အဝဲသ့ၣ်ဖဲကီၢ်ပၣ်ဖူၤလံ အဃိန့ၣ်လီၤ.

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 17:21

(အဂ့ၢ်ဒ်အံၤ, အၤသ့ၣ်အပှၤဝ့ၢ်ဖိဒီးပှၤထံဖိကီၢ်ဖိလၢ အအိၣ်ဖဲန့ၣ်ကိးဂၤဒဲးသးအိၣ်သူအဆၢကတီၢ်ခဲလၢာ်ခီဖျိ အတၢ်တဲသကိး, တၢ်ဒိကနၣ်သကိးတၢ်ဂ့ၢ်လီၤတိၢ်လီၤဆီလၢအပၢၢ်ထီၣ်သီ ဒီးပၢၢ်ထီၣ်လၢခံကတၢၢ်တဖၣ်န့ၣ်လီၤ.)

မၤတၢ် 18:2

ဖဲန့ၣ်အဝဲဒၣ်ထံၣ်လိာ်ပှၤယူဒၤဖိတဂၤလၢအမံၤမ့ၢ်စီၤအကူလၤ, အိၣ်ဖျဲၣ်ထီၣ်လၢဝ့ၢ်ပီၣ်တူးဒီးဟဲတုၤသီဒီးအမါနီၢ်ပြံစကံးလၤန့ၣ်လီၤ. အဝဲသ့ၣ်ဟးထီၣ်ကွံာ်လၢကီၢ်အံၤတလံမ့ၢ်လၢစီၤပၤဖးဒိၣ်ကျီၤဒံ ဟ့ၣ်လီၤတၢ်ကလုၢ်လၢပှၤယူဒၤဖိကိးဂၤဒဲးကဘၣ်ဟးထီၣ်ကွံာ် ဖဲဝ့ၢ်ရိမ့ၤအဃိန့ၣ်လီၤ. စီၤပီလူးလဲၤထံၣ်လိာ်အဝဲသ့ၣ်,

မၤတၢ် 18:23

အဝဲဒၣ်အိၣ်ဖဲန့ၣ်တစိၢ်တလီၢ်ဝံၤဟးထီၣ်ဝဲဒၣ်လီၤ. အဝဲလဲၤခီဂာ်တၢ်လီၢ်တၢ်ကျဲဖဲကီၢ်ကလၤတံဒီးကီၢ်ဖြူၤ ကံ, ဒီးဟ့ၣ်ဆူၣ်ထီၣ်အပျဲၢ်အဘီၣ်ဖဲန့ၣ်တဖၣ်အဂံၢ်အဘါလီၤ.

မၤတၢ် 2:11

ပှၤယူဒၤဖိဒီးပှၤကလုာ်ဂၤလၢအနုာ်လီၤဆူပှၤယူဒၤဖိအတၢ် ဘူၣ်တၢ်ဘါအပူၤ, ဒီးပဝဲဒၣ်တနီၤပမ့ၢ်ပှၤကြ့တ့ၤဖိဒီးပှၤဧ့ရ့းဖိတဖၣ်လီၤ. ဘၣ်ဆၣ်ဒီးပဝဲဒၣ်ကိးဂၤဒဲးပနၢ်ဟူဘၣ်အဝဲသ့ၣ်စံးကတိၤ တၢ်လၢပကျိာ်ဒၣ်ပဝဲ, ဘၣ်ဃးတၢ်မၤအဒိၣ်အမုၢ်တဖၣ်လၢ ကစၢ်ယွၤမၤတ့ၢ်လံဝဲန့ၣ်လီၤ.”

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 27:5

ပလဲၤခီဂာ်ကီၢ်ကံၤလံၤကံဒီးကီၢ်ပၣ်ဖူၤလံအကၢၢ်ခိၣ် ဒီးလဲၤတုၤဖဲဝ့ၢ်မူရၤဘၣ်ဃးဒီးကီၢ်လူၤကံန့ၣ်လီၤ.

မၤတၢ် 28:15

ဒီပုၢ်ဝဲၢ်ပှၤစူၢ်က့ၤနာ်က့ၤတၢ်ဖဲဝ့ၢ်ရိမ့ၤတဖၣ်နၢ်ဟူဘၣ်ပဂ့ၢ်ပကျိၤ ဒီးဟဲအိၣ်ခိးပခိၣ်တုၤလၢဝ့ၢ်လၢအမံၤမ့ၢ်အးပံပရူးအဖၠါပူၤဒီးပှၤ သမှံၤအဘျီၣ်သၢဖျၢၣ်န့ၣ်လီၤ. ဖဲစီၤပီလူးထံၣ်အဝဲသ့ၣ်န့ၣ်, အဝဲဒၣ်စံးဘျုးစံးဖှိၣ်ကစၢ်ယွၤဒီးအသးအဂံၢ်အဘါဆူၣ် ထီၣ်ဝဲဒိၣ်မးန့ၣ်လီၤ.

မၤတၢ် 6:5

ပှၤတၢ်မၢဖိတဖၣ်အတၢ်ဟ့ၣ်ကူၣ်ဟ့ၣ်ဖးန့ၣ်ပှၤဒီဖုညါဘၣ် သူၣ်ဘၣ်သးဝဲဒိၣ်မးသတးဒီး, အဝဲသ့ၣ်ဃုထၢထီၣ်ဝဲစီၤစတ့းဖၣ်, ပှၤတဂၤလၢအလၢပှဲၤဒီးတၢ်စူၢ်တၢ်နာ်ဒီးသးစီဆှံ, ဒီးဃုထၢထီၣ်စ့ၢ်ကီးဝဲ စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပှၤအၣ်တံၤအီာ်ဖိစီၤနံၤကလါလၢအနုာ်လီၤဆူ ပှၤယူဒၤဖိအတၢ်ဘူၣ်တၢ်ဘါအပူၤတဖၣ်န့ၣ်လီၤ.

မၤတၢ် 6:9

ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

ရိမ့ၤ 1:15

လၢတၢ်န့ၣ်အဃိ, ယသးဆူၣ်စံၣ်တဲၤတဲလီၤတၢ်သးခုကစီၣ်လၢ သုဝဲလၢအအိၣ်လၢဝ့ၢ်ရိမ့ၤအပူၤတဖၣ်အဂီၢ်စ့ၢ်ကီးန့ၣ်လီၤ.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

၂ တံၤမသ့း 1:17

မ့မ့ၢ်, တုၤအဟဲတုၤလၢဝ့ၢ်ရိမ့ၤတဘျီဃီစးထီၣ်ဃုယၤ တုၤအထံၣ်ယၤတစုန့ၣ်လီၤ.

လံာ်လီၣ်ဖျါ 11:8

ဒီးအဝဲသ့ၣ်အစိၣ်ကအိၣ်မံလီၤလၢဝ့ၢ်ဖးဒိၣ်တဖျၢၣ်ဖဲ အကစၢ်ဘၣ်တၢ်ပျၤထီအီၤလၢထူၣ်စုညါအလိၤန့ၣ် အကျဲမုၢ်ခိၣ်လီၤ. ဝ့ၢ်တဖျၢၣ်န့ၣ်အမံၤလၢအပာ်ဖျါထီၣ်တၢ်ခီဖျိ တၢ်အဒိအတဲာ်မ့ၢ်ဝဲစဒိၣ်, မ့တမ့ၢ်အဲၤကူပတူးလီၤ.