မၤတၢ် 2:1 - Sgaw Karen Common Bible

¹ ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 2:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 34:22

တိၢ်န့ၢ်ဖံးဃာ်တၢ်ကူးဘုကတီၢ်အမူးဖဲသုစးထီၣ်ကူးဘုကၠူၣ် အဆိကတၢၢ်ဒီးတိၢ်န့ၢ်ဖံးဃာ်ဘူၣ်ဒဲဖဲသုပာ်ဖှိၣ်သုတၤသၣ် တဖၣ်လၢတၢ်ကိၢ်အကတီၢ်န့ၣ်တက့ၢ်.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်စဖါနယၤ 3:9

အန့ၣ်တစု, ယကလဲလိာ်ကွံာ်ပှၤကလုာ်တဖၣ်အပှၤဂီၢ်မုၢ်, ဒီးအဝဲသ့ၣ်ကဃ့ထီၣ်တၢ်ထဲဆူယၤတဂၤလီၤ. ဒီးဆူကစၢ်အဂၤတဖၣ်အအိၣ်န့ၣ်တဃ့လၢၤတၢ်ဘၣ်န့ၣ်လီၤ. အဝဲသ့ၣ်ခဲလၢာ်ကစူၢ်ယၤလီၤ.

မၤတၢ် 1:5

စီၤယိၤဟၣ်ဘျၢပှၤလၢထံ, မ့မ့ၢ်လၢစှၤနံၤစှၤသီအတီၢ်ပူၤန့ၣ်, သုကဘၣ်တၢ်ဘျၢသုလၢသးစီဆှံန့ၣ်လီၤ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

မၤတၢ် 4:24

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူဝဲဒီး, အဝဲသ့ၣ်ဃ့ထုကဖၣ်ယွၤလၢသးတဖျၢၣ်ဃီဒီးစံးဝဲ, “ကစၢ်လၢအပၢဘၣ်တၢ်ခဲလၢာ်, ယွၤလၢအတ့လီၤပာ်လီၤမူကပိာ်လိၤ, ဟီၣ်ခိၣ်, ပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲလၢာ်, တဂၤဧၢ,

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

မၤတၢ် 5:12

ပှၤတၢ်မၢဖိတဖၣ်မၤတၢ်လီၤလးဒီးတၢ်ပနီၣ်လီၤလးအါမံၤလၢပှၤသ့ၣ် တဖၣ်အကျါလီၤ. ပှၤစူၢ်က့ၤနာ်က့ၤတၢ်တဖၣ်ညီနုၢ်အိၣ်ဖှိၣ်ရိဖှိၣ်သကိး တပူၤဃီဖဲစီၤၡလိၤမိၤအတၢ်ဒုးခိၣ်အဖီလာ်န့ၣ်လီၤ.

ရိမ့ၤ 15:6

ဒ်သိးသုဝဲခဲလၢာ်, သုကစံးထီၣ်ပတြၢၤကစၢ်ယွၤဒီးပကစၢ် ယ့ၣ်ၡူးခရံာ်အပၢ်, လၢသုသးတဖျၢၣ်ဃီအပူၤအဂီၢ်န့ၣ်တက့ၢ်.

1 ကရံၣ်သူး 16:8

ယကအိၣ်ယဲဖဲအံၤလၢဝ့ၢ်အ့းဖ့းစူး, တုၤလီၤလၢဘူၣ်ယဲၢ်ဆံ အမုၢ်နံၤတစုလီၤ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 2:2

လၢတၢ်န့ၣ်အဃိ, ယသဆၣ်ထီၣ်သုခံလၢသုကဒုးသူၣ်ခုသးခုယၤလၢာ်လၢာ် ဆ့ဆ့ခီဖျိသုအိၣ်ဒီးတၢ်ဆိကမိၣ်တမံၤဃီ, တၢ်အဲၣ်တၢ်ကွံ တမံၤဃီ, အိၣ်ဒီးသုသးတဖျၢၣ်ဃီဒီးဆိကမိၣ်တၢ်တမံၤဃီန့ၣ်လီၤ.