မၤတၢ် 19:8 - Sgaw Karen Common Bible

⁸ လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

မၤတၢ် 19:8 Iomraidhean Croise

မၤတၢ် 1:3

အဝဲဒၣ်တူၢ်သံအသးဒီးဂဲၤဆၢထၢၣ်သမူထီၣ်က့ၤဝံၤအလီၢ် ခံလၢအသီလွံၢ်ဆံအတီၢ်ပူၤန့ၣ်, လီၣ်ဖျါထီၣ်အသးတဘျုးဘျီလၢအပျဲၢ်အဘီၣ်တဖၣ်အမဲာ်ညါ ဒီးစံးဘၣ်တဲဘၣ်အဝဲသ့ၣ်ဘၣ်ဃးယွၤအဘီမုၢ်အဂ့ၢ်န့ၣ်လီၤ. အပျဲၢ်အဘီၣ်တဖၣ်ထံၣ်ဘၣ်အီၤဒီးအဝဲသ့ၣ်အသးတဒ့ဒီဘၣ် လၢအဝဲဒၣ်မူဝဲနီၢ်နီၢ်အဂ့ၢ်န့ၣ်ဘၣ်လီၤ.

မၤတၢ် 13:14

အဝဲသ့ၣ်ဟးထီၣ်လၢဝ့ၢ်ပ့ၢ်က့ၤဒီးလဲၤတုၤလၢဝ့ၢ်အၣ် တံၤအီာ်ဘၣ်ဃးဒီးကီၢ်ပံၤစံၤဒံ, ဒီးဖဲမုၢ်အိၣ်ဘှံးအနံၤန့ၣ်, လဲၤနုာ်လီၤလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီးဆ့ၣ်နီၤ ဝဲလီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 14:1

ဖဲဝ့ၢ်အံၤကနံၤန့ၣ်, အဝဲသ့ၣ်လဲၤဆူပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်ဒ်အမၤတ့ၢ်ဝဲလၢဝ့ၢ်အၣ်တံၤအီာ်အသိးန့ၣ်လီၤ. အဝဲသ့ၣ်ကတိၤတၢ်တုၤလီၤတီၤလီၤတုၤဒၣ်လဲာ်, ပှၤယူဒၤဖိဒီးပှၤကြံးခ်ဖိအါဒံအါဂၤစူၢ်က့ၤနာ်က့ၤတၢ်န့ၣ်လီၤ.

မၤတၢ် 17:17

လၢတၢ်န့ၣ်အဃိ, အဝဲကတိၤဂ့ၢ်လိာ်ဘှီလိာ်တၢ်ဒီးပှၤယူဒၤ ဖိဒီးပှၤအဲၣ်ထူအဲၣ်ယွၤတဖၣ်ဖဲဘူၣ်ဘျီၣ်လၢအမ့ၢ်တၢ်ဘါ အလီၢ်အပူၤ, ဒီးကတိၤဂ့ၢ်လိာ်ဘှီလိာ်စ့ၢ်ကီးတၢ်ကိးနံၤဒဲးဒီးပှၤလၢ အလဲၤဘၣ်အတီၤဖဲဖၠါပူၤတဖၣ်န့ၣ်လီၤ.

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 18:26

အဝဲကတိၤထီၣ်တၢ်ဒူဒူလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤ လီၤ. ဖဲနီၢ်ပြံစကံးလၤဒီးစီၤအကူလၤနၢ်ဟူဘၣ်အဝဲဒၣ်ကတိၤ တၢ်န့ၣ်, က့ၤကိးအီၤဆူအဟံၣ်, တဲဖျါန့ၢ်အီၤကစၢ်ယွၤအကျဲဒ်သိးအကနၢ်ပၢၢ်ဝဲလီၤတံၢ်ဒိၣ်န့ၢ် အလီၢ်တက့ၢ်လီၤ.

မၤတၢ် 18:4

ပှၤယူဒၤဖိအမုၢ်အိၣ်ဘှံးနံၤကိးဘျီဒဲးန့ၣ်, အဝဲဒၣ်ကတိၤဂ့ၢ်လိာ်ဘှီလိာ်တၢ်ဖဲဘူၣ်ဘျီၣ်လၢအမ့ၢ်တၢ်ဘါ အလီၢ်, ဒီးဂုာ်ကျဲးစၢးဝဲဒ်သိးပှၤယူဒၤဖိဒီးပှၤကြံးခ်ဖိ ခံဖုလၢာ်ကနာ်တၢ်အဂီၢ်လီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:7

အဝဲသ့ၣ်အနီၣ်ဂံၢ်အိၣ်ဝဲခဲလၢာ်တဆံခံဂၤဃၣ်ဃၣ်လီၤ.

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.