မၤတၢ် 19:5 - Sgaw Karen Common Bible

⁵ တုၤအဝဲသ့ၣ်နၢ်ဟူဘၣ်တၢ်ကတိၤအဝဲအံၤန့ၣ်, အဝဲသ့ၣ်ဘၣ်တၢ်ဘျၢအီၤလၢကစၢ်ယ့ၣ်ၡူးအမံၤအပူၤန့ၣ်လီၤ.

မၤတၢ် 19:5 Iomraidhean Croise

မၤတၢ် 10:48

လၢတၢ်န့ၣ်အဃိအဝဲဒၣ်မၤလိာ်အဝဲသ့ၣ်ဒ်သိးအကဒိးစူၢ် ဒိးဘျၢအသးလၢယ့ၣ်ၡူးခရံာ်အမံၤန့ၣ်လီၤ. အဝဲအံၤဝံၤအလီၢ်ခံအဝဲသ့ၣ်မၢအဝဲဒၣ်အိၣ်ဒီးအီၤစှၤနံၤစှၤသီလီၤ.

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 8:12

ဘၣ်ဆၣ်ဒီးတုၤအဝဲသ့ၣ်စူၢ်က့ၤနာ်က့ၤတၢ်သးခုအကစီၣ် လၢစီၤဖံလံးပူးစံၣ်တဲၤတဲလီၤဝဲဘၣ်ဃးကစၢ်ယွၤအဘီအမုၢ်ဒီး ယ့ၣ်ၡူးခရံာ်အဂ့ၢ်န့ၣ်, အဝဲသ့ၣ်ဒိးဘျၢအသးလၢထံ, မုၣ်မုၣ်ခွါခွါန့ၣ်လီၤ.

မၤတၢ် 8:16

အဂ့ၢ်မ့ၢ်လၢသးစီဆှံတဟဲလီၤလၢအဝဲသ့ၣ်နီတဂၤအလိၤဒံးဘၣ်. မ့ၢ်ဒၣ်အဝဲသ့ၣ်ဘၣ်တၢ်ဘျၢအီၤလၢထံလၢကစၢ်ယ့ၣ်ၡူးအမံၤ အပူၤဧိၤလီၤ.

1 ကရံၣ်သူး 10:2

လၢတၢ်အၢၣ်အပူၤ, ဒီးလၢပီၣ်လဲၣ်အပူၤန့ၣ် အဝဲသ့ၣ်ကိးဂၤဒဲးဘၣ်တၢ်ဒိးဘျၢအီၤ ဒ်ပှၤပိာ်စီၤမိၤၡ့အခံတဖၣ်အသိးလီၤ.