မၤတၢ် 19:33 - Sgaw Karen Common Bible

³³ ပှၤတနီၤဆိကမိၣ်လၢစီၤအလ့းစၣ်ဒြူးဘၣ်ထွဲလၢတၢ်ဂ့ၢ် အံၤမ့ၢ်လၢပှၤယူဒၤဖိတဖၣ်ဆီၣ်ထီၣ်အီၤဆူတၢ်မဲာ်ညါ အဃိန့ၣ်လီၤ. တုၤနုၤတစုစီၤအလ့းစၣ်ဒြူးယူာ်ထီၣ်အစု, ဒီးဝံၢ်ဝၢ်ဝဲဆူကမျၢၢ်အအိၣ်, ဒီးဂုာ်ကျဲးစၢးတဲနၢ်ပၢၢ်အဝဲသ့ၣ်လၢတၢ်ဂ့ၢ်တၢ်ကျိၤန့ၣ်လီၤ.

မၤတၢ် 19:33 Iomraidhean Croise

လံာ်လူၤကၣ် 1:22

ဖဲအဝဲဒၣ်ဟဲက့ၤထီၣ်ဆူခိန့ၣ်, ကတိၤတၢ်ဒီးအဝဲသ့ၣ်တသ့ဘၣ် သတးဒီးအဝဲသ့ၣ်သ့ၣ်ညါလၢအဝဲဒၣ်ထံၣ်ဘၣ်တ့ၢ်တၢ်ထံၣ်လၢညါ ခီလၢတၢ်လုၢ်ဟံၣ်အပူၤန့ၣ်လီၤ. မ့ၢ်လၢအဝဲဒၣ်ကတိၤတၢ်လၢအထးခိၣ်တသ့ဝဲနီတဘီအဃိ ကတိၤတၢ်ဒီးအဝဲသ့ၣ်ခီဖျိအဒုးနဲၣ်မၤဟူးမၤဂဲၤအစုန့ၣ်လီၤ.

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 13:16

သတးဒီးစီၤပီလူးဂဲၤဆၢထၢၣ်, ဒုးနဲၣ်အစုဒီးစးထီၣ်ကတိၤတၢ်လီၤ. “ဒီပုၢ်ဝဲၢ်ပှၤအံၣ်စရ့လးဖိဒီးပှၤကလုာ်ဂၤဖဲအံၤခဲလၢာ်လၢ အဘူၣ်ထီၣ်ဘါထီၣ်ကစၢ်ယွၤသ့ၣ်သုဧၢ, ဒိကနၣ်တက့ၢ်.

မၤတၢ် 19:34

ဘၣ်ဆၣ်ဒီးဖဲအဝဲသ့ၣ်သ့ၣ်ညါလၢအဝဲဒၣ်မ့ၢ်ပှၤယူဒၤဖိတဂၤန့ၣ်, လၢခံနၣ်ရံၣ်အတီၢ်ပူၤအဝဲသ့ၣ်ခဲလၢာ်ကိးပသူထီၣ်ဃူဃူဒီးစံးဝဲ, “ဝ့ၢ်အ့းဖ့းစူးအနီၢ်အၢ်တ့းမံၤန့ၣ်မ့ၢ်အဒိၣ်နီၢ်မးလီၤ.”

မၤတၢ် 21:40

ပှၤသုးဖိတကထိအခိၣ်ဟ့ၣ်လီၤအခွဲးသတးဒီး, စီၤပီလူးဆၢထၢၣ်ဖဲဃီအခိၣ်ထိးဒီးဝံၢ်ဝၢ်အစုဆူပှၤဂီၢ် မုၢ်တဖၣ်အအိၣ်လီၤ. ဖဲအဝဲသ့ၣ်အိၣ်ဘှီၣ်လံန့ၣ်, စီၤပီလူးကတိၤတၢ်ဒီးအဝဲသ့ၣ်လၢဧ့ၤဘြံၤအကျိာ်လီၤ.

မၤတၢ် 24:10

တုၤနုၤတစု, ပဒိၣ်ဖးဒိၣ်ဟ့ၣ်တၢ်ပနီၣ်လၢစီၤပီလူးကကတိၤ တၢ်ဒီးအဝဲဒၣ်စံးဝဲ, “ယသ့ၣ်ညါလၢနကဲတ့ၢ်စံၣ်ညီၣ်ကွီၢ်အါနံၣ်အါလါလၢပှၤ တကလုာ်အံၤအဖီခိၣ်, ဒီးလၢတၢ်န့ၣ်အဃိ, ယသးခုလၢယကကတိၤဒီဒၣ်ဘၣ်ယသးလၢနမဲာ်ညါန့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

၁ တံၤမသ့း 1:20

လၢအဝဲသ့ၣ်အကျါမ့ၢ်စီၤဟူၤမ့းနဲဒီးစီၤအလ့းစၣ်ဒြူးလၢ ယစံၣ်ညီၣ်တ့ၢ်ဒီးဟ့ၣ်လီၤကွံာ်အီၤဆူမုၣ်ကီၤလံၢ်အစုပူၤ, ဒ်သိးတၢ်အံၤကကဲထီၣ်တၢ်သိၣ်လိအဝဲသ့ၣ်လၢကဆိကတီၢ် အတၢ်ကတိၤတရီတပါယွၤအဂီၢ်န့ၣ်လီၤ.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.