မၤတၢ် 19:32 - Sgaw Karen Common Bible

³² ဖဲဆၢကတီၢ်အဝဲအံၤန့ၣ်, ပှၤပာ်ဖှိၣ်အသးတဖၣ်တြၢဝဲတြးဝဲ ဒီဖုဒီဂီၢ်လီၤ. ပှၤတနီၤကိးပသူထီၣ်တၢ်ဂ့ၢ်တမံၤ, မ့မ့ၢ်အဂၤတနီၤကိးပသူထီၣ်တၢ်ဂ့ၢ်တမံၤဒၣ်လီၤ. အဂ့ၢ်ဒ်အံၤ, အဝဲသ့ၣ်အါဒၣ်တၢ်တက့ၢ်တသ့ၣ်ညါဒၣ်လဲာ်အဟဲပာ်ဖှိၣ်ထီၣ် အသးလၢမနုၤအဂ့ၢ်လဲၣ်န့ၣ်ဘၣ်လီၤ.

မၤတၢ် 19:32 Iomraidhean Croise

မၤတၢ် 19:29

တၢ်တၢထီၣ်တၢလီၤအဝဲအံၤဘၣ်ကူဘၣ်ဂာ်ဝ့ၢ်ဒီဝ့ၢ်ညါလီၤ. ကမျၢၢ်အအၢအသီတဖုအံၤစှီၤဃာ်စီၤကါယူးဒီးစီၤအရံစတၢ်ဃူး, ပှၤမၤက့းဒနံဖိခံဂၤလၢအလဲၤဃုာ်တၢ်ဒီးစီၤပီလူး, ဒီးဃ့ၢ်တွံၢ်ဃုာ်အဝဲသ့ၣ်ဆူတၢ်ဒုးနဲၣ်တၢ်အဘျီၣ်အပူၤန့ၣ်လီၤ.

မၤတၢ် 19:31

ကီၢ်အၤစံအပှၤခိၣ်ပှၤနၢ်တနီၤလၢအမ့ၢ်စီၤပီလူးအတံၤသကိးတဖၣ်, ဆှၢလီၤတၢ်ကစီၣ်ဆူအအိၣ်ဒီးဃ့ကညးအီၤဒ်သိးအသုတပာ် ဖျါထီၣ်အသးဖဲတၢ်ဒုးနဲၣ်တၢ်အဘျီၣ်တဂ့ၤန့ၣ်လီၤ.

မၤတၢ် 19:40

တၢ်ဘၣ်ယိၣ်အလီၢ်အိၣ်ဝဲလၢပှၤရိမ့ၤဖိကပာ်တၢ်ကမၣ်ထီဒါပှၤ ဒီးစံးလၢပဒုးအိၣ်ထီၣ်တၢ်တၢထီၣ်တၢလီၤ, မ့ၢ်လၢတၢ်မၤအသးတနံၤအံၤအဃိလီၤ. ပကတိၤပူၤဖျဲးပသးလၢတၢ်တၢထီၣ်တၢလီၤအဒိၣ်အမုၢ်ထဲသိးအံၤ တမံၤအဂ့ၢ်အံၤတသ့နီတစဲးဘၣ်. ဒီးတၢ်ဂ့ၢ်အကြၢးအဘၣ်လၢပကဟ့ၣ်ထီၣ်အဂီၢ်တအိၣ်နီ တမံၤဘၣ်.

မၤတၢ် 21:34

ပှၤတနီၤလၢပှၤကမျၢၢ်အကျါကိးပသူထီၣ်တၢ်တမံၤ, ဒီးအဂၤတဖၣ်ကိးထီၣ်ဝဲတမံၤဒၣ်လီၤ. တၢ်သဘံၣ်ဘုၣ်အိၣ်ဝဲတုၤဒၣ်လဲာ်တၢ်မၤအသးနီၢ်နီၢ်မ့ၢ်တၢ်မနုၤ လဲၣ်န့ၣ်, ပှၤသုးဖိတကထိအခိၣ်ဃုသ့ၣ်ညါဝဲတဘၣ်ဘၣ်. လၢတၢ်န့ၣ်အဃိအဝဲဟ့ၣ်လီၤအကလုၢ်လၢအပှၤတဖၣ်ကက့ၤ ကိးစီၤပီလူးဆူသုးဖိအိၣ်တၢ်အလီၢ်, တိာ်ပူၤန့ၣ်လီၤ.