မၤတၢ် 19:29 - Sgaw Karen Common Bible

²⁹ တၢ်တၢထီၣ်တၢလီၤအဝဲအံၤဘၣ်ကူဘၣ်ဂာ်ဝ့ၢ်ဒီဝ့ၢ်ညါလီၤ. ကမျၢၢ်အအၢအသီတဖုအံၤစှီၤဃာ်စီၤကါယူးဒီးစီၤအရံစတၢ်ဃူး, ပှၤမၤက့းဒနံဖိခံဂၤလၢအလဲၤဃုာ်တၢ်ဒီးစီၤပီလူး, ဒီးဃ့ၢ်တွံၢ်ဃုာ်အဝဲသ့ၣ်ဆူတၢ်ဒုးနဲၣ်တၢ်အဘျီၣ်အပူၤန့ၣ်လီၤ.

မၤတၢ် 19:29 Iomraidhean Croise

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 16:12

စးထီၣ်ဖဲန့ၣ်ပလဲၤတၢ်လၢခိအကျဲဆူဝ့ၢ်ဖံလံးပံၤ, လၢအမ့ၢ်ဝ့ၢ်တဝ့ၢ်လၢအဘၣ်ဃးဒီးကီၢ်မၤက့းဒနံအကီၢ်ဆၣ်အဆိကတၢၢ်တဘ့ၣ်, လၢအအိၣ်လၢရိမ့ၤအတၢ်ပၢအဖီလာ်န့ၣ်လီၤ. ပအိၣ်ပဝဲစှၤနံၤစှၤသီဖဲန့ၣ်လီၤ.

မၤတၢ် 16:9

နၤအဝဲန့ၣ်, စီၤပီလူးဒိးန့ၢ်ဘၣ်တၢ်ထံၣ်လၢညါခီတမံၤဒီး လၢတၢ်ထံၣ်လၢညါခီအပူၤန့ၣ်, အဝဲထံၣ်ဘၣ်ပှၤကီၢ်မၤက့းဒနံဖိတဂၤဆၢထၢၣ်ဒီးဃ့ကညး အီၤဒီးစံး, “ဟဲခီဂာ်ဆူကီၢ်မၤက့းဒနံဒီးမၤစၢၤပှၤတက့ၢ်.”

မၤတၢ် 17:8

တၢ်ကတိၤသ့ၣ်တဖၣ်အံၤဒုးအိၣ်ထီၣ်တၢ်ဘၣ်ယိၣ်ဘၣ်ဘီ လၢပှၤဂီၢ်မုၢ်ဒီးပှၤခိၣ်ပှၤနၢ်တဖၣ်အသိးအကျါလီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 19:22

လၢတၢ်န့ၣ်အဃိ, အဝဲဒၣ်ဆှၢလီၤစီၤတံၤမသ့းဒီးစီၤအ့ရၤစတူး, ပှၤလၢအမၤစၢၤအီၤအကျါခံဂၤန့ၣ်ဆူကီၢ်မၤက့းဒနံ, ဖဲအဝဲအနီၢ်ကစၢ်တခီအိၣ်ဒံးဝဲဖဲကီၢ်အၤစံတစိၢ်တလီၢ်န့ၣ်လီၤ.

မၤတၢ် 19:32

ဖဲဆၢကတီၢ်အဝဲအံၤန့ၣ်, ပှၤပာ်ဖှိၣ်အသးတဖၣ်တြၢဝဲတြးဝဲ ဒီဖုဒီဂီၢ်လီၤ. ပှၤတနီၤကိးပသူထီၣ်တၢ်ဂ့ၢ်တမံၤ, မ့မ့ၢ်အဂၤတနီၤကိးပသူထီၣ်တၢ်ဂ့ၢ်တမံၤဒၣ်လီၤ. အဂ့ၢ်ဒ်အံၤ, အဝဲသ့ၣ်အါဒၣ်တၢ်တက့ၢ်တသ့ၣ်ညါဒၣ်လဲာ်အဟဲပာ်ဖှိၣ်ထီၣ် အသးလၢမနုၤအဂ့ၢ်လဲၣ်န့ၣ်ဘၣ်လီၤ.

မၤတၢ် 20:34

သုနီၢ်ကစၢ်ဒၣ်သုဝဲသုသ့ၣ်ညါလၢယဖံးတၢ်မၤတၢ်လၢယစု ဒၣ်ယဲ, ဒီးမၤန့ၢ်တၢ်ခဲလၢာ်လၢယတံၤသကိးဒီးယၤပန့ၢ်ဘၣ် အလီၢ်အိၣ်တဖၣ်လီၤ.

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

မၤတၢ် 21:30

တၢ်တၢထီၣ်တၢလီၤဝဲလၢဝ့ၢ်ဒီဖျၢၣ်ညါ, ဒီးပှၤဂီၢ်မုၢ်တဖၣ်ဃ့ၢ်ဖှိၣ်ဝဲဆူစီၤပီလူးအအိၣ်, စှီၤဃာ်အီၤဒီးတွံၢ်ထီၣ်ကွံာ်အီၤဆူတၢ်လုၢ်ဟံၣ်အချၢလီၤ. တဘျီဃီဖဲန့ၣ်, တၢ်လုၢ်ဟံၣ်အတြဲၤတဖၣ်ဘၣ် တၢ်ကးတံာ်ဃာ်အီၤလီၤ.

မၤတၢ် 21:38

မ့မ့ၢ်ဒ်န့ၣ်ဒီး, နတမ့ၢ်ပှၤအဲၤကူပတူးဖိ, လၢအပူၤကွံာ်တယံာ်ဒံးဘၣ်န့ၣ်ဒုးအိၣ်ထီၣ်တၢ်ပူထီၣ်လီထီၣ် ဒီးဆှၢထံဂ့ၢ်ကီၢ်ဂ့ၢ်အပှၤအၢပှၤသီအဂၤလွံၢ်ကထိဆူပှၢ် မုၢ်ကနၢန့ၣ်ဘၣ်သၢၣ်.”

မၤတၢ် 27:2

ပဒိးထီၣ်ကဘီလၢအဟဲလၢဝ့ၢ်အဒြၤမူးတ့ၣ်တဘ့ၣ်လၢအအိၣ် ကတဲာ်ကတီၤအသးဒ်သိးအကဟးထီၣ်ဒီးလဲၤဆူဝ့ၢ်အိၣ်လၢကီၢ် အၤစံအသရ့ၤတဖၣ်န့ၣ်လီၤ. ပှၤသ့းစၤလနံဖိလၢအဘၣ်ဃးဒီးကီၢ်မၤက့းဒနံစီၤအရံ စတၢ်ဃူးတဂၤလဲၤဃုာ်တၢ်ဒီးပှၤလီၤ.

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.

1 ကရံၣ်သူး 1:14

ယစံးဘျုးကစၢ်ယွၤလၢယတဘျၢဘၣ်သုဝဲအဂၤနီတဂၤဘၣ် ဒီးယဘျၢဘၣ်ထဲစီၤကြံစပူၤဒီးစီၤကါယူးအဃိန့ၣ်လီၤ.

1 ကရံၣ်သူး 4:9

အဂ့ၢ်ဒ်အံၤ, အိၣ်ဖျါဘၣ်ယၤလၢကစၢ်ယွၤဟ့ၣ်တ့ၢ်ပဝဲပှၤတၢ်မၢဖိ တဖၣ်, တၢ်လီၢ်လၢခံကတၢၢ်ဒ်ပှၤတဖၣ်လၢအဒိးဘၣ်တၢ်စံၣ်ညီၣ် ဘၢသံအီၤလၢပှၤဂီၢ်မုၢ်ဂီၢ်ပၤအမဲာ်ညါ, ဒ်သိးအကကဲထီၣ်တၢ်ကွၢ်ကီအလီၢ်လၢဟီၣ်ခိၣ်ဒီဘ့ၣ်, မူခိၣ်ကလူးခဲလၢာ်, ဒီးပှၤဟီၣ်ခိၣ်ဖိခဲလၢာ်အမဲာ်ညါအဂီၢ်န့ၣ်လီၤ.

၂ ကရံၣ်သူး 8:19

ဒီးလၢတၢ်ဝဲန့ၣ်အမဲာ်ညါ, အဝဲဘၣ်တၢ်ဃုထၢထီၣ်တ့ၢ်အီၤလၢတၢ်အိၣ်ဖှိၣ် တဖၣ်ဒ်သိးအကလဲၤတၢ်က့ၤတၢ်ဒီးပှၤ, ဖဲပစိာ်တၢ်အဲၣ်တၢ်ကွံအတၢ်ဖံးတၢ်မၤတမံၤအံၤ လၢကစၢ်ယွၤအလၤကပီၤအဂီၢ်ဒီးဒ်သိးပကပာ်ဖျါ ပတၢ်သးအိၣ်မၤစၢၤတၢ်အဆၢကတီၢ်န့ၣ်လီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၃ ယိၤဟၣ် 1:1

လၢပှၤသးပှၢ်, ဆူစီၤကါယူးသးဘိ, ပှၤလၢယအဲၣ်ဘၣ်အီၤလၢတၢ်အဲၣ်နီၢ်နီၢ် တဂၤအအိၣ်,