မၤတၢ် 19:27 - Sgaw Karen Common Bible

²⁷ လၢတၢ်န့ၣ်အဃိ, တၢ်လီၤဘၣ်ယိၣ်အိၣ်လၢပတၢ်ဖံးတၢ်မၤတမံၤအံၤအမံၤကဟးဂီၤ န့ၣ်လီၤ. တကးဒံးဘၣ်, တၢ်ဘၣ်ယိၣ်အလီၢ်အိၣ်စ့ၢ်ကီးလၢကစၢ်မုၣ်နီၢ်အၢ်တ့းမံၤလၢ ပှၤခဲလၢာ်ဖဲကီၢ်အၤစံဒီးလၢဟီၣ်ခိၣ်ဒီဘ့ၣ်ဘါအီၤတဂၤအံၤ အတၢ်လုၢ်ဟံၣ်အကါတဒိၣ်လၢၤဘၣ်. ဒီး, အတၢ်မံၤဟူသၣ်ဖျါကလီၤမၢ်ကွံာ်ဝဲဒၣ်န့ၣ်လီၤ.”

မၤတၢ် 19:27 Iomraidhean Croise

လံာ်ယၡါယၤ 44:17

ဒီးသ့ၣ်လၢအအိၣ်တီၢ်န့ၣ်အဝဲတ့ထီၣ်ဝဲတၢ်ဂီၤတၢ်ဖီၣ်တခါ, ဝံၤတီၤလီၤကဒွံကျိာ်ဒီးဘူၣ်ထီၣ်ဘါထီၣ်အီၤလီၤ. အဝဲဘါထုကဖၣ်တၢ်ဒီးစံးဝဲ, “နမ့ၢ်ယကစၢ်လီၤ. အုၣ်က့ၤခီၣ်က့ၤယၤတက့ၢ်.”

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်လီၣ်ဖျါ 13:3

တၢ်ဒူတၢ်ဃိၤအခိၣ်အကျါတဖျၢၣ်န့ၣ်အိၣ်ဖျါလၢအဘၣ်ဒိဘူးတ့ၢ်လၢ အကသံဘၣ်ဆၣ်အပူၤလီၢ်ဘျါက့ၤလံဝဲလံန့ၣ်လီၤ. ဟီၣ်ခိၣ်ဒီဘ့ၣ်ကမၢကမၣ်ဒီးပိာ်တၢ်ဒူတၢ်ဃိၤန့ၣ်အခံလီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 14:9

ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,