မၤတၢ် 19:26 - Sgaw Karen Common Bible

²⁶ သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

မၤတၢ် 19:26 Iomraidhean Croise

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:25

လၢတၢ်န့ၣ်အဃိအဝဲဒၣ်ကိးဖှိၣ်အပှၤမၤတၢ်ဖိတဖၣ်, ဒီးပှၤမၤတၢ်ဖိအဂၤလၢအတၢ်ဖံးတၢ်မၤမ့ၢ်တၢ်တမံၤဃီတဖၣ်ခဲ လၢာ်ဒီးစံးဘၣ်အီၤ, “ပှၤကညီသ့ၣ်ဧၢ, သုသ့ၣ်ညါလၢပတၢ်ထူးတၢ်တီၤန့ၣ်အိၣ်ထီၣ်ဒၣ်လၢတၢ်ဖံး တၢ်မၤတမံၤအံၤအဃိလီၤ.

1 ကရံၣ်သူး 12:2

သုသ့ၣ်ညါသုဝဲလၢဖဲသုမ့ၢ်ဒံးပှၤသူခိၣ်ဖိအဆၢကတီၢ်န့ၣ်, သုဘၣ်တၢ်ဆှၢဖျိးသုလၢကျဲအါဘိအပူၤဆူတၢ်ဘါတၢ်ဂီၤ တၢ်ဖီၣ်လၢအသးသမူတအိၣ်တဖၣ်န့ၣ်လီၤ.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.