မၤတၢ် 19:23 - Sgaw Karen Common Bible

²³ ဖဲဆၢကတီၢ်အဝဲန့ၣ်, တၢ်ကီတၢ်ခဲအဒိၣ်အမုၢ်အိၣ်ထီၣ်ဝဲဖဲဝ့ၢ် အ့းဖ့းစူးဘၣ်ဃးဒီးကစၢ်အကျဲန့ၣ်လီၤ.

မၤတၢ် 19:23 Iomraidhean Croise

မၤတၢ် 18:26

အဝဲကတိၤထီၣ်တၢ်ဒူဒူလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤ လီၤ. ဖဲနီၢ်ပြံစကံးလၤဒီးစီၤအကူလၤနၢ်ဟူဘၣ်အဝဲဒၣ်ကတိၤ တၢ်န့ၣ်, က့ၤကိးအီၤဆူအဟံၣ်, တဲဖျါန့ၢ်အီၤကစၢ်ယွၤအကျဲဒ်သိးအကနၢ်ပၢၢ်ဝဲလီၤတံၢ်ဒိၣ်န့ၢ် အလီၢ်တက့ၢ်လီၤ.

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:22

တုၤနုၤတစုစီၤဖ့လံးလၢအသ့ၣ်ညါတ့ၢ်ကစၢ်အကျဲအဂ့ၢ် ဂ့ၤဂ့ၤတဂၤန့ၣ်, ဆိကတီၢ်ကွံာ်တၢ်သမံသမိးတၢ်ဒီးစံးဝဲ, “ယကစံၣ်ညီၣ်သုတၢ်ဂ့ၢ်တၢ်ကျိၤတမံၤအံၤဖဲပှၤသုးဖိ တကထိအခိၣ်စီၤလူၤစံဟဲတုၤဝဲန့ၣ်လီၤ.”

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

၂ ကရံၣ်သူး 6:9

ပဘၣ်တၢ်ပာ်ပှၤဒ်ပှၤလၢတၢ်တသ့ၣ်ညါအီၤ, ဘၣ်ဆၣ်ဒီးပဘၣ်တၢ်သ့ၣ်ညါပှၤလၢပှၤကိးဂၤဒဲးလီၤ. တၢ်ပာ်ပှၤဒ်ပသံအသိး, ဘၣ်ဆၣ်ဒီးဒ်သုထံၣ်သုဝဲအသိး, ပမူပဝဲဆူညါလီၤ. တၢ်စံၣ်ညီၣ်ပှၤဘၣ်ဆၣ်ဒီးပတဘၣ် တၢ်မၤသံပှၤဘၣ်.