မၤတၢ် 19:17 - Sgaw Karen Common Bible

¹⁷ ပှၤယူဒၤဖိဒီးပှၤကလုာ်ဂၤလၢအအိၣ်ဖဲဝ့ၢ်အ့းဖ့းစူး အပူၤခဲလၢာ်နၢ်ဟူဘၣ်တၢ်မၤအသးတမံၤအံၤအဂ့ၢ်, ဒီးတၢ်ပျံၤတၢ်ဖုးလီၤဘၣ်အဝဲသ့ၣ်ခဲလၢာ်, ဒီးကစၢ်ယ့ၣ်ၡူးအမံၤဒိးန့ၢ်ဘၣ်တၢ်လၤကပီၤဒိၣ်န့ၢ်အလီၢ် တက့ၢ်လီၤ.

မၤတၢ် 19:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:9

တုၤနုၤတစုစီၤဒၤဝံးပျံၤဘၣ်ယွၤဒီးစံးဝဲဒၣ်, “ယက့ၤစိာ်ယွၤအတၢ်အၢၣ်လီၤအီလီၤအတလါစီဆှံဃုာ်ဒီးယၤခဲအံၤကသ့ဒ်လဲၣ်.”

စံးထီၣ်ပတြၢၤ 64:9

အန့ၣ်ဒီး ပှၤခဲလၢာ်ကပျံၤတၢ်လီၤ. အဝဲသ့ၣ်က ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်လူၤကၣ် 1:65

ကယဲၢ်ပှၤအိၣ်ဆိးလၢအခိၣ်အဃၢၤတဖၣ်ပှဲၤဒီးတၢ်ပျံၤတၢ်ဖုးဒီး တၢ်ကစီၣ်ဘၣ်ဃးတၢ်သ့ၣ်တဖၣ်အံၤအဂ့ၢ်ဟူထီၣ်သါလီၤဝဲ သကုၤကီၢ်ယူဒၤအတၢ်လူၢ်တၢ်တြီၤတၢ်လီၢ်တၢ်ကျဲတဖၣ်လီၤ.

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

မၤတၢ် 13:12

ဖဲပဒိၣ်တဂၤအံၤထံၣ်ဘၣ်တၢ်လၢအမၤတ့ၢ်အသးတဖၣ်အံၤန့ၣ်, အဝဲဒၣ်စူၢ်က့ၤနာ်က့ၤတၢ်လီၤ. အဝဲဒၣ်ကမၢကမၣ်အဒိၣ်အအါ, ဖဲအနၢ်ဟူဘၣ်တၢ်သိၣ်လီၤသီလီၤဘၣ်ဃးကစၢ်အဂ့ၢ်န့ၣ်လီၤ.

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 18:21

ဘၣ်ဆၣ်ဒီးဖဲအဟးထီၣ်န့ၣ်စံးဘၣ်အဝဲသ့ၣ်, “ကစၢ်ယွၤမ့ၢ်ဘၣ်အသးဒီးယကဟဲက့ၤကဒါက့ၤဆူ သုအိၣ်လီၤ.” ဒီးအဝဲဒၣ်ဒိးထီၣ်ကဘီဒီးဟးထီၣ်ကွံာ် လၢဝ့ၢ်အ့းဖ့းစူးန့ၣ်လီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 19:16

ပှၤလၢတၢ်နါဒိးအီၤတဂၤန့ၣ်, စံၣ်ပှီၤအဝဲသ့ၣ်ဆူၣ်ဆူၣ်ကလဲာ်ဒီးမၤနၢၤမၤဃၣ်ကွံာ် အဝဲသ့ၣ်ခဲလၢာ်လီၤ. အဝဲသ့ၣ်ကိးဂၤဒဲးဃ့ၢ်ထီၣ်ကွံာ်လၢ အဟံၣ်, အိၣ်ဘ့ၣ်ဆ့ဒီးဘၣ်ဒိဘၣ်ထံးနးနးကလဲာ်လီၤ.

မၤတၢ် 19:18

ပှၤစူၢ်က့ၤနာ်က့ၤတၢ်ဟဲဝဲအါဒံအါဂၤ, ဒီးအၢၣ်လီၤအီလီၤလၢကမျၢၢ်အမဲာ်ညါဒီးပာ်ဖျါထီၣ်တၢ်လၢ အမၤဘၣ်တ့ၢ်ဝဲတဖၣ်န့ၣ်လီၤ.

မၤတၢ် 2:43

တၢ်လီၤလးဒီးတၢ်ပနီၣ်လီၤလးအါမံၤမၤအသးခီဖျိပှၤတၢ်မၢဖိတဖၣ်, ဒီးတၢ်ပျံၤတၢ်ဖုးလီၤဘၣ်ပှၤကိးဂၤဒဲးန့ၣ်လီၤ.

မၤတၢ် 5:11

တၢ်အိၣ်ဖှိၣ်ဒီဖုညါဒီးပှၤအဂၤလၢအနၢ်ဟူဘၣ်တၢ်ဂ့ၢ်အံၤကိးဂၤဒဲးန့ၣ်, ပျံၤတၢ်ဒိၣ်ဒိၣ်ကလဲာ်လီၤ.

မၤတၢ် 5:13

ပှၤလၢအတမ့ၢ်ပှၤစူၢ်က့ၤနာ်က့ၤတၢ်တဖၣ်န့ၣ်, ဟဲပာ်ဖှိၣ်ထီၣ်အသးဒီးအဝဲသ့ၣ်တဘူၣ်သနာ်က့, ပတြၢၤဘၣ်အဝဲသ့ၣ်ဒိၣ်မးလီၤ.

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

၂ သ့းစၤလနံ 1:12

လၢကျဲဒ်အံၤအပူၤန့ၣ် ပကစၢ်ယ့ၣ်ၡူးအမံၤကဒိးန့ၢ်တၢ်လၤ ကပီၤလၢသုအိၣ်ဒီးသုကဒိးန့ၢ်တၢ်လၤကပီၤလၢအဝဲဒၣ် အအိၣ်, ခီဖျိပကစၢ်ယွၤဒီးကစၢ်ယ့ၣ်ၡူးခရံာ်အဘျုးအဖှိၣ်န့ၣ်လီၤ.

၂ သ့းစၤလနံ 3:1

လၢခံကတၢၢ်န့ၣ်, ပဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်တၢ်လၢပဂီၢ်, ဒ်သိးကစၢ်အတၢ်ကစီၣ်ကရၤလီၤအသးချ့ချ့ကလဲာ်, ဒီးဖဲတၢ်လီၢ်ကိးပူၤဒဲးန့ၣ်, ကဘၣ်တၢ်တူၢ်လိာ်မၤလၤကပီၤအီၤ, ဒ်အမၤအသးလၢသုသိးသုကျါန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 6:20

မၤသးဒ်န့ၣ်ဒီး, ပှၤဝ့ၢ်ဘ့ၤသၡ့မ့ၣ်ဖိတဖၣ်စံးဝဲ, “မ့ၢ်မတၤဆၢထၢၣ်လၢယွၤ, ကစၢ်ယွၤလၢအစီဆှံ တဂၤအံၤအမဲာ်ညါသ့ဝဲန့ၣ်လဲၣ်. လၢတၢ်သုးကွံာ်အီၤလၢပအိၣ်အဂီၢ် မ့ၢ်ပကဆှၢအီၤဆူတၢ်လီၢ်မတၤလဲၣ်.”