မၤတၢ် 19:16 - Sgaw Karen Common Bible

¹⁶ ပှၤလၢတၢ်နါဒိးအီၤတဂၤန့ၣ်, စံၣ်ပှီၤအဝဲသ့ၣ်ဆူၣ်ဆူၣ်ကလဲာ်ဒီးမၤနၢၤမၤဃၣ်ကွံာ် အဝဲသ့ၣ်ခဲလၢာ်လီၤ. အဝဲသ့ၣ်ကိးဂၤဒဲးဃ့ၢ်ထီၣ်ကွံာ်လၢ အဟံၣ်, အိၣ်ဘ့ၣ်ဆ့ဒီးဘၣ်ဒိဘၣ်ထံးနးနးကလဲာ်လီၤ.

မၤတၢ် 19:16 Iomraidhean Croise

လံာ်မၢ်ကူး 5:15

တုၤအဝဲသ့ၣ်ဟဲတုၤဖဲယ့ၣ်ၡူးအိၣ်တၢ်အလီၢ်န့ၣ်, အဝဲသ့ၣ်ထံၣ်ဘၣ်ပှၤလၢတၢ်နါလ့းကူၣ်ဒိးတ့ၢ်အီၤ တဂၤဆ့ၣ်နီၤဖဲန့ၣ်အိၣ်ဒီးတၢ်ကူတၢ်သိးဒီးအသးဘၣ်လီၢ် ဘၣ်စးဂ့ၤဂ့ၤဘၣ်ဘၣ်သတးဒီး, အဝဲသ့ၣ်ပျံၤတၢ်ဖုးတၢ်လီၤ.

လံာ်လူၤကၣ် 8:29

အဝဲဒၣ်စံးတၢ်အံၤန့ၣ်, မ့ၢ်လၢယ့ၣ်ၡူးဟီထီၣ်ကွံာ်တ့ၢ်လံတၢ်နါဒ်သိး အကဟးထီၣ်ကွံာ်လၢအလိၤအဃိန့ၣ်လီၤ. တၢ်နါအံၤဖီၣ်ဃာ်တ့ၢ်အီၤအါစုအါဘျီ, ဒီးအဝဲဒၣ်အစုအခီၣ်ဘၣ်တၢ်စၢဃာ်အီၤလၢထးသွဲသနာ်က့ ဖ့ၣ်တဲာ်ကွံာ်ဝဲဒီးဘၣ်တၢ်နီၣ်ဟးထီၣ်ကွံာ်အီၤလၢ တၢ်နါအဝဲန့ၣ်ဆူပှၢ်မုၢ်ကနၢအပူၤလီၤ.

လံာ်လူၤကၣ် 8:35

ပှၤဂီၢ်မုၢ်တဖၣ်ဟးထီၣ်ဒ်သိးအကထံၣ်ဘၣ်တၢ်လၢအမၤတ့ၢ်အသး တဖၣ်လီၤ. အဝဲသ့ၣ်ဟဲဆူယ့ၣ်ၡူးအအိၣ်ဒီးထံၣ်ဘၣ်ပှၤတဂၤလၢ တၢ်နါတဖၣ်ဟးထီၣ်ကွံာ်လၢအလိၤ, ဆ့ၣ်နီၤဖဲယ့ၣ်ၡူးအခီၣ်ထံး, အိၣ်ဒီးတၢ်ကူတၢ်သိးလၢအလိၤ, အိၣ်ဒီးအသးလၢအဘၣ်လီၢ်ဘၣ်စး, ဒီးအဝဲသ့ၣ်ပျံၤတၢ်ကိးဂၤဒဲးလီၤ.

မၤတၢ် 19:15

ဘၣ်ဆၣ်ဒီးတၢ်နါစံးဘၣ်အီၤ, “ယသ့ၣ်ညါယ့ၣ်ၡူးဒီးယနၢ်ဟူဘၣ်ဃးစီၤပီလူးအဂ့ၢ်လီၤ. မ့မ့ၢ်သုဝဲသုမ့ၢ်မတၤတဖၣ်လဲၣ်.”

မၤတၢ် 19:17

ပှၤယူဒၤဖိဒီးပှၤကလုာ်ဂၤလၢအအိၣ်ဖဲဝ့ၢ်အ့းဖ့းစူး အပူၤခဲလၢာ်နၢ်ဟူဘၣ်တၢ်မၤအသးတမံၤအံၤအဂ့ၢ်, ဒီးတၢ်ပျံၤတၢ်ဖုးလီၤဘၣ်အဝဲသ့ၣ်ခဲလၢာ်, ဒီးကစၢ်ယ့ၣ်ၡူးအမံၤဒိးန့ၢ်ဘၣ်တၢ်လၤကပီၤဒိၣ်န့ၢ်အလီၢ် တက့ၢ်လီၤ.

မၤတၢ် 3:8

အန့ၣ်သတးဒီးအဝဲဒၣ်စံၣ်ထီၣ်ဝဲဒီးဆၢထၢၣ်လၢအခီၣ်, ဒီးဟးထီၣ်ဝဲဆူအံၤဆူဘးလီၤ. အန့ၣ်ဝံၤဒီးလဲၤသကိးဝဲဒီးအဝဲသ့ၣ်ခံဂၤန့ၣ်ဆူတၢ်လုၢ်ဟံၣ် ပူၤ, ဟးဝဲ, စံၣ်ထီၣ်ဝဲ, ဒီးစံးထီၣ်ပတြၢၤကစၢ်ယွၤလီၤ.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.